Цаасан шувуу

Зээ бид Хирошима дахь Сасаки Садако охины хөшөөг үзэж, цаасан шувуу өлгөсөн. 

Замдаа автобусанд явахдаа бас дуугай явчихгүй санаатай энэ талаар, атомын бөмбөгдөлтийн талаар жаал жуул уншив. 

Тэгээд нэгэн олзуурхууштай түүх олж уншсан нь бидний мэдэх "Цаасан шувуу" дуу бүтсэн түүх.

Энэхүү тогорууны дүрстэй олон зүйл байсан. Нэг хөөрхөн ээмэг авах гэснээ сэтгэлийн хөөрлөө хэсэг дарж байгаад бодоод үзсэн чинь дотор хүн минь "чамд болон ээмэг бий, тэдгээрээсээ бараг зүүдэггүй шүү дээ" гэж хэлсэн. 

Харин зүүн мөрөн дээрх чөтгөр билүү? тэр маань нэлээд ятгасан шүү. Ха ха. 

Худалдаж аваагүй ээ. Дараа очихдоо дахиад л нүд минь явах байх. Гол нь миний дуртай "сувд"-ьай байсан юм аа.

Энэ шилэн хоргонд бид богино хэмжээтэй тогоруу өлгөсөн. Богино гэдэг нь цаасан шувуугаа жижигхэн нугалсан гэсэн үг. Яг ориг хэмжээгээр нь нугалбал энэ зурган дээрх шиг урт хэмжээтэй болно.

Энэ их дажгүй зураг байхаар нь оруулчихлаа. 

Бөмбөгдөлтийн дараагаар дахин өвс ургамал, цэцэг ногоо ургахгүй гэж цуурч байсан энэ газар миний эх оронд ч тэр бүр харагдахгүй гоёмсог цэцэгс ургаж, модон төгөл үргэлжилж байна дөө.

За тэгээд өнөөх дуу бүтсэн түүх? 

1978 оны намар их зохиолч Б.Явуухулангийн хүү Я.Энхээ нь Тэрэлжийн амралтанд нэгэн Япон залуугаас Садако охины түүхийг сонссон байна. Монгол хэлтэй Япон залуугаас сонссон гунигт түүхээр дуу хийхээр шийдэн үгийг нь бичин аяыг Д.Дашням гэж хүнээр хийлгэсэн байдаг. Энэхүү дуу нь 1979 онд “Улс төрийн дууны уралдаан”-д тэргүүн байр эзэлж байжээ. Энэ дуугаар дамжуулан Монголчууд анх Хирошимагийн цөмийн бөмбөгний аюулын талаар мэдэж авсан. Хамгийн сонирхолтой нь энэ түүхийг Я.Энхээ гуайд ярьж өгсөн Япон залуу нь элчин сайд асан Шимизү Такэнори байжээ.

Үг Я.Энхээ                                                  Ая Д.Дашням

                         Цаасан шувуу

Өвчинд нэрвэгдсэн өнчин охин

Өрөвдөм хүслээр шувуу хийжээ

Хийсний тоогоор нас нь уртсан

Хуучны домгийг итгэн биширчээ

        Зуун мянган шувуу хийвэл

        Ямар ч зовлонгоос салдаг гэжээ

        Зургаан тивээс хүүхэд бүхэн

        Япон охинд шувуу илгээжээ

Хөөрхий охины амьдрах хүслэн

Хүн төрөлхтөний мөнхийн хүслэн

Хийсэн шувууд нисэн дүүлээд

Хүй орчлонд ингэж хэлэхдээ

           Эрүүл явах хосгүй сайхан

          Эрхэм дээдийн жаргал гэжээ

           Дайн дажингүй амар тайван

           Даяар олны жаргалан гэжээ

Арван хаврыг үдсэн охин

Алтан дэлхийгээс үүрд хальжээ

Тэсрэх бөмбөг дайны эсрэг

Тэмцэх хөшөө болон мөнхөрчээ

          Хөшөөн дээр ингэж сийлжээ

          Хөөрхий охины хүслийг  бичжээ

          Цацраг хордлого надаар дуусаг!  

          Цаасан шувуу нисэн хэл! гэжээ.

Энэ тухай мэдээллийн эх сурвалж нь https://www.japanguide.mn/v1/9/news/31 шүү. Орж уншина биз ээ? 

Цаасан шувууны түүхийг ярьж өгөөд, дараагаар нь бид дуулсан. 

Түр баяртай. Бүгдэд нь амжилт хүсье.

Хирошима

Хамгийн сүүлд хэзээ Хирошима хот явснаа санахгүй байна өө. Найзууд ирэхээр л ихэвчлэн явдаг юм. 

Энэ удаад эх орноос минь танилцах дадлагаар ирсэн 10 сурагчидтай хамт явав. 

Зугаатай байлаа. Сайн дурын хөтчөөр тайлбарлуулсан тул сонирхолтой байлаа. Мэддэггүй зүйлсээ ч мэдэж авлаа.

Зээ, алдартай барилга шүү дээ. "Гэнбакү доом" буюу дэлбэрэлтэд өртсөн барилга. Үнсэн товрого болчихоогүй ганц барилга. Мэдээж нурсан, эвдэрсэн. Ерөнхий араам нь хэвээр үлдсэн цорын ганц байшин. 

Тухайн үед "Аж үйлдвэрийн танхим" нэртэйгээрээ ашигладаг байж.

Энэ довцог дотор амь үрэгсдийн чандар хадгалаастай байдаг гэнэ. Хэн гэдэг нь тодорхойгүй хүмүүсийн чандар. 

1945 оны 8 сарын 6-ны өдрийн дүр зургийг сонсоод үнэхээр зүрх шимшрэм. Хотын жирийн иргэдийн цогцсон овоо, хүүр шатаах үнэр, амьдаараа хайлан урсан буй хүн...

Энэ солонгос хүмүүсийн дурсгалын хөшөө. Солонгост хийгээд, зөөж авчирсан гэсэн. Амь үрэгсдийн тоог нь санадаггүй ээ. Солонгосчууд их ирж залбирдаг гэсэн. 

Би сонирхоод та монгол хүмүүст хэр олон удаа хөтөч хийв? гэсэн чинь анх удаагаа гэсэн шүү.

За энэ Сасаки Садако охины тухай бол манайхан сайн мэднэ тийм ээ? Гэхдээ насан бага хүүхдүүд бас тэр бүр сайн мэдэхгүй байсан. Түүхийн хичээлд нь заадаг гэсэн байх аа?

