Жюгэмү буюу мөнх нас

Их хөөрхөн ном оо. Зулзагууддаа уншиж өгдөг. Одоо бага зулзагын ээлж. Ээж бол тэр шүлэг шиг уншигддаг хэсгийг бол цээжилчихсэн шүү дээ. 

Тэгсгээд мартана. Санахаараа зээлж авчраад, уншиж цээжлэнэ. 

Аман хошин урлагийн нэг болох ракүго. Ракүго гэдэг нь хошин зүйл ярьж үзэгчдийг инээлгэдэг урлаг. Нэг төрөл нь манайд бас нэлээд түгээд байгаа даа. 

Stand up comedy маягийн зүйл юм. 

Эхэндээ ч мэдээж ойлгохгүй, сонсоод инээж мэддэггүй байсан. Хурдан ч ярина, үг яриа нь нутгийн аялгуу гэх мэт холилдоод ирэхээр нь ойлгохгүй л дээ. 

Мөн японы соёлыг, заншлыг сайн мэдэхгүй бол бүр ч ойлгохгүй. Жишээ нь тогоруу, яст мэлхий урт наслалтыг бэлэгддэг. 

Энэ хошин ярианы агуулга нь нэгэн гэр бүлд хүсэн хүлээсэн хүүхэд нь төржээ. Хүү ч байж. Тэгээд нэр өгөхөөр лам дээр очжээ. Лам ч мэдээж энэ ч зүгээр мянга наслахыг, тэр ч зүгээр бум түм наслахыг бэлгэддэг гэж хэлжээ. 

Аавд хангалтгүй санагдаад, ламаас сонссон нэрсүүд бүгд л аятайхан санагдаад ламаас дуулсныгаа бүгдийг нь хүүдээ нэр болгоод өгчихдөг юм. Ха ха. 

Би ч зулзагуудаа дуудахдаа тэрхүү уртаас урт нэрийг нь цээжээр хэлж байгаад л хамгийн сүүлд өөрийх нь нэрийг оролцуулаад л дуудна, хааяа. Жуумалзаж өгнө өө, өнөөдүүл чинь. Хи хи. 

Мэдээж томроод  ирэхээр нь ингэж тоглохгүй л дээ. Эсрэгээрээ залхсан байдалтай өөдөөс харна. Ха ха. 

Заримдаа ч би сахилгагүй ээж болчихдог талтай. Заримдаа үнэнхүү чухал царайтай ээж, үе үе юу ч чаддаггүй залхуу ээж, үе үе чухам үйлэнд уран ээж гээд л надад их олон нүүр байна аа. 

Өмнөх эмэгтэй номонд гардаг шиг, ганган даашинз л өмсөхгүй. Гэснээс өөрт зохидог ганган даашинзтай болдог ч юм билүү. Эсвэл ногоон торгон дээлтэй болох уу? Дуунд гардаг шиг "ногоон торгон дээлээрээ хичнээн ч жил гоёлоо доо" гэж үр зулзагууд минь дурсана. Хэ хэ. 

Гэм нь монгол уу маруухан мэднэ, яалтай...

Юу ярьж явлаа? Аан тийм ракүго буюу шог яриа. 

Япон хэл анхлан суралцаж буй хүмүүс нэг зээлж аваад чанга дуугаар уншаад, цээжлээд үзээрэй. Тун дажгүй дасгал болно шүү. 

Би ингэж үе үе өмнө нь уншиж байсан номнуудаа зээлж ирээд, зулзагуудтайгаа хамт уншдаг юм. Томорчихсон нь тоохгүй л дээ. Гэхдээ дотроо бол аан нэг ийм ном уншиж байсан шүү дээ гэж боддог байх. 

Бас нэг хөөрхөн ном зээлээд ирсэн. Өөрөө нэг уншиж өгөөд л, ааваар нь нэг уншуулаад л. Дараа танилцуулахыг хичээнэ ээ, марталгүй. 

Япон хэл хэрхэн сурах уу? гэж асуудаг хүмүүст зурагт ном сайн унш, өдөр бүр хүүхэдтэйгээ хамт унш гэж хэлдэг дээ...

Түр баяртай. Бүгдэд нь амжилт хүсье. 

Сэтока

Охидыг минь үе үе дэмжээд, хөөрхөн хөөрхөн зүйл барьж ирдэг нэг гэр бүл байдаг юм. 

О.зулзагыг анх нэгдүгээр ангид орж байхад тэдний охин бага сургуулийн 6 дугаар ангид, сургуулиараа зугаалахад хамт хөтлөлцөөд алхаж байсан гэсэн. 

Тэгээд л ээж аавдаа хэлсэн гэсэн. Нэг ийм монгол охин гээд л. Холоос ажиглаад л явдаг байсан шиг байна лээ биднийг.

О.зулзагыг ахлах сургуульд ордог жил дундын танилаараа зуучлуулаад бид танилцсан. Тэгэхэд л дээрх түүхээ ярьж өгсөн. 

Тэдний охин их сургуулиа төгсөөд, тэнд ажилд орсон гэх мэтээр хааяа уулзахаараа хөөрөлддөг юм. 

Уржигдар хонх дараад дээрх цитрусын төрлийн жимсийг оруулж өгсөн. Охин нь Миязаки мужийн хүнтэй суугаад, тэр нутагт нь тариалдаг жимс, амсуулах гээд авч ирсэн гэнэ ээ.

Дунд зулзага минь тааралдахаараа хөөрхөн мэндлээд өнгөрдөг гэнэ, их таалагддаг гэв. Охидынхоо буянаар л хөрш айлуудтайгаа мэндтэй устай, эвтэй найртай явна даа. 

Хүүхэд гэж цаанаа л буянтай юм аа. Хэ хэ. 

Мэдээж анх удаагаа идэж үзэв. Маш амттай жимс байлаа. Бүр тансаг амт. Нэлээд үнэтэй ч жимс байна билээ. Энд тэнд дэлгүүрт таарвал үнэтэйг нь гайхаад, худалдаж авч идэхгүй л өнгөрөх байх.

Хальс нь маш нимгэн. 

Буянтай хүмүүсийн ачаар, шинэ жимсний нэр мэдэж авч, амтыг нь ч мэдрэв. 

