Коронагийн эргэн тойронд

Баба вирус гарснаас хойш сонин хачин зүйл их л болж байна тэ, эргэн тойронд. Жирийн нэгэн иргэн, жирийн нэгэн ээжийн, жирийн нэгэн эзэгтэйн, жирийн нэгэн эмэгтэйн, жирийн нэгэн ажилтны зүгээс бичлээ.

Түүнээс Идэрээгийн посткадаар орж буй оролцогчдын яриаг сонсохоор заримдаа ч их сүрдэх юм аа. Хэ хэ. За тэгээд СБА шүү.

Амны хаалт. Өмнөх жилүүдэд 50-60 ширхэгтэй нь 700 иен хавьцаа зарагддаг байсан амны хаалт 50 ширхэгтэй нь 3000 иенээс дээш үнээр зарагдаж эхэлж байна. Оронгуут шууд нүдэнд өртдөг газар, уул овоо шиг л өрөөстэй айдаг байлаа. Тэгсэн одоо яаж байна?

Нэг хэсэг огт олдохгүй байсан бол одоо бага багаар энд тэндхийн дэлгүүрүүдэд зарагдаж эхэлж байна. Би одоогоор тааралдаагүй. Авна гэсэн хүнсээ л авдаг тул илүү зүйл харахгүй байна л даа. Маш хэмнэлттэй. Хэ хэ.

Мужийн захиргаанаас тодорхой заасан дэлгүүрүүдээс 10 ширхэг амны хаалт худалдаж авах эрхийн бичиг? ирсэн. Шуудангаар. Тэр ирсэн бичгийг үзүүлээд хоёр удаа худалдаж авч болно. Гэхдээ бид худалдаж авахгүй гэж бодож байгаа.

Хань ижлийн хийсэн хэд хэдэн ээлжийн амны хаалт, мөн нэг удаагийнх нэлээд байна. Юмыг яаж мэдэхэв гээд байлгаж байгаа, нэг удаагийн амны хаалтаа.

Хүнс. Урд нь тэр бүр зарагддаггүй хүнснүүд үнэд орж, эрэлт нэмэгдэж байна. Гоймон, паста, hotcake-ний гурил, гурил зэрэг бүтээгдэхүүний лангуу хоосров. Би ямар азаар дээхэн хэдэн уутыг авсан байсан юм. Түүгээрээ алтан долоо хоногийн амралтаар ганц нэг монгол хоол хийж идэв шүү дээ.

Нээрээ гурил махыг нэг дор хольж идэх муу гэж сонссон тул, аль болох бага хийж идэхийг зорьж байна. Хааяа л нэг монгол хоол хийж иддэг. Мөн төмс мах хоёрыг цугт нь идэж болохгүй, өргөст хэмх, улаан лоолийг цугт нь идэж болохгүй гээд зөндөө...

Их сонсох, их унших нь энэ мэт мэдлэг мэдээллийг их өгөх юм тийм ээ? Нэг бодлын зүдэрнэ ээ, дассан зүйлийг халж, шинэ хэвшил, дадал тогтоох гэж...

Орлого. Энгийн нэгэн ажилтан тул яг одоогоор цалингаа аваад л явж байна. Бт бонус авдаггүй тул одоогоор мэдэгдэх зүйл алга. Жилдээ хоёр удаа бонус авдаг улс энэ зун 7 сард мэдэгдэх байх. Зарим нэг газар бонус өгч чадахгүй, төрийн албан хаагчдын бонусыг багасгана энэ тэр гэсэн мэдээ явж байсан.

Зарлага. Нэг их өөрчлөгдөөгүй л дээ. Гэхдээ цалингаа буухаар нэг доргиж гадуур хооллодог байсан минь зогссон. Бас ч гэж хэмнэлттэй. Нэг удаа гадуур хооллох мөнгөөрөө материалаа аваад гэртээ хоолоо хийж идэх нь хамаагүй их хэмнэлттэй гэж мэддэг ч. Ээж хүн, эзэгтэй хүн чинь хааяа нэг гал тогооноос хөндийрмөөр үе байдаг юм шүү, хөлдүү төмснүүдээ. Ха ха.

Хөлдүү төмснууд нь үүнийг жаахан мэдрээд, үе үе гал тогоо, тогоо шанаганаас нэг өдөр ч болтугай хол байлгаж байгаарай гэж зөвлөе дөө. Би өөрөө гадуур ажилтай гээд явчихаараа гал тогоо цаашаа шүү болдог хөөн. Мөн хагас бүтэн сайнд аль болох гал тогоондоо бага цаг үрэхийг хичээдэг.

Зулзагуудын дугуйлангууд нэг хоёр удаа карантийлаад, түүнийгээ дагаад төлбөрийнхөө талыг нь төлсөн гэх мэт бага зэрэг багассан. Карантийтай үед л дээ. Байдал хэвийн болохоор төлбөр ч бүтэн төлөгдөнө.

Гэртээ байхаар тог, усны мөнгө жаахан нэмэгдэх янзтай. Тогоо хэмнэ, усаа хэмнэ гэж үглэдэг минь ихэссэн. Жишээ нь гэрийн 00 цонхтой, мөн ванны өрөө бас цонхтой. Өдөр шээж баах, усанд орохоор бол гэрлээ асаахгүй гэх мэтээр хэмнэ гэж үглэж байна. Би бол өөрөө тэгдэг.

Нарийн чимхлүүр ажил хийх гэж байгаа биш, тийм ээ. Зүү утас сүвлэх гэж байгаа биш, хангалттай гэрэлтэй байдаг.

Ариун цэвэр. Гараа сайтар угааж сурч байна. Ккк. Ялангуяа зулзагууд, хань ижил. Хэ хэ. Хүн хэлэлтгүй би ч өөрөө. Урд нь усанд хальт булхсан болоод л угаасан нэр зүүдэг байлаа. Одоо яаж байна, савандаж өгч байна. Үүнийг дагаад саван, гарын тос бас эрэлттэй болж байна. Хи хи.

Ханиахдаа, найтаахдаа бас их учир жанцантай найтааж байна. Гараараа биш, алчуур, амны цаас гэх мэтийг амандаа авчирч байгаад ханиана, найтаана. Бүр юу ч байхгүй бол ханцуйндаа найтаа гэж заалгасан. Хэ хэ.

Нийтийн сүлжээ. Хоолны бүлэг маш идэвхижээд, төрөл бүрийн хоолны зураг харж байна. Яг ч дагаж хийгээд шинэ зүйл сурчихаагүй л байна. Учир нь бид яг карантийлагдаагүй тул. Цаг зав нь бага гэсэн үг. Өрөм харин загсаагаад сурна шүү, заавал.

Өөр зөндөө л бүлэг байна. Хальт гүйлгэж харна. Номынхоо бүлгүүдийг идэвхитэй орж харна шүү. Ямар ном хэвлэгдэж байна гэж. Худалдаж авах юмсан гэсэн ном зөндөө. Жагсаалт нэмэгдээд л байна. Жагсаалтынхаа үргэлжлэл бичлэгийг хийнэ ээ.

За нэг иймэрхүү. Өөр юу билээ? Дараа санавал бичимз...

Маргааш болтол баяртай. Хичээнэ шүү...