Нэг барилгын газар доорх өрөө. Эндээс баримт бичиг авахаар орсон нэг л хүн амьд гарсан. Номүра Эизоо гуай. Цөмийн зэвсэг унасан төвөөс 170 метрийн зайд байрлах энэхүү ажлын байранд нь 37 ажилчид өглөө ажилдаа цуглаад байж. Номүра гуайгаас бусад нь бүгд амь үрэгдсэн байна.

Гарч ирээд харсан дүр зургаа бас бичиж, зурж үлдээсэн байдаг юм билээ. За тэгээд Хирошима хот орохоор бол үзэж сонирхоно биз дээ? Одоогийн нэр нь Rest House гэнэ.

Гоёхон цэнхэрхэн бөмбөрцгөөс минь цөмийн зэвсэг устаасай гэж л хүсье дээ. Цөмийн зэвсэгтэй улсууд нэг уур нь хүрээд хаа нэгтээ бас унагаачихыг үгүйсгэхгүй шүү дээ. Уран хэрэгтэй энэ тэр гээд байдаг хүмүүс нэг очоод үзчихвэл тийм ээ? 

Түр баяртай. Бүгдэд нь амжилт хүсье.

Ном бол ертөнцийг харах цонх мөн

Заа, даллагатай 6 сардаа би хэдэн номтой болсон бэ гэхээр? Нийт 22 ном. "Ёстой сэргэлэн хүүхэн шүү" байна уу? Хэ хэ. 

Эдгээрээс 5 ширхэг нь бэлгэнд, үлдсэнийг нь би өөрөө мөнгөөрөө худалдаж авна. Хамгийн талархууштай нь нааш нь үнэгүй аваад ирсэнд. 

Гэхдээ мэдээж, номыг минь хаа байсан далай гатлаад аваад ирсэн хүмүүсээ дайлна, үйлчилнэ л дээ. Хи хи.

Үүнээс 2 нимгэн номоо уншсан. Одоо нэг зээлсэн япон номнуудаа дуусгачихвал дан монгол номоор дагнана гэж бодож байна өө. 

Эхэлсэн нэг номоо дуусгаж амждаггүй ээ. Яагаад өнөөх номыг хурдан уших тухай ном.

Энэ жижигхэн танилцуулга хуудас, эвхээстэй. Дунд сургуульд байхдаа уншсан байвал зохих 30 номны нэрс, бяцхан танилцуулга. Сургуулиас нь үе үе ингэж тараадаг. 

Зулзагууд нэг их тоохгүй, би л харж арааныхаа шүлсийг жаал асгаруулдаг. Ээж нь та нар шиг охин насандаа ийм их олон номтой газар өссөн бол ч гэж дотроо бодно. 

Охид харьцангүй ном сайн уншина л даа. Техник хөгжөөд сатаарах юм нь ихсээд л байна сүүлийн үед. Яалтай, нийгэм нь цаанаасаа шаардаад байгаа зүйлийг тийм ээ? 

Энэ хуудсыг сөхөж хараад миний уншсан нь гурван ширхэг л ном байх шиг байсан шүү. Жавхлан юм даа.

Олуулаа бужигнасан өдрүүд өндөрлөж, миний эморох үе эхэлсэн бөлгөө. Хэ хэ. Номнуудаа уншиж эморно оо. 

Эх орны минь хөөрхөн залуус бас уншдаг байгаасай гэж хүснэм...

Түр баяртай, бүгдэд нь амжилт хүсье.

Ажлын сиймхийгээр

Ажлынхаа сиймхийгээр бас идэж ууна өө, яаж зүгээр байхав. Ууж идэхгүй бол харангатаад уначихна биз дээ. Хэ хэ.

Нас ахихаар тэгээд "үдийн цай холдохыг даахаа болино" гээч нь л болох янзтай шүү. Хо хо.

Япон эмээгээр дайлуулаад. Гэм нь нэг дор уухад хэмжээ нь жаахан их байлаа. Би ихэвчлэн сүүгүй, сахаргүй уудаг. Гэртээ хааяа ориг сүү хийдэг. Түүнээс худалдааных нь сүү орлуулагч байдаг тул хэрэглэхгүйг хичээнэ. 

Энэ цагаан нь зайрмаг байсан. Дажгүй л амттай юм билээ.

Монголчуудаараа уусан кофе. Хажууд нь цагираган боовтой. Би талыг нь хань ижилдээ өгчихсөн. Амсаад л. Хи хи.

Гэснээс суугуул нутагт минь сүүлийн үед элэг нэгтнүүд минь нэмэгдсээр. Тэгч байгаад энд тэндхийн дэлгүүрт таарах байх даа. Сайн байна уу? гээд сайхан инээмсэглээд мэндлэх юм шүү. Хэ хэ. 

Нэг орой нь ингэж бас дарсаа ууна. Даруулга нь ааруул, аарцан үрэл. Шар айраг нэг их ууя гэхгүй л дээ, халуунд бол хааяадаа ч сайхан шүү. 

За тэгээд арван хэдтэй хүүхдүүдтэй хамт ганц нэг өдөр ажилласан чинь зугаатай байлаа. Голцуу эмээ өвөө нартай хамт ажилладаг хүн шүү дээ би. Залуусаас сайхан эрч хүч авлаа.

Мөн өөрөө ч тэдэнд аятайхан үлгэр дуурайлал үзүүлэхийг хичээлээ. Томчууд биднийг харж л байгаа тийм үү? 

Түр баяртай, бүгдэд нь амжилт хүсье.

Эсгий үнэгний домог

Зээ, эх орноос минь 10 сурагч багштайгаа хамт сурсан япон хэлээрээ дадлага хийцгээхээр хүрэлцэн ирсэн гэж бичсэн дээ. Төвөг удаж, баахан ном авчруулаагүй юу. Буян нь бум бумаар үржиг ээ.

Эхнээсээ бид албан ёсны арга хэмжээнүүдээ амжилттай давж л явна. Би хариуцаж авсан нэг том ажил гэвэл мужийн харъяа номын сантай хамтарч монголын тухай танилцуулга, монгол хэлээр ном унших.

Монгол хэлээр, япон хэлээр гэж ээлжлэн ном уншсан. Далимд нь ганц нэг тоглоом наадгайг танилцуулах.

Энэ удаад миний сонгосон ном бол "Эсгий үнэгний домог"-ийн тухай. Япон хэлээр хэвлэгдэн гарсан энэхүү номыг сонгож уншсан. Хоёр багыгаа энд төрөхөд хань ижлийн хайчилж бэлдсэн эсгийн үнэгээ авч очиж танилцуулсан.