Баярлалаа. Байнга өгч байгаарай гэж даврахгүй юу. Хэ хэ. 

Түр баяртай. Бүгдэд нь амжилт хүсье. 

Эмэгтэй

Нэгэн орчуулагч бүсгүйн орчуулсан номнууд дандаа дугаар дайрч орж ирэн, надад уншигддаг. Ха ха. 

Өнөөдөр бас л дугаар дайраад, бүр зүтгээд, намайг унш, намайг унш гээд чичрээд дайрсан ном бол "Эмэгтэй". Зохиолч нь Нобелийн шагналт Анни Эрно.

Болортуяа орчуулагчийн орчуулсан номнуудыг уншихаасаа өмнө тухайн номны зохиолчдыг нь ч мэддэггүй, сонсож дуулаагүй байдаг. Энэхүү орчуулагч бүсгүйн нүүрном болон ютүб хуудсыг дагаж, уншдаг, сонсдог болсноор миний уншдаг жанр тэлсэн. 

Өмнө нь хайр дурлалын голцуу сэдвээр л уншдаг байсан хүн маш олон төрөл, жанрыг уншиж эхлэх болсон. Үүндээ ч дуртай, мөн талархаж явдаг. 

Энэ удаагийнх нь орчуулгын номыг гартаа авч дэлгэхээсээ өмнө Анни Эрно гэх зохиолчийг ч  "дүрмийн дагуу" мэддэггүй байлаа. Одоо мэдэж авлаа. Дараа дараагийн орчуулгыг нь ч тэсэн ядан хүлээнэ. 

Агуулгын хувьд бол бодит амьдралд, өдөр тутамд тохиолддог зүйлийг бичсэн, маш ойрхон сэдэв. Зохиолч ч өөрөө туулсан, мэдэрсэн. 

Дэлхийд өндөр наслалт, урт наслалтаараа нэгт бичигддэг япон оронд ч  "зохиолчийн ээжийнхээ туссан өвчний" тухай бичсэн энэ тохиолдол маш өргөн хүрээнд яригддаг, бичигддэг сэдэв. 

Мөн өндөр настны асрамжийн газар ч олон. Харин тэнд ажиллах залуу хүч, ажилтны тоо маш дутмаг. Тэр ч утгаараа асаргааны чиглэлээр гадаад орноос ажилчдыг ихээр ирүүлж ажиллуулах сонирхолтой. 

Өндөр настнуудын асрамжийн газар ажиллах нь маш их стресстэй, хүнд хүчир ажлын байрны нэгт орно гэж ярих хүмүүс ч бий. Учир нь боддоо, яг л жаахан хүүхэд мэт аашилдаг "томчууд". 

Хүүхдүүд бол асарч, тойлсны үр өгөөж нь нүдэнд ил, өсдөг, хөгждөг, гараас гардаг. Харин жаахан хүүхэд шиг "настнууд" хэзээ ч үр өгөөжөө өгөхгүй, эсрэгээрээ улам дордоно. 

Тэгэхээр дэргэд нь асарч буй хүмүүс их бухимддаг, уурладаг. Хэдий төрсөн үр хүүхэд нь ч бай. Тийм болохоор асрамжийн газар өгдөг. Үүнийг энд ачлалгүй, энэрэлгүй гэж үздэггүй. Учир нь тэд бас амьдрах хэрэгтэй, үр хүүхдээ өсгөх хэрэгтэй...

Дээр бичсэнчлэн сэтгэл зүйн болон, биеийн хүчний ачаалал их учраас зарим нэг асрамжийн газарт ажилчид нь өдөр тутмынхаа уур бухимдлыг тухайн газрынхаа өндөр настанд гаргаж зодох, дээрэлхэх, бүр алчихсан тохиолдол ч гардаг. 

Амьдарч буй улсад минь, нийгэмд нь энэ өвчний тухай их яригддаг тул энэ удаагийн "Эмэгтэй" ном сэтгэлд маш ойр байлаа. Мөн өөрийн минь ижий хэрэв ийм өвчинд нэрвэгдвэл би яах бол гэж бодон бодон уншсан. 

За ээжийнх нь залуугийн үеийн дурсамж, ээжийгээ харж буй өнцөг, ээжийн тухай бодол гэх зэргийг уншаад би охиддоо хэрхэн харагддаг бол гэж, би сайн ээж чадаж байгаа болов уу? гэж бодон бодон уншина. 

Одооноос үг, үйлдлээ хянаж байхгүй бол ч, үр хүүхдэдээ эргэн дурсагдахдаа "хөвсгөр, зэвүүн ээж" гэж дурсагдах вий гэж айж энэ тэр. Ха ха. 

Учир нь эх хүн үр хүүхдийнхээ төлөө гэж хэлсэн үг, хийсэн үйлдэл нь үр хүүхдэдээ хүрээд байдаг нь ховор ч юм шиг. Ямар ч утгагүй үглээ болдог шиг...

Мөн бид бол ээжийнхээ тухай ихэнхдээ магтаж, сайшааж ярьдаг, дурсдаг тийм үү? Харин Анни Эрно зохиолч яг байгаагаар нь, тухайн үед хэрхэн уурлаж, үзэн ядахдаа үзэн ядаж, хайрлахдаа хайрлаж байсан тэр л мэдрэмжээ бичсэнд нь баярлав. 

Би ч өсвөр насандаа ээждээ уурлахаараа ил хэлэхгүй ч амандаа, дотроо муухай үгээр хэлчихдэг л байсан...

За тэгээд "Эмэгтэй" номонд ээж нь ямар өвчин тусчихаад намайг ийм зүйл бодоход хүргэсэн тухай та бүхэн номыг нь авч уншиж байж л мэднэ.

Шинэ зохиолчтой уулзуулдаг орчуулагч Болортуяа "дарга"-даа баярлалаа. Дараа дараагийн уран бүтээлд нь амжилт хүсье. 

Түр баяртай. Бүгдэд нь амжилт хүсье. 

Өдрөөс үлдсэн зүйл

Бидний 2 сард унших ном. Ишигүро Казүо "Өдрөөс үлдсэн зүйл". 

