Хэн гэдгээ үзүүлээд өг

Хачин сүртэй нэртэй ном уншлаа.

Дунд сургуулиа төгсөөд явчихсан шавиасаа зээлээд. -Багшаа, нэг тийм загнаад байдаг ном. Та унших уу?
-Тэгье. Аваад ирээрэй.

Нэлээд өндөр найдлага тавьж эхлүүлсэн. Ганц хоёр мөр уншиж эхлээд л шууд бөөс түүгээд эхэлсэн. Хэ хэ. Бүр улаан бал барьж байгаад шүү.

Ийм алдаа мадагтай номыг уншихаар, энэ эх орноосоо гараад, эх хэлнийх нь хичээл нь тасалдчихсан залуус уншаад, тэр алдаатай чигээр нь л толгойдоо суулгана. Гэж бодоод, уур хүрээд л, тэгсэн хэрнээ яахав уншаад дуусгачихсан.

Өгөх гээд байгаа санаа, сэдэл нь уг нь зөв.

Нүүр номоос хайж үзэв. Гарч ирж байна аа. Дахин хэвлэгдэв, захиалга авна энэ тэр гэсэн байна шүү. Нил алдаа байна лээ гэж үглэсэн хүн алга аа. Гайхав. Гэхдээ тууштай хайгаагүй л дээ. Хальт л хайсан.

Ядаж байхад би асар сайн ном уншсаныхаа дараахан эхлүүлснийг ч хэлэх үү? Чадаад байх юм, энэ улсууд. Сонин сонин зүйл бичээд, мөр нийлүүлээд хэвлээд, зараад...

Блогоосоо хэдэн жинтэй бичлэгээ сонгоод, хэвлүүлчихмээр ч санагдах. Нэг найз минь хэлээд л байгаа. Заавал ном болгож хэвлүүлээрэй гээд. Би наана нь өөрийгөө жаахан голоод байгаа шүү дээ. Мундаг, сүрхий хүмүүсийн хажууд, жул санагдаад...

За мөрөөдөл минь биелэх өдөр ойрхон буй за...

Монгол ном эхлүүлсэнгүй, жаахан гүрийлээ. Түүнээс гар загатнаад л, хөл номын тавиур луугаа нэг алхаад л. Хүчээр хойшлуулаад байгаа. Учир нь эхлүүлчихсэн япон номоо дуусгая даа, энэ чинь одоо. Монгол хүн байна даа.

Бүр хоёр япон ном эхлүүлчихсэн. Нэг нь яагаав, нэг хөөрхөн эмээгийн хэлсэн суут үгсийн цуглуулга ном. Бурхан болчихсон л доо, эмээ. Зарим хүмүүс бурхан болсон ч үнэ цэнээ алдахгүй юм тэ. Дуусах гээл л, суут үгс болохоор утгыг нь ойлгож унших гээд нухаад байгаа учраас удаад байна л даа.

Нөгөө нэг нь нууц. Ккк. Худлаа худлаа, уншаад дуусахаараа зураг оруулна аа...

Бүгдэд нь амжилт шүү... Баба вирус хурдан нам дарагдаасай тийм ээ? Би ч хичээнэ ээ...