Номын нэр нь "Ээж ба зальт үнэг". Зургийг японд уран бүтээлээ туурвидаг зураач Б.Болормаа зурсан. Түүний хэд хэдэн номыг худалдаж аваад, улсаа танилцуулахдаа ашигладаг. 

Танихгүй ч гэсэн ажлын өндөр амжилт хүсье, мөн хөөрхөн агуулгатай ном бүтээдэгт баярлалаа. Ажилд минь их тус болдог шүү, номнууд нь.

Мөн крилл үсэг, босоо бичгээ танилцуулж, оролцогсод өөрсдийнхөө нэрийг бичсэн. Мэдээж крилл үсгээр. Монгол сурагчид шалгаад, зөв бичсэн хүмүүст улаан балаар "онц" дүн тавьсан.

Урт эгшиг бичихэд бага зэрэг алддаг юм. Тайлбарлаж хэлээд байхад л, хэхэ. Гадаад хэл сурахын хэцүүг заримдаа албаар ойлгуулах боломж гэж үзээд юм хэлэхгүй. Ха ха.

Номын сангийн ажилтнууд бэлдэж өрсөн номнууд. Монголын тухай ном нэлээд бий шүү. Бүгдийг нь уншаагүй л болохоос. Нэг завандаа уншина дээ гэсэн хэтийн зорилттой. Хо хо. 

Хагас сайны арга хэмжээ. Сурагчид ирээд 3 хоночихсон үе. Бүгчим халуун цаг таарч, ядарч байх шиг харагдсан. 

Угаасаа бид чинь сэрүүн газрын улс, сэрүүндээ, хүйтэндээ хийморь нь сэргэдэг улс дөө. Хүйтэн ундаа, зайрмагаар л халууныг давж байна дөө. 

Хоолой нь өвдчих вий гэж санаа зовно өө. Хи хи. 

Үлдсэн арга хэмжээнүүддээ амжилттай оролцохыг хүсье. 

Түр баяртай, уншигч олондоо ч амжилт хүсье.

Их Тээлийн даваа

Олон олон сайхан номоо нэг илж, нэг үнэрлэж, нэг зураг дарж, нэг гайхуулж хэсэг ширээн дээрээ үзэсгэлэн болгосон. 

Зулзагууд минь хүртэл үлгэр дуурайлал авна тийм үү? Ном гэж ямар чухал болохыг? яагаад тэр холоос ном зөөгөөд байгааг гайхан бодож, би ч бас унших ёстой юм гэж сэтгэлдээ тунгааж байвал болох нь тэр дээ.

Хамгийн нимгэн, хамгийн жижигхэн, хамгийн хөнгөнөөс нь сонгож цнхлээд гарав. Ажлын зав чөлөөгөөрөө унших тул, 3 хоногт уншсан. 

Хөдөөгийн амар амгалан мэдрэгдсэн ном байлаа. 

Он цагийн хувьд тэртээх 1980 онд бичигджээ. 

Мөн аварга тодруулдаг хэсэгт гарч буй арга нь дээхэн үеийн кинонд гардаг дүр зураг. 

Харин хүний хайлан болсон Тулга залуу, Гүнсмаа бүсгүй хоёрын хайр дурлал "хөөрхөн" юм өө. 

Сайхан Бадмаагийн дүр харин Дүүриймаагийн дүртэй яагаад ч юм давхцаад байна шүү. Мэдээж өөр өөр дүр хэдий ч цаанаа л нэг тийм хиймэлдүү, зохиомолдуу, хүний сайхныг олж харахдаа тааруудуу гэмээр. 

Цэдэн яахав дээ, хүний ариун цагаан хөдөлмөр, нинжин сайхан сэтгэлийг ашиглаж аварга болчихсон "сэргэлэн" залуу. 

Сэтгүүлч залуу харин үнэнийг олж харах билгийн нүдтэй, үнэнийг олонд түгээх чин хүсэлтэй нь сайхан санагдлаа. 

Унших явцад өргөө цагаан гэр, өрөмтэй талх л бодогдсон "Монголын минь их амар амгалан" гэдэг үг далд ухамсарт минь хадаастай. Тэгэхээр би аргагүй л монгол хүн байх тийм ээ? Хэ хэ. 

Түр баяртай. Бүгдэд нь амжилт хүсье. 

Сонгуулиар эх орноо гэсэн чин хүсэлтэй хүмүүс гараасай...

Даллагатай сар

Нэг дор ийм олон номтой болоод өө. 2 улсын найрамдалт харилцааны нэгэн ээлжит арга хэмжээгээр япон хэл суралцдаг 10 сурагч багштайгаа ирээд. 

Арын ажилд нь өөрийн боломжоороо оролцдог тул, том толгойлоод, багш нь ч уриалгахан нь аргагүй номоо захиад, дайгаарай гэхээр нь уухайн тас зөвшөөрөөд, ийм олон ном авчихлаа. 

Гайгүй байгаа? Хэ хэ.

Хөөрхөн сурагчид гар цүнхэндээ нэг нимгэн, нэг зузаан ном гэж цүнхлээд л нааш ниссэн. Маш их баярлалаа. Номын цагаан буян дэлгэрэг. 

Та бүхэн ч гэсэн ном сайн уншаарай. 

Ард нь харагдаж буй гэр бол миний үнэнч нөхөр. Эх орноо сурталчихад ихээхэн өндөр үүрэгтэй оролцдог. Бага зулзага энэ гэрэнд их хайртай. Гэр яасан бэ? гэж их асууна. Би ажил дээрээ хадгалдаг юм. Хо хо. 

За тэгээд жижиг номноос нь түүгээд уншиж байна. Мөн бидний ирэх жилд унших номнууд ч багтаастай. 

Гэснээс ирэх хагас сайнд дахин 3 ном наддаан ирнэ. Гоё уу? Атаархмаар уу? Хэ хэ. 

За сонгууль минь аятайхан сайхан, дүрмээрээ, хор хөнөөлгүй болж өнгөрөөд эх сайхан орон минь хөгжлийн замдаа эргэлт буцалтгүй чиглэнэ гэдэг итгэл төгс байна өө. 

Түр баяртай. Бүгдэд нь баярлалаа. 

Өөрийнхөөрөө дур 50 2

Номоо уншаад дуусав. Ярилцав. Ихэнх бүсгүйчүүдэд минь таалагдав. Бага залуу насанд нь иймэрхүү дэлгэрэнгүй ном байсан бол гэцгээв. 

Зарим нэгнийх нь гэрт иймэрхүү орос ном байсан гэх. Манайд бол иймэрхүү ном байгаагүй ээ. Ижий аав хоёр минь жирийн нэг ажилтан анги. Орос гэх мэт гадаад номноос хол. 