Өнгөрдөг зун монгол явахдаа хальт шагайсан номын дэлгүүрээсээ авсан. О.зулзага харчихаад японоор нь уншаач, эндээс ном чирээд гэж үглэсэн. Зөрөөд худалдаж авсан. 

Япон хэлээр уншина гэдэг чинь алаан байхгүй юу? Ядаж байхад би их маягтай уншина. Заавал бал цаас хажуудаа тавиад, мэддэг ч юм шиг зүйлсээ хүртэл аан ингэж хэлж болж байх нь гэж бодон тэмдэглэж авдаг. 

Эргэж сөхсөн нь тун ховор. Тэтгэвэртээ гарахаараа сөхөж харна. Ха ха. Тэгээд ч хүмүүс тэтгэвэрт гарахаараа хэсэгтээ хийцгүйрээд, сэтгэл санаагаар унадаг гэсэн биз дээ? 

Гол нь тэр хүртэл хорвоогийн тоос хөдөлгөж байх хэрэгтэй. Хи хи. 

Зохиолч нь 6 настайдаа англид очиж суурьшижээ. Миний о.зулзага 3 настайдаа ирсэн юм. Эвий эвий. Ямар байсан бол гэж бага зэрэг гадарлаж энэ тэр. 

Бичих авъяастай байжээ. Гоё юм өө, бичих, дуулах, зурах, хөгжимдөх, бүжиглэх гэх мэт авъяастай хүмүүст атаархаад ханашгүй. Хайрлаж, хөгжүүлж яваарай, та нар наад авъяас чадвар аа. Ха ха. 

Гэснээс би Нобелийн шагнал авсных нь дараагаар нэг номыг нь худалдаж авсан юм байна аа. Жижиг ч билүү? Санадаггүй. О.зулзага уншсан байх. Охиныхоо номын санг нэг уудлая байз. 

Нээрээ эгчийнхээ үлдээсэн номыг дүү нь уншаад байгаа харагдана лээ. Удахгүй бага зулзага бас бага эгчийнхээ номнуудаас уншиж эхлэх байх даа. Хөөрхөн. 

Агуулгыг бичих илүүц байх тийм үү? Энд тэнд залуус уншсан номныхаа тэмдэглэлийг их бичдэг болсон тул. 

Мэдрэмж гэвэл. Ямартай ч их цэмцгэр бичигджээ. Дэл сул үг үгүй. Аргагүй л ажилдаа мэргэшсэн даамлын яриа. Ажилдаа "ноён нуруу"-тай ханддаг шиг ээ энэхүү дурсамжаа бичсэн мэт үнэхээр гоё бичжээ. 

Уншиж буй би хүртэл уншихдаа нуруугаа цэгцлээд, ихэмсэг зангаар уншсан. Ооё. Жишээ нь хажуудаа ямар ямттангүйгээр, гар утсаа хол тавих гэх мэт. 

Аавыгаа өнгөрч буй цаг мөчид ажилдаа үнэнчээр хандан эзнийхээ зочдод таагүй сэтгэгдэл төрүүлэхгүй гэж хичээж буй хэсэг өр өвдөм.

Английн тэр том шилтгээнүүдийг нүдэндээ төсөөлөөд л уншлаа. Гэхдээ багадаа бол их гайхдаг байж. Хэдхэн хүн л амьдардаг байж тийм том ордноор яадаг байна аа гээд л. 

Жинхэнэ англи жентелмэн одоо байдаг болов уу? Одоо ийм үнэнч даамал бий болов уу? гэж бодон бодон уншсан.

Мөн "...Би хамаг сайхан он жилүүдээ лорд Дарлингтонд зориулсан. Хамаг ур чадвараа, байгаа бүхнээ түүнд зориулсан, одоо одоо ингээд харахад надад өгөх өөр юм үлдээгүй шив дээ..." энэ мөртүүд хүн аливаа нэгэн зүйлд өөрт буй хамгаа хэт зориулах нь эцэстээ нэг тийм ганцаардал, энэлэл, уй гунигийг өгдөг юм байна, өөртөө өгөх юм үлдээх хэрэгтэй юм байна гэж бодов.

За тэгээд хэн хэндээ "хайртай" байсан шүү, "татагддаг" байсан шүү гэдгээ хэлж чадахгүй явцгаагаад, уур хүргээд байсан. Кентон авхайн хувьд бүсгүй хүн гэдэг утгаараа хэлж зүрхлэхгүй байсан бол Стивенс ажлаас өөр зүйлд ач холбогдол өгөхгүй, эзэндээ чухам үнэнч, хариуцлага өндөртэй тул түүндээ баригдаад бас сэтгэлээ илэрхийлэхгүй явсаар дуусч байгаад бухимдав. 

Хамаг сайхан залуу насаа нэг л шилтгээнд өнгөрүүлнэ гэдэг ямар бол? Орж гардаг ч болоосой, жаахан ч гэсэн гадаад ертөнц үү өнгийж хараасай гэж бодно оо бас, зохиол гэж мэдсээр байж...

Кино нь байдаг юм байна. Боломж гарвал үзнэ ээ. Гоё ч жүжигчин тоглосон байна билээ. 

Гоё ном уншаад дууссаны дараагаар сэтгэл санаа хүртэл гоё байдаг шүү. 

Түр баяртай. Бүгдэд нь амжилт хүсье. 

Айлчин гийчин ихтэй

Энэ жилийн цагаан ногоон сар айлчин ихтэй байна аа. Дуусдаггүй ээ. Далимаар нь сайхан бууз л их идэж байх шив дээ. Түүнээс энд чинь "за өнөөдөр ямар хоол хийх вэ?" гэж өөрөөсөө асууснаа, "ямартай ч будаагаа агшаачихая" гээд будаатай хуурга маягийн хоол хийчихдэг. Хо хо. 

Бид гэхдээ будаатайгаа хольдоггүй. Тус тусад нь таваглаад иднэ ээ.

Айл хэссэн тухайгаа монголд буй ижий аавдаа хэлсэн чинь хоёрхон айлаар хэссэнээ хорин айлаар хэссэн мэт л сүртэй ярих юм аа гэсэн. Хэ хэ. 

