Хөөрхөн шийдэл

Энд тэнд явахдаа хөөрхөн хөөрхөн шийдэл харахаараа зураг хөрөг дардаг байж дээ. Цаг сайхан байж дээ.

Шат. Зүгээр л нэг шат хийчихээгүй. Ингэж мод? шиг хийсэн байгаа нь. Үүгээр хүүхдүүд зүгээр нэг өгсөөд, уруудаад явдаггүй юм билээ. Үсэрч харайгаад л, тоолж гүйгээд л, үржүүлж гүйгээд л. Их өгөөжтэй санагдсан.

Ганцхан энэ шатан дээр бид овоо хэдэн минутыг өнгөрөөсөн байсан. Энэ шаттай бид гэрээсээ жаахан зайтай, гол дагуух гудамжинд таарсан. Заавал мөнгө үрээд, хол яваад гоё шийдэлтэй таарах биш. Ойрхноос баяр баясал, зөв шийдэл, хайр халамж мэдрэнэ гэж л энэ шүү дээ. Хэ хэ.

Хол аялаагүй, хол яваагүй энэ жил нэг иймэрхүү, жижигхээн зүйл олж харчихаад баясаад л. Хааяа галзуурч байна гэж бодохоор, заримдаа гэгээрч байна гэж бодохоор. Хи хи.

Та нар батийм байна уу? Монголд бол их олон сараар карантийлж байгаа болохоор бас л хэцүү байна гэсэн шүү. Ялангуяа одонтой болон одонд ганц нэг тоо дутуу ээжүүд. Хо хо.

Гэснээс би ч бас одон авахад ганц тоо дутуу. Ккк. Одонд хүчээ үз гээд байгаа улсууд минь цаашаа шүү. Бүхэл бүтэн хүн төрүүлж, өсгөнө гэдэг чинь одонгоос илүү чухал, хариуцлагатай, хүч, мөнгө шаардана шүү. Одонг дагаж надад мөнгө ирэх үү? Одонгоо хараад би эрч хүчтэй болох уу? Ха ха.

За за шийдлийн тухай ярьж байсан хүн одон модон яриад...

Айлаас эрэхээр авдраа уудал гэдэг шиг ойрхноос өөр гого шийдэл олбол зураг авна аа. Та нартайгаа хуваалцана аа...

Одоо хэдхээн хоног хичээнэ шүү бүгдээрээ...