Харин монгол зохиолчдын ном, орчуулгын уран зохиолын ном бол их байсан. Аав минь уран зохиолын номонд дурладаг нэгэн. Түүний нөлөө нь надад их. 

За тэгээд дур тавихад юу саад болдог вэ? Энэ асуултанд хариулахын тулд нэлээд тойруу замаар, нэлээд нуршиж тайлбарласан байлаа. 

Нийгэмд эрт дээр үеэс "тогтчихсон", "зөв" гээд тархинл суулгачихсан ёс суртахуун ихээхэн сөргөөр нөлөөлдөг нь, өндөр үүрэг гүйцэтгэдэг нь эмэгтэйчүүдийн дур тавихад "саад" болдог байх нь. 

 

Би ямар харагдаж байгаа бол? Миний бэлгэ эрхтэн муухай учраас ичээд байна, жаахан дураараа, жаахан зүггүйтчихвэл намайг "завхай, олон хүнтэй унтсан" гээд бодчих вий гэх мэтээр нийгмийн соёлын хүрээнд бидний тархинд лав суучихсан бодлууд хүүхнүүдийн дур тавихад саад болдог байх нь. 

 

Дээрээс нь өнөөгийн нийгмийн элдэв стресс. Стресс, бухимдлыг арилгаж, илааршуулж байж бид сексийнхээ амьдралд таашаал мэдэрч чадах нь байна. 

"Өөрийгөө хайрлах, өөрийгөө байгаагаар нь, өөрийнхөө бэлгэ эрхтэнг байгаагаар нь хүлээн зөвшөөрөх, чиний бүх зүйл хэвийн, чи эрүүл, чи хөөрхөн, чи үзэсгэлэнтэй" гэж өөртөө итгэлтэй болох нь чухал юм байна. 

Энэ номыг уншсанаар, мэдлэгтэй болж авснаар олон олон бүсгүйчүүд, охид бага зэрэг өөртөө итгэлтэй болж өөрийн биеэ элдвээр "эрэмдэглэхгүй" байхад суралцах байх гэж бодном. 

Одоо чинь хүмүүс янз бүрийн л эрхтэнээрээ их оролдох болж тийм ээ? Хамар, уруул, өгзөг, бэлэг эрхтэн...

Угтаа төрсөн, байгаагаараа л эрүүл саруул баймаар, харагдах гадаад байдал биш тийм ээ? 

Мөн эрэгтэй хүмүүс ч гэсэн уншчихсан байхад илүүдэхгүй байх гэж бодсон. Эрчүүдийн дур тавилтанд хүүхнүүдийн нандин эрхтний өнгө, үзэмж нэг их нөлөөгүй шүү, хүүхнүүдийн дур тавилтын аргууд, таашаал мэдрэх мэдрэмж зэрэг нь бүгд өөр шүү гэдгийг мэдэхэд нь туслана тийм үү? 

Түүнээс багаасаа нийгмийнхээ соёлоос сонсож мэдсэн, элдэв цахим мэдээллээс авсан буруу ташаа мэдээлэл, найз нөхдийнхөө хэлсэн "үндэслэлгүй" бардамнаж ярьсан яриа зэргээс олж авсан эндүү ташаа, үндэслэлгүй мэдээлэлд тархиа угаалгахгүй, харин ч найз охин, бүсгүйгээ, гэргийгээ ойлгоход, түүнийхээ сэрлийг "зөв" өдөөхөд, "тансаг таатай дур тавихад" нь санаачилгатай байх, хамтдаа сексээс таашаал авах, хамтдаа дур тавихад нь хэрэгтэй санагдлаа. 

Мэдээж мэдээллээр хахсан өнөө цагт хэнтэй, хэрхэн бэлгийн харилцаанд орохоо судалдаг, төсөөлдөг, хамгаалдаг залуус олон байх. Цөөн ч байж магад. 

Гэхдээ бүсгүйчүүд минь өөртөө хайртай байгаарай, "хэн нэгэн эрийг нөхөн сэргээх төв" бүү болоорой. Ийм үг олж уншаад, эндээ хуулаад ирлээ. Зөвшөөрөлгүй хуулбарласанд уучлаарай, манайхаан.

 

Эмэгтэйчүүд гэдэг бол эрчүүдийг нөхөн сэргээх төв биш.

Эмэгтэйчүүд тэдэнтэй зууралдаж, тэднийг өөрчилж, асарч тойлох ёсгүй.

Эмэгтэй хүнд партнёр хэрэгтэй болохоос биш проект (төсөл) хэрэггүй.

- Джулия Робертс

 

Хөөрхөн охид минь, үзэсгэлэнт бүсгүйчүүд минь, намбалаг гэргий нар минь та бүхнийгээ өөртөө таашайлтайгаар, өөртөө итгэлтэйгээр, өөрийн хүссэнээрээ дур тавьж байгаарай гэж хүсье ээ. 

 

Яагаад ингэж бичив гэхээр? Цахимд хүүхнүүд их сонин сонин асуулт асууж, их сонин зүйлд шаналж явдаг, зөвлөгөө хүсдэг юм билээ. Заримдаа ч эмчид хандаа, сэтгэл зүйчид хандаа гээд хэлчихмээр санагддаг шүү.

 

Бас нэгэн чухал зүйл олж уншсанаа сийрүүлье. 

"Үтрээгээр хурьцахад дур тавих нь харьцангуй бага байдаг атал эмэгтэйчүүд энэ талаар яагаад байнга асуудаг хэрэг вэ? Үүнийг яагаад "дур тавих зөв арга" гэж үздэг вэ? Хариулт нь эцгийн эрхт ёс буюу "Үл ойшоогч эрчүүд" юм. 

Бид "туршлагатай" эрчүүдийг бараг л магтан дуулдаг хэрнэ ээ "туршлагатай" хүүхнүүдийг элдвээр хэлж доромжлох гээд байдаг тийм үү? Мэдээж олон хавьтагчтай бай гэж хэлэхгүй ч, гол нь тэгш эрхийн л асуудал л даа.

За тэгээд дур тавих чинь хүний "тархи"-тай л холбоотой юм билээ шүү. Түүнээс биеийн үйлдэл, хүүхнүүд тавихдаа тэгдэг, ингэдэг гэдэг чинь хүн бүрт өөр гэсэн шүү. 

Энэ хүргээд дуусгая. Олон юм бурахаасаа өмнө. 

Олж уншихыг бодно биз дээ? 

Түр баяртай, бүгдэд нь амжилт хүсье.