Бид хоёр айлаар зочилсон. 

Харин манайд хориод хүн ирсэн. Мэдээж нэг дор биш л дээ. Увж цуваад л, тус тусынхаа цаг завийг харж байгаад л ирнэ, ирүүлнэ. 

Шөнө дөл болтол суухаар бас ядардаг насандаа иржээ. Залуухан байхад ч нэг их тоодогүй байж, маргааш нь ажилдаа гялалзаад, алздаггүй байж. 

Тэгсэн одоо яаж байна? Маргааш нь үүрэглэдэг болж. Халуун боргол ууж байж л нэг өдрийг барж энэ тэр. Гэхдээ нэг авууштай нь үүрэглэлээ гээд борголынхоо тоог нэмэхгүй ээ? Үдээс өмнө, үдээс хойш нэг нэг аягыг л ууна.

Харин оройхон нь эртхэн унтах минь гээд л орондоо орно доо. Гэхдээ их сонин гэртээ харихаараа сэргэчихнэ. Хи хи. 

Энэ жилээс идэш уушаа үнэхээрийн зохицуулах минь гэдэг уриа лоозон тавьсан. Нэг мөнсөн мартын 8 өнгөрөхөөр болох уу гээд явж байна. Худлаа худлаа, хэрэгжүүлээд эхэлсэн. 

Амттан идэхгүй 7 хонож байна. Өдөр бүр болсон болоогүй зүйл хивж байдгаа болих санаатай. Ингэж бичиж л байсан байх, өмнө нь. Яахав ээ, хүн чинь мартдаг шүү дээ. 

Хүн чинь мартдаг шүү дээ угаасаа гэж бага зулзага хүртэл хэлээд, өөрийнхөө амласан зүйлээ хэрэгжүүлэхгүй байхад. Зурагт үзүүлэгүй шүү гэж хэлснийг минь маргааш нь та мартчихаагүй юм уу? гэж ч байх шиг. 

Аан тийм, суугуул нутагт минь монголчууд нэмэгдсээр. Заримтай нь бүр хамаатан байдаг шүү. Цагаан сараар монголд золгоцгоосон улс үр хүүхэд нь япон явсан тухайгаа, японд байдаг тухайгаа ярилцаад, нааш нь хэлээд, бид уулзалдаж байх жишээний. 

Тэгсэн ганцхан хүн ажилладаг юм байх гэсэн чинь бүр дөрвүүлээ байдаг гэнэ. Энэ удаад ганц хамаатныг нь л гэртээ авчирч бууз жигнэж идлээ. Миний биш, хань ижлийн хамаатан...

Тэгээд л дадлагажигчаар ирсэн залуус их бололтой. Ажил үйлсэд нь амжилт хүсье ээ. Тааралдвал мэнд усаа мэдэлцэнэ ээ. Надаас айгаад зугтаачихгүй л бол. Хо хо. 

Тэртээ олон жилийн өмнө нийслэл хотынх нь метронд хэдэн монгол залуустай таараад, мэнд мэдсэн чинь намайг тоогоогүй шүү дээ. Тэр олон сая хүмээсээс биесээ олоод таарчихсан улс чинь мэндтэй л байвал гэж бодсоных л доо.

Түүнээс хойш өөрөөсөө гүйж очоод мэндэлж намба алдахгүй ээ гэдэг бодолтой болсон ч цагаа тулахаар бас үгүй юм билээ. 2 жилийн өмнө, дэлгүүрт 3 монгол залуутай тааралдаад, хөөх та нар монголчууд юм уу? гэж мэндлээд, дараа нь бүр гэртээ авчраад цай цүү болсон юм даг. Ха ха. 

Хүний нутагт сүрхий биесээ дэмжээд сүйл болдоггүй юм гэхэд хал балгүй, мөрөөрөө сайхан ажлаа хийцгээгээд явахад болно дөө. Түүнээс ч миний талхны минь мөнгөнөөс хумслаад, элдэв арга хэрэглэн миний хийх байсан ажлыг булаачихсан ч хүн байна, энд. Бодохоор л гомдоод байх юм. Ккк. 

За түр баяртай. Бүгдэд нь амжилт хүсье.

Хүүхдийн хүмүүжил 2

Номоо уншаад дуусгалаа. Унших явцад номын агуулга нь ихэнхдээ бага насны, бага сургуулийн, зарим нэг зөвлөгөө нь дунд, ахлах ангийн сурагчдад зорилусан шиг санагдсан. 

Дажгүй юм, хэрэгжүүлээд явчих юмсан гэснээсээ ганц нэгийг түүж оруулав. 

1. Хэрэв хүүхэд чинь game тоглоод, амласан амлалт буюу гэртээ game тоглох дүрэм журмаа зөрчөөд байвал шууд л "болиоч ээ, аль түрүүн л дууслаа гэж хэлсэн биз дээ?" гэж үглэх биш "дурмээ баримтлахад хэцүү дүрэм бол дүрмэндээ өөрчлөлт оруулах уу?" гэх мэтээр эерэг хандлагаар хэлэх. 

Эцэг эх үглээд ирэхээр хүүхэд цаанаасаа зөрүүдэлмээр болдог. ПС тоглоомыг ад үзэх биш, аль болох сул тал муу талыг нь тайлбарлаж, дүрэм тогтоогоод баримтуулах. 

Тэгээд ч орчин үед пс, IT салбар улам л хэрэгцээ шаардлага нь ихсэнэ. Багаасаа зөв харьцаад сурчихвал пс тоглоом тийм ч муу зүйл биш. 

Манайх гэртээ элдэв пс тоглоом байхгүй ч энэ аргыг бас ашиглаж болохоор. Дунд зулзага хааяа миний гар утсыг аваад дуу сонсоно. Хааяа айпадаар юүтүб үзнэ. Би падаа нуучихдаг. Хэ хэ. Нэг л их том падтай улсууд. Ашиглаж чадахгүй л байна. Зулзауудаасаа нуух гэж. 

2.  "Алдсан ч хамаагүй ээ, чадахгүй байсан ч хамаагүй, хийгээд үз, оролдоод үз" гэдэг үгээ "хамтдаа хийгээд үзье, хамтдаа оролдоод үзье" гэж хэлэх. 

