Шинэ сарын мэнд

5 сар гарчихлаа шүү. Хүн төрөлхтөн нэг айхтар вирустай нүүр тулгараад бүтэн 6 сар. Их хугацаа. Айдас хүйдэстэй цаг хугацаа.

Ямар билээ нэг кинон дээр хүнгүй хот гараад л, амьд үлдсэнхүн нь хэн ч билээ дээ? Ганцаараа өөрөө өөртэйгөө яриад л тэ. Муу срын зүйл их хийхээр тэгж байгаа шүү дээ гэж бодогдох.

Бас нэг ном яригдаад байсан тэ. Вангийн нулимс гэсэн үү? Вирус энэ тэр гардаг юм уу даа. Бас муу ёр тэ. Хэ хэ.

Суугуул мужаар минь одоогоор Анх-Отгонтойгоо нийлээд гурван хүн байна. Нэмэгдээгүй. Нэмэгдэлгүй цаг хожоосой гэж залбирнам.

Ажлаар сонин сайхан гэвэл, ажилчдадаа нэг өдөр гэрээсээ ажиллах санал тавьж байгаа. Ганц нэг хүмүүс гэрээсээ ажиллана гэж нэг нэг өдөр амарч байх шиг байсан.

Би одоогоор гэрээсээ ажиллана гэж саналаа өгөөгүй л байна. Тэртэй тэргүй байдал хурцдаад, бага зулзагын цэцэрлэг карантийлчихвал хүссэн хүсээгүй би ажилдаа явж чадахгүй тул юмыг яаж мэдэхэв гээд нөөж байгаа нь тэр.

Хань ижлийн ажил бас одоогоор карантийлаагүй л байна. Илүү цаг хийлгэхгүй, амралтын ганц нэг өдөр ажиллаад өг гэж шаардахгүй амар л байна. Гэснээс илүү цаг ажиллахгүй, илүү цагийн мөнгө бодогдохгүй болохоор цалин пүнлүү илт багасаад явчихдаг нь жаахан харамсалтай. Хэ хэ. Эхнэрүүд мөнгөнд дуртайг ч хэлэх үү? Эхнэрүүд гээд олон тоон дээр биччихлээ. Нэг их буруудахгүй байх тийм үү? Хэ хэ.

Манайх бас гэрээр ном олгодог үйл ажиллагаагаа түр зогсоосон байгаа. Мужийнхаа төв номын сангаас авч буй арга хэмжээг ерөнхийд нь дагасхийгээд л явж байна. Япон хэлний сурах бичгийг захиалга өгсөн хүмүүст хугацааг нь уртасгаж гарван сараар зээлж байна.

Гадны ганц нэг оюутан нүд нь сэргэж ирээд л зээлэх юм. Манай монголчууд л байхгүй. Манайхан чинь нэг бол маш сайн мэддэг, нэг бол юу ч мэдэхгүй гэдэг шиг байх юм дөө.

Хамгийн идэвхитэй үйлчлүүлэгч нь манай гэрийнхэн. Мужийн, хотын номын сангууд хаагдчихсан. Дунд зулзага унших номгүй гээд, би давуу эрхээ ашиглаж ажлынхаа номын сангаас хэдэн ном зээлж авах шив дээ...

Гэхдээ манай монголчууд дор бүрнээ хичээж байгаа байх өө. Нэг тийм нууцлаг, нуугдмал, ганцаараа, бие даасан, ганцаараа хүчирхэг болох гээд хичээж байгаа байх өө. Амжилт хүсье өө...

Юу бичиж явлаа? Аан тийм шинэ сар. Өнөөдөр нэг ажиллачихвал 6-ныг дуустал амарна. Алтан долоо хоног...

За шинэ сардаа ч амны хаалтаа зүүгээд, гараа сайтар угаагаад, олон хөлийн газар явалгүй, дор бүрнээ хичээнэ шүү бүгдээрээ. Монгол хүн байна даа.