Хүн аалз

Зээ, том болоод "хүн аалз" болно, "цагдаа" болно гэсэн нэг хүн байна. Киног нь хэд хэд үзчихсэн юм аа. Хэ хэ. Тэгээд л одоо хуруу гар нь яг л тэр спайдермэнийхээ үйлдлийг нь дуурайгаастай. 

Угтаа үзүүлэх дургүй байсан ч, эгчтэй хамт үзээд, дараа нь ганцаараа хэсэг үзээд. Энэ техник хэт хөгжим бас дэмий юм. Зурагтаар гарсан киног зурагтандаа хадгалчихаад дахин дахин үзээд байх юм. 

Нэлээд хэдэн жилийн өмнө манай зурагт эвдрээд, хэсэгтээ зурагт үзэхгүй их аятайхан байж билээ. Даанч засчихсан. Шинээр авч илүү зардал гаргаагүй нь их юм даа, тийм ээ? Хэ хэ.

Гадаа халаад, цэцэрлэгт нь хааяадаа өдөр бассейнд орж байгаа юм. Ангиар ангиараа хуваарьтай, амар. Угаасан хувцас хурдан хатддаггүй өдийд бол. 

Тэгсэн усны малгай, шил хоёрыг ингэж ашиглаад тоглоод байдаг шүү. Хо хо. Энэ малгай, шил хоёрт нь жаахан л улаан өнгө орчихсон бол за тэгээд яг л хүн аалз. Хи хи. 

Энэ түрийвч. Сая өнгөрдөг хагас сайнд цэцэрлэгт нь эцэг эхчүүдэд зориулсан нээлттэй өдөрлөг болоод. Хүүхдүүд өөрсдийн бодож олсон тоглоомоороо тоглуулна. 

Тоглоом тоглохын тулд мэдээж мөнгө хэрэгтэй. Мөнгөө хийх түрийвч хэрэгтэй. Тэгээд хүүхдүүд өөрсдөө тэр бүхнийгээ цаасаар хийж. Зулзагын хийсэн түрийв. Өнгөн хэсэгтээ ийм хүн аалзны зурагтай. 

Тэр гар хуруу, түүнээс нь гарч байгаа аалзны утсыг харж байна уу? Хөөрөн сэтгээд зурсан байна уу? 

Ээж шууд л зургийн дугуйланд явуулчихдаг юм билүү? гэж бодож энэ тэр. Спорт хөөлгөх санаатай л даа, уг нь. Гэхдээ эгч нарыгаа дуурайсан "хөдлөх" дургүй байх шиг санагаад, санаа дагаад тэр байх.

Түрийвчний ар тал. Энэ аалз нь шүү. Мөнгөн дэвсгэрт дээр өөрийнхөө нэрийг бичсэн байсан. Ирээдүйд мөнгөн дэвсгэрт дээр нэр нь мөнхөрхөөр алдартай хүн болог ээ. 

Зарим хүүхдүүдийн мөнгөний дүн бол асар өндөр тоо бичсэн харагдана лээ. Хэ хэ.

Хань ижил хүүхдээсээ илүү баясав. Хүүхдүүд ээлжилж, нэг тоглоомын газрын хүн, нэг зочин болж оролцсон. 

Эцэг эхүүд хүүхдийнхээ тоглуулж буй тоглоомоор эхэлж тоглоод, дараагаар нь хамтдаа хүүхдийнхээ тогломоор байгаа тоглоомоор тоглосон. 

Гэм нь зураг дарж болохгүй. Бусад хүүхдийн нүүр царайг энд тэнд цахим ертөнцөд тавьж болохгүй гэсэн хатуу дүрэмтэй. 

Зүгээр л сайхан амьд харилцаатайгаар, тоглож наадацгаав.  

Ямартай ч түрийвч хөөрхөн санагдаад эндээ мөнхлөв. Бодит түрийвчийг нь ч гэсэн хадгалахыг хичээнэ ээ.

Түр баяртай. бүгдэд нь амжилт хүсье. 

Зугаалга

Нэлээд зайтай газар хөдөө ууланд очоод унаагаар, тэгээд өглөө нь аажуухан босоод, моддын дундуур алхаад, бидэн гурав. Сэтгэл тэнийгээд сайхан...

Эгч яваагүй ээ, ганцаараа байх нь чухал одоохондоо. Хэ хэ. 

Хөдөө нутгийн уулын засмал зам. Тансаг байна уу? Модон түнээлтэй зам хэсэгтээ л үргэлжилдэг. Машинаар зугаалах, явган зугаалсан ч сайхан. Гэхдээ зам дагаад алхах нь жаахан эрсдэлтэй, ялангуяа хүүхэдтэй алхах бол. Машинууд их хурдтай давхина.
 

Моддыг ажиглах гэдэг болсон байна лээ. Номны ач тус шүү дээ. Гаднах холтос нь гэмтэж үү? Бэртэж үү? Хэн нэгэн зочин үүрлэж үү? гээд л. Хэ хэ.

Моддын нэрсийг нэг бүрчлэн нэрлэж мэдэгүй хүн шүү дээ. Хойшид бага багаар ганц нэг модыг хараад таньдаг болохыг зорино оо. Навчыг нь харж л ялгаж нэрлэдэг байх тийм үү?

Модны үндэс, ишийг мөн харж, анзаарахыг хичээнэ ээ. Эргэн тойронд нь мөөг байна уу? Элдэв шавж байна уу? гэж.Тэдгээр бичил биет, жижиг ургамлын ач тус асар их гэдгийг уншиж мэдсэн хүн байна даа. Тийм ээ?

Япон улс ой мод ихтэй, 90 хэдэн хувийг нь өөрсдөө тарьсан гэж ярьдаг. Олон жилийн өмнө тарьсан гэхээр залуу, зулзаган мод ихтэй гэсэн үг байх нь. 

Заримдаа ч манайхаас 4 дахин бага газар нутагтай байж ширэнгэ мэт бөглүү ой ихтэйд нь гайхна өө. Өөрсдөө тарьж ургуулсан гэхээр бас биширнэ.

Мод гэснээс ижий аав минь хашаандаа алимны мод тарьсан. 3 жил орчмын дараагаас ургац хураах байх. Охин нь энд мандарины мод тариад, бас л 3 жилийн дараагаас ургацаа хураана. Хэ хэ. 

Нас яваад, хүний амьдрал нэг их юм хэрэггүй ээ гээд байгальтайгаа л ойрхон байх нь сайхан гэж бодож эхэлсэн шүү. Ха ха. 

Түр баяртай, бүгдэд нь амжилт хүсье.

Ээж байх

Хүүхдийн хүмүүжлийн тухай ном уншаад байсан даа. Үе үе ээж байхын хэцүүг, сайхныг тунгаан бодно оо.