Чухам үнэн юм шиг санагдсан. Би ч бас алдаанаас айж болохгүй, алдаж байж сурдаг гэх мэтээр их үглэнэ ээ. Мэдээж нэлээд том болоод, дунд, ахлах ангийн хүүхдэдээ бол хэлж болох юм. 

Түүнээс бага зулзагадаа бол жишээ нь хамтдаа дээс үсрэх үү? хамтдаа дугуй унах уу, хамтдаа ном унших уу? гэж л хэлэх ёстой юм байна гэж ойлголоо. 

3. "Тодорхой ярь, олигтойхон шиг хэл, хэлэхгүй бол ойлгохгүй шүү дээ" гэдгийг "Энэ (тэр) талаар юу гэж бодож байна?" гэдгээр солих. 

Зээ, энэ ч бас чухал юм шиг тийм үү?. Томчууд бид хүүхдүүдээ нэг л их том хүн шиг яриулах гээд байдаг даа, заримдаа. Энэ өгүүлбэрээс харахад бол найз нөхөд шиг нь юу гэж бодов? гэх мэтээр асууж ярилцах нь байх тийм ээ?

Хүний өмнө ичээд сайн ярьж чаддаггүй, сандардаг гэх мэт хүүхдүүдийн хувьд үүнийг нь сул тал гэж харалгүй, яаж илэрхийлэх аргаа сайн мэдэхгүй байна гэж хандах. 

Ийм ичимхий хүүхдийг хүчээр яриулах биш, эцэг эх нь тусламжийн гараа сунгах.

4. "Удаан чанарын хүүхдийг яаруулж сандаргах бус тухайн хүүхдийн хурдад тааруулах арга бодож олох". Жишээ нь 10 минутын дасгал ажлыг 20 минут зарцуулж хийдэг хүүхэд байлаа гэж бодъё. 

Тухайн даалгавар ч юм уу тооны бодлого гэх мэтийг нь тал хувааж байгаад 10 минутанд ажиллаад үзэх үү? гэж санал тавиад ажиллуулах. 10 минутандаа амжаад ирэхээр нь бага багаар агуулгыг нэмэх. 

10 минутанд амжаад хийчихсэн үед нь магтаж урамшуулахаа мартавзай. 

Зээ, охид харьцангуй гайгүй байсан шиг санагдана. Бага ангид нь сургуульд, багшид л найдаад, даалгасан. Гэртээ бол яахав, хамт номын сан орж ном зээлэх, хамтдаа ном унших, бие биедээ ном санал болгож, тэр номынхоо талаар ярилцах зэргээр л тулж ажилласнаа санадаг юм. 

Түүнээс учиргүй тоог нь бодоход нь туслаад гэх мэтээр хамтраагүй. Тэгээд ч хэлний мэдлэг минь маруухан тул охид тэр тал дээр өөрсдөө л биеэ даагаад, нухаад явдаг байж, одоо бодоход. 

Заримдаа боддог л юм, багадаа тооны хичээлийг, хими, физикийн хичээлээ шамдан хийж л байдаг байж гэж. Тэр үед том болоод ээж болно, ээж нь хүүхдэдээ хичээлийг нь заана гэж төсөөлж ч байсангүй. Хэ хэ. 

Учир нь миний өөрийн ээж аав ч бидэнд хичээлийг минь заагаад сүйд болдоггүй байсан. Бид өөрсдөө л учраа олдог байж, хуулах үедээ хуулна, хуулуулах үедээ хуулуулна. Хи хи. 

Тэгэхээр хүүхдийн хүмүүжил, сурлага гэх мэтэд тухайн орчин их нөлөөлдөг гэдэг нь батлагдаад л байх юм даа тийм ээ? 

5. "Дуртай л хичээлээ хийгээд байхаар дургүй (тааруухан) хичээлээ хийсэн нь дээр биш үү?" гэж үглэдгээ "хэлний хичээлд дуртай юм аа даа, улам сайн шамдаарай" гэдгээр солих. 

Хүүхэд чинь дуртай буюу чаддаг хичээлээ л хийгээд байна уу? Энэ бол гайхамшиг шүү. 

Дуртай хичээлээ улам сайн зүлгээд, хүссэн оноогоо аваад ирэхээр хүүхэд аяндаа сэтгэл ханамж нь өндөрсөөд бусад тааруухан хичээлээ ч хийх юмсан гэсэн хүсэл, зорилго нь ундраад ирнэ. 

Давуу талаа талаа улам зүлгэх нь амжилт өөд өгсөх дөт зам юм. 

Үүнийг уншаад яг л намайг хэлсэн байлаа. Би ч мөн адил дээрх шиг үглэнэ. Тааруухан хичээлээ сайн давтаач ээ, уншаач ээ гээд л. Одооноос үүнийгээ засна. Нэг бол энэ талаар огт үглэхгүй, нэг бол яг энэ ном бичсэнчлэн "үглэж" үзнэ. Хи хи. 

Өнөөдөртөө ингээд өндөрлөе. Үргэлжлүүлж уншмаар байвал гараа өргөөрэй, Нэг бол гялс хариу. Хи хи. 

Түр баяртай, бүгдэд нь амжилт хүсье. Хамтдаа хичээцгээе.

Зүгээр л

Зүгээр л сонирхуулмаар санагдаад. Хэ хэ. 

Хань ижлийн минь өдөр ажил дээрээ иддэг бэнто буюу өдрийн хоол хийж зардаг газрын 2 сарын 14-ны өдрийн хоолны агуулга. 

2 ширхэг шоколад. Мах нь зүрхэн хэлбэртэй. Хань ижил өдөр хоолоо идэх ч завгүй явсаар гээд гэртээ аваад ирсэн байхаар нь таглааг нь сөхөөд харав, сонирхоод. 

Тэгсэн өөдөөс зүрхэн хэлбэрт мах. Ха ха. Энэ зурагт сайн харагдахгүй байж магад. Томруулаад харахаар мэдэгдэнэ. 

Бизнесээ гэж. Бас л иймэрхүү санаачлага гаргахгүй бол тийм ээ? Үйлчлүүлэгчээ алдах болно шүү дээ, шинэ санаа оноо гаргаж ажиллахгүй бол тийм үү? 

