Сургуулийн эргэн тойронд

Охидын сургуулиудын эргэн тойронд болж буй зүйлсийг бичиж үлдээе ээ.

Дунд зулзагын сургууль буюу бага сургууль. Алтан долоо хоног дуусаад сургууль эхлээд долоо хоног өнгөрч байна.

Нэг ангийг А, Б гээд бүлэгт хуваасан. Зулзага А бүлэгт орсон. Даваа гарагт үдээс өмнө, мягмар гарагт үдээс хойш, лхагва гарагт үдээс өмнө, пүрэв гарагт үдээс хойш, баасан гарагт үдээс хойш гэж явна.

Б бүлэг нь зөрөөд явна гэсэн үг. Нэг авууштай нь үдийн хоолоо сургууль дээрээ иднэ. Үдийн хоолны цагаар ангиараа цуглаж шуугилдаж аваад, үдээс өмнөх хэсэг нь хоолоо идсэний дараагаар шууд тарна. Үдээс хойших хэсэг нь үдийн хоолоо тааруулж ирнэ. Үргэлжлүүлээд хичээлдээ сууна.

Заавал маскаа зүүж явна. Гараа хэд хэдэн удаа угаана.

Том зулзагын сургууль буюу ахлах сургууль. Сая лхагва гарагт гэртээ бие даалт хий гэж амарсан. Би ажилтай тул яг бие даалтаа хийсэн эсэхийг мэдэхгүй. Хэ хэ.

Өсвөр насны хүүхдийг гэрт нь ганцааранг нь орхих жаахан санаа зовоосон асуудлын нэг болж байгаа. Найз банди энэ тэртэй байх вий энэ тэр гээд л. Хүүхэд томрох тусам асуудал ч томроно. Хүүхэд томрох ч лүд юм аа гээд л зөндөө үгс байдаг, тийм ээ.

Химийн сонгон тул хичээл ихтэй байдаг. Шалгалтны төлөө амьдраад байх шиг байна гээд хааяа үглэж харагддаг. Хэ хэ. Хэзээ нэгэн цагт үр дүнгээ өгнө өө миний зулзага минь гэж би тайвшруулаад л явж байна даа.

Өдрийн хоолоо өөрсдөө бэлдэж авч явна. том зулзага өөрөө л хийдгээрээ хийнэ. Заримдаа босохгүй, эрт. Тэр үед нь мөнгө өгч явуулна.

Карантины ачаар хүмүүс сургуулийн ач тус, багшийн алдар гавъяаг үнэнхүү ойлгож байна тийм ээ. Би ч угаасаа ардын багш нарыг үргэлж магтан дуулдаг. Хэ хэ.

Урьд өмнө нь тулгарч байгаагүй асуудалтай тулгарчихсан дээд доодгүй сандарч л байна. Дэлхий нийтээрээ л сандарч байна тийм ээ. Хэдий хэр хугацаанд тэсэх шаардлагатайг хэлж мэдэхгүй ч, нэг бол дасаад байгаа ч юм шиг, нэг бол стрессдээд байгаа ч юм шиг. Жүжигчин Хүрлээгийн "- ч байгаа юм шиг" гэдэг хошин яриа байдаг даа. Яг л түүн шиг...

Жин хасах ажиллагаа ямар ч үр дүнгүй байна. Үр дүн гаргахаар дорвитой үйл ажиллагаа ч явуулаагүй л байна л даа. Хэ ха. Идэш уушаа л жаахан танах санаатай. Элдэв амттан идээгүй долоо хонох гэж байна. Хатаасан үзэм идээд байгаа, нээрээ. 

Өөр ч зүйлгүй дээ. Түр баяртай. Маргааш болтол баяртай юм уу? Өдөр бүр бичих тул. Хи хи.

Хичээнэ шүү, бултаараа...