Бясалгал гэж хэлэхгүй ч, оройдоо зулзагаа унтуулахдаа үе үе бодно. Сүүлийн номонд бичсэнчлэн "зулзагуудынхаа унтсаныг хараад уужирч, талархаж, тайвширч бай" гэж. Үүнийг хэрэгжүүлэх санаатай. 

Унтаж байхад нь үнсэж, үлгэх дуртай. Хөөрхөн тийм ээ?

Хамтдаа дэлгүүр хэсэхдээ хүртэл сэтгэхүйг нь, танин мэдэхүйг нь хөгжүүлэх гэж үзнэ.
Хөөх гэж ирээд, ээж өөрөө маш их гайхаж биширч байгаа дүр эсгэнэ. Нэг ёсондоо жүжиглэнэ, анх удаагаа үзэж харж байгаа мэт. Ха ха.

Өөртөө багахан цаг гаргаад үчсин орсон нь. Зун цаг айсуй тул үсээ нэлээд богино тайруулчихлаа.

Гэрийн залуус хөөрхөн байна, үзэсгэлэнтэй байна гэж хэлсэн. Угаасаа тэгж хэлэхгүй бол ээж нь гомдоод сүйд болно биз дээ? 

Харин эгч "зохихгүй байна, та үсээ дээш шууж боох нь зохьдог юм байна" гэсэн.  Хань ижилдээ охин тэгж байна гэсэн чинь "надад таалагдаж байвал болно, өөрөө юу хүсэх вэ дээ?" гэсэн. Хо хо. 

Бодоод байсан, би өөртөө таалагдах ёстой биз дээ. Бусдад биш. Хо хо.

За энэ ёстой үнэн зураг байна аа. Хажууд аав нь зүв зүгээр, сув сул "оршиж" байхад ээж ээж гээд наалдаад унах юм. Би их ажилтай суугаад байгаа шүү дээ. Номоо уншаад, хоолоо хуурангаа түр амсхийх зэрэгт яг цагийг нь олоод наалдчихна. 

Тэгээд гар нь тувт энгэр лүү. "Мээмчик"-г минь их сурамгай тайлж ирээд л. Ха ха. Хол зайтай тулдаа л нэг юм тэсэж байна дөө. Ойрхон бол яг энэ зураг дээрх шиг л юм болох нь.

Ээжүүд минь та бүгд хичээж байгаа шүү, чадаж байгаа шүү, зүтгэж байгаа шүү, би та нарын араас хөл нийлүүлэх гэж яваа нэгэн шүү. 

Түр баяртай, бүгдэд нь амжилт хүсье.

Хан боргоцой

Намайгаа ихээхэн дэмждэг нэг япон эмэгтэй бий. Ганц намайг ч биш юм аа, гэр бүлийнхнийг минь бүгдийг дэмжинэ. 

Баяр хөөр, гуниг зэрэгт дандаа дулаахан сайхан үг хэлдэг. Үе үе зулзагууддаа амсуулаарай гээд амттан өгнө. Зулзагуудынхаа буянаар хань ижил бидэн хоёр ч даган баясана.

Энэ удаагийнх нь амттан тайвань улсаас оруулж ирж худалдаалдаг хан боргоцой. Голыг нь хүртэл иднэ. Хаях зүйл гэвэл гаднах хальс нь. 

Тайвань улс их сүрхий. Суугуул мужид маань ихэд нэр хүндтэй. Нутгийнхаа бүтээгдэхүүнийг харилцан экспортолчихдог. Үе үе хоорондоо захиалгат нислэг хийгээд аялчихна.

Гэрт нэг л хүн энэ жимсийг арилгаж, хэрчдэг. Хэ хэ. Бид аав аа гэж ирээд л эрхлэлдээд, та л гоё арилгаж, хэрчдэг гээд аавыгаа онгирооно. Аав зулзагуудынхаа гуйлтыг бол "за" л гэж хүлээж авна.

Бага зулзага бид хоёр голыг нь авч идээд байсан чинь сүүлдээ хэл ам хорсоод, зулзага ус ус гээд нэхэж уусан. Ха ха.

Урлаг уу? Хэ хэ. Бүр нэг сэтгэлээсээ. Би бол томхон томхон хэрчээд, за идэцгээ гээд л тушаана шүү дээ. Идэхгүй бол өөрөө л идчихнэ. Ха ха. 

Жижиглэн хэрчсэн байгаа тул хатгаж аваад ам руугаа хийхэд их амар байсан. Тэр харагдаж байгаа жижигхэн сэрээнүүддээ би их хайртай. Нэг газар ажлаар явж байгаад, санамсаргүй таараад, худалдаад авчихсан. Үнэ нь ч дажгүй, үнэтэй биш байсан.

Мэдээж нэг дор бүгдийг нь барахгүй тул, маргааш нь идсэн. Бага зулзага өмнөх өдөр нь хэл нь хорссон тул бага идсэн. Эгч их дуртай тул их идсэн. Хэ хэ.

Жимс жимсгэний үнэ нэмэгдээд, би энэ жилд алим их бага идсэн. Яагаад ч юм худалдаж авах сэтгэл төрөхгүй байна өө. Хи хи. 

Хэсэгтээ бүсээ чангалах шаардлагатай хүн шүү дээ. Хо хо. Тунг нь тааруулах...

Түр баяртай. Бүгдэд нь амжилт хүсье.

Цэцэгс

Чухал чухал ном уншаад, чухал чухал сэдвээр бичсэн хүн тархиа жаахан амрааж байгаа юм шүү. Ойлгоорой. 

Мөн дур тавиад алга болчихолгүйхэн шиг, та нарынхаа мэлмийг ч бас сайхан зүйлээр мялаая гэж бодоод. Ха ха. 

Энэ хорвоо дэлхий дээр сонин сонин ургамал, ногоо, хорхой шавж их байх юм тийм ээ. Ихэнхийх нь нэр усыг хэлж мэдэхгүй, мэддэг зүйлээр маруухан нэгэн би чинь. 

Улаан өнгийн цэцгээ ойртуулаад дарахад. 

Эдгээр цэцэгсийн нэрсийг ерөнхийд нь тоймлоход байна аа дараах маягаар заримыг нь орчуулж, оноож болох юм. Заримыг нь болж ёстой хайгаад олоогүй ээ. Мэддэг хүмүүс хэлж өгвөл баярлана аа. 

ロベ-Phoenix reobelenii-Финикийн дал мод.

カスミ草-Gypsiphila, baby’s breath-Хамхуул?

たにわたり-Asplenium antiquym-?