Агшаасан цагаан будаа хамт ирдэг. Боломжтой хүмүүс нь халаагаад иддэг. Боломжгүй хүмүүс хүйтнээр нь иддэг. Хажуугаар нь халуун уух юмтай л ордог байх даа. 

Зуны халуунд бол яахав гайгүй, өвөл ч бас хүйтэн хоол гэхээр аяа бас л. Япон соёл мэдэхгүй уншигчдад бол төсөөлөхийн аргагүй байх тийм үү? Хи хи. 

Анх японд ирээд ийм бэнто идэж үзээд, чихэрлэг амттайг нь гайхаад идэж чаддгүй байж билээ. Одоо бол идчихнэ, энд тэнд тааралдаад иймэрхүү хоол идэх тохиолдолд. 

Түүнээс энгийн үед бол ажил дээрээ авч иддэггүй. 

Түр баяртай. Бүгдэд нь амжилт хүсье. 

Үнэ өссөөр

Ганц монголд юмны үнэ өсөөд байгаа юм биш шүү. Японд ч юмны үнэ эрс өсөж байна. 

Наад захын жишээ. Аяга угаагч нэхдэг утас минь үнэ нь хэвээрээ мөртлөө доторх хэмжээ нь багассан. Бүр илт. Барьж үзээд л андашгүй. 

Гээд яалтай билээ? Би чинь гэртээ гар зүгээр сууж чадахгүй, заавал үүнийгээ нэхэж суудаг "муу зан"-тай болчихсон. Цаг нартай уралддаг хүмүүс чинь, жаахан л сиймхий гарвал нэхэхгүй бол утас маажих гээд байдаг. 

Дуусангуут нь очиж авна. Авч амжихгүй яваад байвал, цагийг дэмий үрээд байгаа юм шиг санагдаад байдаг болсон байна лээ. 

Нэг бодлын өвчин байх тийм үү? 

Цагаан сараар ирсэн бүсгүйчүүддээ бэлэглэсэн. Залуучуудад бэлэггүй ээ. Хэ хэ. Сайхан дайлаад цайлаад болчихож байгаа юм. Тийм үү? 

Гэр бүл зохиосон залууст бол бэлэглэнэ ээ. Одоогоор ганц бие хүмүүст хэрэггүй байх...

Цалин нэмэгдээсэй, "миний захиралаа цалин нэмээч ээ" гэсэн солонгос дууг даргадаа сонсгомоор байна өө. 

Түр баяртай. Бүгдэд нь амжилт хүсье. 

Хүүгийн яриа

Хань ижил хааяа оройтно оо. Харих болгондоо утасдаж, захих юм байна уу? гэж утасддаг юм. Учир нь би заримдаа зулзагуудыг хүргэж өгөх авах гээд ажилтай үедээ дэлгүүр орж амждаггүй.

Мөн зулзагуудтай хамт орохоор заавал нэг төлөвлөгөөнд байгаагүй зүйл авчихдаг талтай. Амттан гэх мэт. Аль болох ганцаараа шур хийж ороод л шур хийгээд гараад ирэх нь туйлын зөв байдаг. Хи хи. 

Тэгээд нэг орой залгаад л харьж явна, захих юм байна уу? гэв ээ. Би спикер дээр нь тавьчихсан ярьж байсан юм. 

-Аав аа, та яагаад оройтоод байна вэ? Оройтоод байвал өөр ааваар солчихно шүү. 

-Юу???

Би наана нь бас гайхаад л сонсож байлаа. Бас юу билээ? Надад тийм хүн бий билүү гэж бодоод амжсан. Ха ха. 

Харьж ирээд хоорондоо ярьж байна аа. 

-Чамд сольчих өөр аав байгаа юм уу? 

-Үгүй ээ, байхгүй ээ. 

-Ээж нь заагаад өгчихдөг юм байх даа?

-За болиод өгөөрэй. Би юу гээд л тийм сонин юм зааж өгөх вэ дэ? 

Одооны энэ хүүхдүүд бас л айхтар болж байна шүү тийм үү? 

Алтан загасны үлгэр сонсчихоод, өвгөний төмсийг нь гайхаад, эмгэнээ л сольчихгүй мангар юм бэ? гэдэг шиг л. 

Гэрийн бараа харахгүй оройтоод, нэг бол гэртээ гар утас маажаад суучихдаг аав нар бодууштай л юм. Эхнэр нь чамайг сольчихдоггүй юм гэхэд хүүхдүүд чинь аавыгаа солих нь байна шүү дээ. Хо хо. 

Өхөөрдөөд инээгээд л өнгөрсөн. Бодоод байсан чинь хүүхдүүдэд ээж аавтайгаа гэртээ хамтлаа тоглоод л, эрхлэлдээд л байж байх нь аз жаргал байх нь ээ. 

Яахав шилжилтийн насан дээр бол өөр  л дөө. Аль болох ганцаараа, найзуудтайгаа байх дуртай болно. Ээж аавын үглээ ядаргаатай санагдана. Хи хи. 

Зээ, нэг иймэрхүү халуун яриа эрчүүдийн хооронд болж өндөрлөөд, би мартахгүйн тулд блогтоо бичив. Багынх нь хөөрхөн үг, үйлдлийг мартчихна шүү дээ, хүн чинь. 

Ямар сайндаа о.зулзагыгаа хэрхэн яаж хүмүүжүүлснээ мартчихаад байхад. 

Түр баяртай. Бүгдэд нь амжилт хүсье. 

Хүүхдийн хүмүүжил

Зээ, ойрд япон хэлээр уншиж амжихгүй явсаар. 

Зээлсэн номнуудаа хэд ч сунгав? 

Энэ удаагийн ном комик хэлбэрээр бичигдсэн. Уншихад хялбар, зузаан биш, агуулга нь их хөөрхөн байсан тул яаж ийгээд дуусгахаар шийдэн, 2 дахь удаагаа зээлэв. 

Зохиолч нь Ишида Кацүнори. Номын нэр "Хүүхдийн хүмүүжлийн үглээгээ сольж хэлэх толь бичиг ". 

