Бага зулзага минь ой хүрсэн. Өдөртөө албандаа явсан. Өглөө ангидаа орсон чинь багш нь баяр хүргэсэн.
Эмээ өвөөгөө монголоос дуудчихсан. Дэргэдээ олон туслахтай байсан зулзага минь...
Дүүгийнхээ тэмдэглэлт өдрийг хэрхэн тэмдэглэх тухай эгч нар нь ингэж ярьсан.
Том зулзага
-Бүгдээрээ бантан идэцгээе. Дүүгийнхээ оронд өөрсдийгөө нэг тавиад үзэх нь зөв шүү дээ. Бялуу авахгүй, идэхгүй.
Дунд зулзага
-Бялуу авна шүү, би мөнгийг нь гаргая аа. Бялуугүй бол муухай шүү дээ.
Дунд зулзага үнэн баян байгаа. Ээж та надаас зээлсэн мөнгөө өгөөч ээ, цалин чинь хэзээ буух юм бэ? л гэдэг юм. Хи хи.
Гэх мэтээр наана нь бид зөндөө л ярьсан.
Ээж бол нэг л их хэмнэлт хийх гэж үглэдэг хэрнээ цагаа тулахаар зулзагуудынхаа баяртай царайг харах гээд хүссэнээр нь хүссэн бялууг нь авчихдаг юм дөө. Хань ижил ч бас тийм. Хэ хэ.
Өөрөөр ч нэг их бэлдэхгүй ээ. Ундаа худалдаж авдаггүй. Хааяа хүмүүсийн өгсөн ундаа байвал гаргаж тавина. Өөрсдөө хийсэн чавганы жүүсээ л ууна.
Чихэр бүр авахгүй. Жигнэмэг хааяа авна.
Дүүдээ бэлэг сонгохдоо хань ижлийн сонголтоор Тонари но Тоторо -н двд авсан. Овоо л үнэтэй эд шүү. Охид бас багадаа зөндөө л үздэг байсан. Зурагтан дотроо хадгалчихсан байсан чинь устчихаж. Тэгээд л аав нь авч өгнө гэсэн.
Яг явж, худалдаж авах үйлдлийг бол бүхнийг амжуулагч ээж гүйцэтгэнэ.
Энэ жил монголчууд хэд хэдэн баяраа цомхон тэмдэглээд, үүнд ихэнх хүмүүс олзуурхаж байгаа сурагтай.
Ер нь бол ингэж цомхон тэмдэглэж болдог юм шүү дээ таминь минь. Бид ч энд ирснээс хойш элдэв баярыг их л цомхон тэмдэглэдэг. Гэр бүлээрээ даруухан тэмдэглэнэ.
Болоод л байна. Cанхүүд асар хэмнэлттэй. Өр ширгүй, жилдаа ганц удаа монгол дахь ижий аавдаа цагаан сардаа хэрэглэ гэж илүүчилнэ. Энд тэнд хамаатан садан минь диваажинд залрахад нь буяны өглөг өгнө.
Харин энд тэнд хурим найр боллоо, тэгж шагнууллаа энэ тэр гэхэд нь баярын зурвас явуулна. Бэлэг сэлт өгдөггүй. Эрүүл саруул байхад яаж ийгээд баярыг нь хуваалцах өдөр ирнэ гэж боддог...
Бас л талийж байна. Бүгдэд нь амжилт хүсье өө...
0 件のコメント:
コメントを投稿