グロリオサ-Gloriosa-Глориоза.

アリウム　ギガンチウム-Allium giganteum-?

モンステラ-Monstera-?

Нил ягаан өнгийн цэцгийн нэрний зургийг дараагүй байх юм. Дараа энд тэнд таарвал тэмдэглэж авна аа. 

Ойртуулаад харахад ийм. Багадаа нэг ийм өнгөтэй бөөрөнхий цэцгээр ээжтэйгээ хамтдаа амьтан хийж тоглодог байснаа санадаг юм. Бага зэрэг хатгана. Өө, нэр нь орж ирдэггүй ээ. Санахаараа бичнэ ээ. 

Наранцэцгээ бол нэг юм таниад байгаа юм аа. Хаанаас нь ч харсан. Хэ хэ. 

За тэгээд байнгын уншигчид минь мэдэж байгаа тийм үү? Заримдаа ч цэцэгнээсээ илүү ваар сав нь анхаарал татсан, чамин байдаг тийм ээ? 

 

Гэснээс манайд хоёр ваар бий. Нэг нь болор, нэг нь шаазан. Жилдээ нэг байна уу? хоёр л ашигладаг дөө. Ядаж сардаа нэг болгох юмсан дөө. Хань ижил гуай та нэг юм бодно байгаа? 

 

Гэснээс унших байгаа, өнөөх маань. Ха ха. 

 

Түр баяртай. Бүгдэд нь амжилт хүсье. 

Музей үзэв

5 сард байх аа, энд эртний Египтийн түүхт олдворын үзэсгэлэн болоод. Эгч бол үнэгүй юм болохоор найзуудтайгаа үзчихсэн байсан. Сургууль нь ч ойр юм дөө. 

Гэснээс энд музей нь ахлах сургуулийн хүүхдүүд хүртэл үнэгүй байдаг. их аятайхан. Тийм болохоор ээж аавдаа ч хэлэлгүй үзчихсэн байдаг, янз бүрийн үзэсгэлэн, үзмэрийг. Атаархмаар. 

Музей үзэх гэсэн юм аа, мөнгө гэж нэхэхгүй. Би чинь багадаа янз бүрийн юм үзэхийн тулд цалингаас цалингийн хооронд хичээж буй ээж ааваасаа мөнгө нэхэхдээ заримдаа их санаа зовдог байлаа шүү дээ. 

Тэгээд л байнга нэхээд байж чадахгүй болохоороо, заримдаа үзэхгүй, заримдаа худлаа хэлэх шаардлага гарна. Ай миний бага нас...

Sekhemet. Эртний Египт хэлээр "Хүчтэй" гэсэн утгатай.

Сүүлийнх нь өдөр яваад очсоныг ч хэлэх үү? Хүн гэж пиг. Шилэн хоргон дахь үзмэрийг нь үзэх гэж бүр уртаас урт дугаар үүсчихсэн. Томчууд ч яахав, хүүхдүүд л үнэн залхуутай байх шиг байсан. Ялангуяа бага насныхан. Миний зулзага ч дүрмийн дагуу уйдаад, бушуухан гэртээ харья аа л гээд байсан. Хэ хэ. 

Horus бурхан. Шонхор шувуун дүрст тэнгэрийн ба дайны бурхан.

За тэгээд, надаар хэлүүлэлтгүй мэдэх байх тийм ээ? Эртний Египтүүд тэнгэрээр нисэн дүүлдэг шувуудаг шүтэх нь их байсан шиг. Бурхадынх нь толгой нь ихэвчлэн ямар нэг шувуудын толгойг дүрсэлсэн байх юм билээ. 

Зандаршуулсан шарил билүү? Юу билээ? Зулзага энэ хэсэгт харин нүд нь сэргээд ирж байна лээ. Жаахан юм байж, бас мэдээд байсан. Хэн ч зааж өгдөг байна. Баахан томчууд дунд ганцаараа байх ч бас лүд юм өө.

Өөр зөндөө үзмэрүүд байсан. Тэр болгоны зургийг оруулна ч гэж юу байхав. Зулзагынхаа сонирхлыг татсан ганц нэг үзмэрийн зургийг л авсан. Сүүлд хамтдаа зураг үзэж, хааяадаа эргэн дурсахуй хийдэг тул. Хүүдүүд өөрсдийнхөө багын зургийг үзэх дуртай байдаг юм билээ тийм ээ? Томчууд ч харж, өхөөрдөж баясна шүү дээ. Том болсныг нь гайхаж...

За за үзмэрийнхээ тухай, ядаж тэр олдвороос нь ганц олигтой мэдээлэл биччихгүй, аар шаар, шалдир булдир зүйл бичээд суух юм тийм ээ. Ха ха. 

Дээрх хоёр нэрийг нь бичээд хайхаар, эсвэл эртний Египт гэж бичихээр гараад ирэх байх өө. Илүү ихийг сонирхож байвал шүү дээ. Миний залхуу хүрээд байна өө. Хэ хэ. 

Тэгээд ч би чинь цахим өдрийн тэмдэглэл маягаар блогоо бичдэг тул, интернэтэд дэлгэрэнгүй байгаа зүйлийг энд нуршаад яахав тийм ээ? 

Түр баяртай. Бүгдэд нь амжилт хүсье. 

Бялуу

Ээж л болсон хойно бялууг төрөл төрлөөр нь зураг дарах юм даа. Хо хо. 

Бүгдийг нь ч идчихээгүй ээ. Ганц нэгийг л илдсэн, бусдыг нь гэрийн гишүүд бас иднэ ууна, тэд ч гэсэн хүн шүү дээ. Ха ха.

Үүнийг нэг япон эмээгийнд. Чамин бүтээлэгтэй гэж. Залхуугүй улс шүү эд. Би ч сүүлийн үед залхуураад иймэрхүү чамин ганган зүйлсээс холуур явахыг хичээж байгаа. 

Тэгээд ч бага насны хүүхэд асгана цутгана. Тийм ээ? Хи хи.

Үүнийг хэн ч сонголгүй, хань ижилд тунаж үлдээд, нэг өдрийн дараа идсэн. Орой нь ажлаасаа тарж ирээд, гайхаад л байсан. Амттан нь байж л байсанд. Ха ха. 

Аргагүй шүү дээ, бид нэг их дуртай биш юм чинь.Нялуун талдаа санагдаад байдаг юм.

Ээж үүнд дуртай. Бяслагтай tarte. Энэ үг чинь франц үг юм байна. Бидний хэлж сурсан тоорт юм шиг байгаа юм тийм үү?

Би ийм tarte дуртай. Хөвсгөр бялуунаас илүү санагддаг. 