За ёстой Марк Твенийн минь махыг идэж дээ гэдэг шиг л орчуулчихлаа. Хо хо. 

Гол гол зүйлийг нь бичнэ ээ. Ямартай ч уншаад дуусгаадхая. Яг цаг тухайн үед нь бичих гэхээр гэрлэн дохио хүлээхдээ гэх мэтээр уншдаг хүн чинь үзэг цаасаа гаргаж амжихгүй. Ха ха. 

Одоогоор гэртээ байгаа хоёр зулзагаа бас аятайхан хүмүүжүүлчих санаатай. Нэг л болж өгөхгүй, ямар сайндаа ийм ном олж уншихав. 

Томыгоо ер нь яаж хүмүүжүүлээд, үүрнээс нь нисгэчихэв ээ? Мартчих юм аа. Хи хи. 

Гол агуулга нь өдөр бүр хэлдэг үглээнийхээ үгийг эерэгээр солих. Өөрийн хүүхдийн онцлогийг мэдэж байгаа бол аль болох л эерэгээр загнаж үглэх. 

Ээж хүн үг хэллэгээрээ хүүхдээ "харааж", нэг бол "ерөөж" байдаг гэдэг дээ. 

Манай энэ гэж нэг бүтэлгүй юм, энэний сайн сурна ч гэж дээ гэх мэтчилэн. Үүнийг уншаад нээрээ л бодууштай зүйл гэж бодож билээ. 

За тэгээд үтэр түргэн уншиж дуусгаад, аятайхан санагдсан зүйлсээ бичнэ ээ. 

Түр баяртай. Бүгдэд нь амжилт хүсье. 

Амьтны ферм

Зузаан номоо дуусгаад нимгэн ном уншив. Нимгэн, жижиг ном ч урамтай шүү. хаа ч явсан цуг гэдэг шиг, хаана ч явж байсан гаргаж ирээд сөхчихнө. 

Худалч хүнд би нэлээд удаан асдаг гэрлэн дохион дээр хүртэл гаргаж ирээд хоёр ч болтугай мөр уншчихдаг байгаа шүү. 

Хүмүүс гайхаж магад л даа. Би нэг орчуулагчдад зориулсан сэтгүүл уншиж байхад нэг зөвлөгөө байсан юм. 

"Гадаад үг цээжлэх цаг зав тэр бүр гарахгүй бол гарцаар гарах гээд гэрлэн дохио хүлээж байхдаа, үг цээжилдэг каарт хармаалж яваад, гаргаж ирээд ганц хоёр үг ч болтугай харчихаж байгаарай. 

Өдөр бүр ажилдаа ирж очихдоо энэ үйлдлийг давтаад явахад та жилдээ овоо хэдэн үгтэй болчихсон байна шүү." гэж байсан юм.                             

Толгой руу ёнк гээд л явчихсан. Үнэхээрийн хэл сурах гэсэн хүнд бол маш үнэтэй зөвлөгөө байсан. 

Би яахав япон хэл минь ус цас юм болохоор үг цээжлэхдээ бус номоо уншихдаа ашиглаж болох юм байна гэж бодсон хэрэг. Хэ хэ. 

Яг зогссон газартаа наадаг цаас наачихаад, эргээд уншихдаа яг тэр хэсгээсээ уншаад эхлэнэ. Давтаад байхаар дадал болчихдог юм билээ шүү. 

Хүмүүс яаж амжуулаад байгааг минь гайхаж асуудаг. Дээрх арга бол нэг нь шүү. 

Яваандаа, санахаараа бусад дадлуудаасаа хэлж өгнө өө. 

Номын агуулгыг бичих илүүц тийм үү? Маш хөөрхөн, сонирхолтой, гахайнууд яасан зэвүүн юм бэ? Хонинууд яасан гэнэн, мангар юм бэ? гэж бодон бодон уншина. 

Мөн бид илжгийг жаахан маанагдуу гэж төсөөлдөг дөө, харин англичууд эсрэгэрээ юм байна. Энд гарч буй амьдтаас арай сийрэг нь илжиг. Даанч жаахан бөөрөнхий л болохоос. Хэ хэ. 

За тэгээд бүр эрт 1945 онд бичигдсэн, улс төрийн ёгт зохиол тул уншсан хүн их биз ээ? 

Уншаад байхад, яг л өнөөгийн биднийг хэлээд байна аа. Өөрийн гэсэн ухаан үгүй, нэг хэсэг хүний дарангуйллыг шүтээд, тэдний үгээр яваад байгааг минь амьтдаар төлөөллүүлээд хэлчихэж ээ. 

Энгийн иргэд бид бүгд нэг уншчихсан байхад илүүдэхгүй ном байна аа. Бүр заавал уншмаар байна аа. Энэ жил сонгуультайг ч хэлэх үү? 

Уран цэцэн амлалт, илүү эрх дарх, харанхуй бүдүүлэг зэрэг нь хэрхэн өөрсдийг нь иддэг тухай өгүүлсэн үнэхээрийн гүн гүнзгий утгатай ном байлаа. 

Зохиолчийн бас нэг номыг хамт авсан юм. Нэг завандаа уншина даа. 

Түр баяртай. Бүгдэд нь амжилт хүсье. 

Цаасан тогоруу

Зээ өнөөх цаасан тогоруу нь дотроо ийм хөндий. Дотор нь хөөрхөн яст мэлхий хийчихсэн байсан. 

Үүнийг дараа би өөрөө ютүбээс хайж, хийж сурна аа. Хааяа бас гарын үзүүрээ хөдөлгөж байх сайн гэсэн шүү, улсууд минь. Зөнөгрөх явцыг удаашруулж өгдөг гээд эмээ нар юм нэхэх, нугалах гээд хурууныхаа үзүүрийг их хөдөлгөдөг юм билээ. 

Наадаг цаасаар их биеийг нь наасан байсан юм. Түүнийг нь авахаар ингэж онгойно. Дотор нь бяцхан хөөрөн зүйл хийгээд бэлэглэж болохоор. 

Жишээ нь бэлзэг хөөрхөн бэлэг болчихоор. Сүйн бэлзэг энэ тэр биш ч, найз охид хоорондоо хөөрхөн жижигхэн бөгжнүүд солилцдог үе байдаг да. 

