Эртний үгэнд 2

Эргүүлж мөлжихөд хүзүү сайхан. Гэж нэг үг байдаг даа.

Овоо зузаан номоо эргүүлж тойруулаад мөлжөөд л сууна. Хэ хэ. Нээрээ энэ номонд бас шүлэглэсэн мөрүүд их гарна аа. Зарим зүйрлэл энэ тэр нь бас л уянгын халил ихтэй. Яруу сайхан зүйрлэл ч ихтэй.

21. Зууч эмгэний зальхай аргаас мултарч чадах хүмүүн үгүй.

22. Муу хүмүүнд нүүр бүү өг. Мухар үхэрт худаг бүү үзүүл.
Энэ хэсэгт хэвлэлийн алдаа орсон уу? Муу хүнд нүүр өг гээд биччихсэн байсан. Би дур мэдэн бүү гэдэг үг нэмээд биччихлээ. Оносон байгаа?

23. Ачийг нь мэдээд хариулахгүй болвоос хүмүүнд тооцохуйяа бэрх.

24. Бодлого их болвоос буян бас их. Мэх үлэмж бөгөөс мөхөл бас хурдан.

25. Хүлчин чөтгөр мэт зальтай боловч хөл угаасан усыг уув.

26. Хүн мянган өдөр жаргахгүй. Цэцэг зуун хоног дэлгэрэхгүй.

27. Хол хэмээвээс түмэн бээрийн газар. Ойр хэмээвээс нүдний өмнө.

28. Хань нөхрийг хол үдэвч хагацан салах цаг буй.

29. Өөх өгсөн хүн лүгээ өглөө босоод заргалдав.

30. Орчлон дэлхийд луу явбаас үүл гарна. Барс явбаас салхи дэгдмүй.

31. Гадир жимс сайхан боловч гашууныг нь хэн мэдмүй.

32. Бие чийрэг нь бодлого хатууд үл хүрмүй.

33. Өөхөнд багласан чулуугаар өөдөөс шидэх.

34. Ойр ойр хэмээтэл орой дээр гармой.

35. Салхин гүйдэлтэй сайн хөлгийг тэнэг хүн унаж, сайхан төрсөн гуа авхайг тэнэг эр өвөртөлдөг.

36. Үүд алхан орвоос дэгжил буурлыг асуух хэрэггүй. Өнгө зүсийг шинжин үзмэгц даруй төсөөлөн мэдмүй.

37. Айл хүний амь нэг. Саахалт хүүмүүний санаа нэг.

38. Зөөлөн намуун явах нь биеийг бүтээх үндэс. Зөрүү хэдрээр үйлдэх нь зовлонг үүсгэх шалтгаан.

39. Нэгэн гийчин хоёр хүнд зочлогдож үл болмой.

40. Сайн цагийг хүлээж сайхан чимээг сонсмой.

Гэх мэтчилэн мөлжиж байна. Шууд номон дээрээ тодруулчихаж байгаа, амар. Сүүлд сөхөж харахад ч гэсэн цаг хэмнэнэ.

Гэснээс бас сонин сонин үг зөндөө гарсан. Дараагийн бичлэгээр, хэрэв залхуу хүрэхгүй бол тэр өвөрмөц үгнүүдээс түүж бичиж болох л юм тэ.

За бүгдэд нь амжилт шүү. Маргааш ажил эхлэнэ. Амралт дуусав аа гэж. Хичээнэ ээ би...