"Tiramisu". Итали амттан юм байна. Тира нь дээш өргөх, ми нь намайг, сү нь дээшээ гэсэн утгатай гэнэ. Тэгэхээр намайг дээш өргөөч буюу намайг зоригжуулаач, намайг магтаач, намайг тайвшруулаач гэх мэт утгатай гэнэ шүү. 

Хааяа идчихнэ ээ. Дуртай зүйл болох шоколат, кофе зэргээр хийдэг болохоор тэр байх. 

Эдгээр бялууг"ээжийн өдөр"-р дүү нар барьж орж ирсэн юм. Би чинь заримдаа эндхийнхээ "өндөр ээж" шиг л байна шүү дээ. Ха ха. Өөртөө ахадсан цол өгсөн шүү. 

Түр баяртай. Бүгдэд нь амжилт хүсье.

 

Оригами

Бага зулзагынхаа тухай их бага бичээд байна гэж бодоод байгаа хэдий ч, яг бичээд суухаар шал өөр зүйл биччихсэн суух. Хэ хэ. 

Цаг минутаар өссөн юм шиг л байна. Одоогийн өндөрлөгөөс харахад. Түүнээс ч өдөр тутамдаа бол түүртэнэ ээ түүртэнэ. Бухимдах үедээ бухимдана, ихэнхдээ хайрлана, энхрийлнэ. Хо хо.

Пуужин. Цэцэрлэгтээ хийсэн, их хэцүү байсан гэж ярихаар нь нээрээ гэртээ хамт хийж үзье гэж бодоод хийсэн. 

Аминдаа хөөрхөн нугалаад л байгаа юм. Хөөрхөн эгдүүтэй хоёр гар. Харахаар хайр хүрнэ. 

Нэг хөөрхөн санагдсан нь цаасаа нугалаад явж байснаа "байж байгаарай, индүүдхэе" гэсэн. Тэр нь нугалаасаа дахин хурууныхаа өндгөр дарж "тодотгох"ыг хэлээд байх шиг. Байх шиг ч гэж дээ, монголоор юу гэж хэлэх вэ? 

Нугалаасаа бататга?

Нугалаасаа тодотго?

Ямартай ч би нэг япон хэллэг сурч авлаа. Энэ мэтээр зулзагатайгаа тулж ажиллахаар ээж өөрөө хөгжинө өө гэж үнэн шүү.

Цэцэрлэгтээ хийсэн зүйлээсээ ээжид зааж өгсөн. Усан онгоч, нэг нь бас л дуужин. Энэ пуужин гэхдээ бас хөөрхөн, соруулаас үлээлгээд нисгээд байсан. Хөөрхөн хэцүү ч юм билээ, нугалахад. 

Томчуудтай хамтарч нугалахгүй бол бас ойлгохооргүй. Бид 2 ютүб гэгч сайхан ачтай буянтай юмны ачаар л хийлээ. Юм хөгжинө өө гэж.

Дарахаар үсэрдэг далайн хавч. Энэ хоёрын нэгийг нь нөгөөд нь давхарлаж оруулах юм билээ. Эхэндээ жаахан ойлгоогүй, хоёуланд нь нүд ам зураад. Тэгээд дангаар нь үсэргэсэн чинь нэг цовхчиж өгөхгүй байсан юм. 

Хэсэг азнаад дахин нэг хараад ойлгосон. Бас л нугалахад хэцүү талдаа, хүүхдэд бол. Манай хүн сүүл хэсэгтээ ээжийн гоё нугалсныг аваад, өөрийнхөө хайш яайш нугалснаа ээжид өгнө, тэрүүхэндээ хөөрхөн зальтай. 

Уг нь индүүдээд л хичээж нугалаад байгаа ч, нэг л эвээ олж өгөхгүй л байх шиг шүү.

Эрчүүдийн хийсэн бүтээл. Аавтайгаа хамт нугалав. Дунд нь арай л энэ нугалж буй сэлмээрээ байлдчихсангүй. Ха ха. Хэлэлцээд байгаа нь бүү мэд, хэрэлдээд байгаа нь бүү мэд, зулзага аавдаа томорч сонсогдсон. 

Индүүдээч гэж ирээд л аавдаа заагаад байх шиг байсан. Ха ха. Аав бол мэдэж байгаа шүү дээ, дээр нь хоёр ч эгч "өсгөлцчихөөд" байхад тийм ээ.

Бэлэн болсон сэлэм. Хөөрхөн л сэлэм байгаа биз дээ?  Хэсэгтээ л үүгээрээ байлдаж тоглосон. Одоо ч гэрт хөглөрөөд л байж байна. Хэсэг байлгаж, тоглуулж байгаад хаяна даа.

Эгч нараас өвлөгдөж үлдсэн олон олон "оригами" цаасыг үр бүтээлтэй ашиглаж л байна. Жигнэмэгийн хайрцаг дүүрэн л цаас байна. Зүү утасны төмөр хайрцаг шиг, бидэнд олон юмны төмөр хайрцаг байна аа. Хи хи.  

Гэхдээ байна аа, минимал болох санаатай, энэ хайрцагнуудаа цөөлж байгаа. Хайрцаг л байвал дотор нь "сонин сонин юм" хийж хадгалаад байх янзтай шүү. Ккк.

Зээ, энэ бол "зургийн аппарат". Японоор "пачин камэра" гэнэ. Яг зураг дарахдаа дуугаргадаг байхгүй юу. Ёстой хөөрхөн. Нугалахад ч амархан. 

-Ээж ээ, наашаа хараарай, зураг дарлаа шүү. 

-За, одоохон. Ээж нь өнцгөө олоодхоё. 

Ха ха. Яг жинхэнээсээ зураг авахуулах гэж байгаа юм шиг л тоглоно шүү дээ.

Энэ бол ээжийн бүтээл. Өдөрт дор хаяж гурван ширхэгийг нэхнэ. Бэлэн болсныгоо заримыг нь далд хийнэ. Заримыг нь уулзаж учрах танил, найз нөхөдөө бэлэглэнэ. 

Саяхан гэхэд өмнө нь хамт ажиллаж байсан тайвань найздаа, мөн нэг хятад найздаа хэд хэдийг бэлэглэсэн.

Бэлэглэх хүн зөндөө гарч ирдэг болохоор нэхээдп л тавьчихдаг. Амар байдаг юм. 

Нэг иймэрхүү, сүрхий бүтээлч улсууд байна уу? Хэ хэ. Ногоон өнгө давамгайлжээ, энэ удаад.

Түр баяртай. Бүгдэд нь амжилт хүсье.