Ээлжит цэцэгний зураг. 5 сард суугуул хот минь бас л өнгө алаглаж байна шүү. Дагаад сэтгэл санаа ч сайхан болох юм. Баба вирусыг эс тоцвол. Мөн биеийнхээ жинг эс тооцвол. Хэ хэ.
Хаа сайгүй, гудамж бүр, замын хажуу бүр ийм улаан голцуу цэцэг. Энэ нь бас ягаан, цагаан өнгө байх юм билээ.
Машинаа зогсоочоод ажил руугаа алхах зуур. Ийм цэцгийн мандалтай зөндөө таарна. Өөрийн эрхгүй зогсож, гар утсаа гаргаж ирээд зураг дарна. Угтаа ажил руугаа яарч байж. Хэ хэ.
Замд бас нэг ийм жижигхээн гол таарна. Хачин цэвэрхэн. Хоёр талаар нь цэцэг алаглаад л. Хог ч харагдахгүй. Энэ хоггүй байх асуудал цэвэр иргэдийн, оршин суугчдын ухамсарын асуудал шиг санагддаг. Тийм ээ? Улаанбаатао минь ч хоггүй байж чадна гэж боддог...
Өө тийм, цэцгийн нэр нь азалия. Монгол нэрийг нь яг таг сайн хэлж мэдэхгүй юм өө. Гэхдээ тэрэлж цэцэг гэж хаанаас ч билээ уншиж байсан.
Та ч бас эргэн тойрноо нэг сайн хараарай. Сэтгэл гижигдсэн, сэтгэл хөдөлгөсөн, сэтгэл булаасан, сэтгэл татсан, сэтгэл баясгасан, өөр сэтгэлийг яасан сайхан үгс юу байдаг билээ? Тийм зүйлсийг харж дархлаагаа сэргээгээрэй. Амжилт шүү...
0 件のコメント:
コメントを投稿