Энэ удаад нэг ийм амьтан гарч ирээд. Сайн харсан чинь яст мэлхий байсан. Ёстой хөөрхөн. Гар урлал. 

Багш өөрөө хийсэн. Оригами биш. Утсаар хийсэн. Ийм утаснууд тусгай нэршилтэй байх тийм ээ. Би хэлж мэдэхгүй байна өө. 

Тогоруу, яст мэлхий хоёр нь урт удаан наслалтыг бэлэгддэг. Мөн тогоруу нь эрүүл энхийг бэлэгдэнэ. Яагаав, Хирошима мужийн атмын бөмбөгдөлтөнд өртсөн охины дуунд гардаг даа. 

1000-ш нугалбал өвчнөөсөө сална гээд. Одоо цагт ч гэсэн жуулчид их нугалж очдог. Шилэн хоргонд хадгалдаг. Сүүлдээ бүр ихдээд, хотын захиргаа нь яаж хадгалахаа мэдэхгүй, асуудал болоод гэж хэдэн жилийн өмнө мэдээгээр гарч байсан. 

Гэснээс хайрын баяраа амжилттай давсан биз дээ? Миний хэлж заншиж байгаагаар бол "Шармаанийн өдөр". 

Бид ягаа ч үгүй ээ. Цагаан сараар алдагдсан хэмнэлдээ орох гэж ядаж байхад. Ха ха. 

За түр баяртай. Бүгдэд нь амжилт хүсье. 

Шинэ зүйл

Шинэ үшйл сурсан. Ютүбээр хайгаад үзэхээр гарч ирнэ л дээ. Зорьж хайхгүй л байгаа болохоос. Саяхан нэгэн арга хэмжээнд орчуулга, шүүгч?-р оролцохдоо сурч авсан зүйл. 

Ооё шүүгч гэчихэж ээ. Зүгээр л сурагчдын ярьсан зохион бичлэгийн талаар санаа оноогоо хэлсэн юм. Хо хо. 

Орчуулга нь бол маш амархан. Энгийн л зүйл орчуулсан тул, сүрхий чадварлаг гээд бодчихов доо. 

Оригамигаар цаасан хайрцаг хийгээд. Багшаар заалгасан. Монгол дахь хүүхдүүдэд онлайнаар. Багш яг миний хажууд суугаад. 

Онгойлгохоор ийм. Дотор нь монгол чёко хийсэн. Зун монгол явсан нэг эмээ тараагаад бидэнд. Тэгэхээр нь ингээд дотор нь хийж зураг дарсан. 

Удахгүй хайрын өдөр болно, та нар ингэж дотор нь бэлгээ хийж өгч болно шүү дээ гэж хэлсэн чинь олзуурхаж л байх шиг байсан. 

Би өөрөө их олзуурхсан. Хэ хэ. Цахимын цаанаас сурагчид хэр дуртай байгааг сайн мэдээгүй ээ. 

Хүүхдүүд чинь даруухан гэх үү? Ичимхий гэх үү? 

Харин цагаан сараар ирсэн бүсгүйчүүлдээ зааж өгөөд, нэг нэг хайрцаг хийсэн. Олзуурхаж байсан. Гэрт байгаад, ойрд ашиглаагүй оригами цаасаа ашиглалаа. Бага зулзага сууж бүтээл туурвихгүй байна өө. Байлдаад гүйгээд байна. Хи хи. 

Та бүхэн ч гэсэн ютүбээс хайгаад хийж үзээрэй. Хөөрхөн болдог шүү. Амжилт хүсье. 

                                  

За энэ тогоруу. Энэ бас их учиртай тогоруу. Дараагийн дугаараар танилцууламз. Үүнийг бидэнд заагаагүй л дээ. Багш өөрөө хийж, тэнд цугласан хүмүүст бэлэглэсэн. 

Түр баяртай. Бүгдэд нь амжилт хүсье. 

Гэгээн Шармаанийн өдөр

Би ийм нэр өгөөд хэдэн жил болж байна өө. Гэгээн Шармаанийн өдөр. Номыг нь уншсан хүмүүс бол мэдэж байгаа байх. 

Бас л дутахгүй өрөвдөлтэй түүх шүү дээ. Хайртдаа үнэнч, хадан цохион дээрээс хальчихдаг халхын сайхан бүсгүй. 

Бид яасан ч үгүй. Ажлын газрын 2 ч дарга бидэнд чёко бэлэглэсэн. 2-лаа эмэгтэй. 3 сарын 14-нд буцааж бэлэглэнэ. Ямар чёко сонгох вэ гэдэг том ажилтай боллоо. 

Хань ижлийн ажлынхан энэ амттан өгдөг явдлыг халаад бас овоо хэдэн жил боллоо. Их амар болсон. Буцааж хариу чёког нь өгөхдөө аятайхныг нь сонгох, бас түрийвчтэйгээ зөлөлдөх гээд л асуудал байдаг байлаа. 

Маш их цаг завыг минь хэмнэж өгнө. Учир нь нэг гараад авчихгүй, хэд хэдэн газраар орно гээд л. 

Харин бага зулзагын албаны нэг буланд хөөрхөн зүрхнүүд байсан. Зураг дараад нүүр номдоо оруулсан. Эрхлэгч багш нь нэхдэг гэж бичиж байсан даа. Хөөрхөн ягаан утсаар зүрх гэх мэтийг нэхээд чимэглэсэн байсан.

Ёстой хөөрхөн байгаа биз дээ? Ажлынхаа хажуугаар ингэж нэхнэ гэдэг асар их сэтгэл. Би бүр сар бүр өөр өөр нэхсэн зйүлсийг нь очиж хардаг, алмайрдаг. зураг дардаг. 

Дунд зулзага ганц нэг чёко авсан гэсэн. Эргээгээд өгнө дөө, мөнгөө цуглуулна аа, гэрт хийх ажил юу байна гээд, маш их санаачлагатай байгаа. Дараагаар нь хоёр гараа тосоод, тэдэн иен гээд нэхээд байна. 

Учир начирыг нь хэлсэн тийм ээ? Сар бүр хэрэглээний мөнгө гэж өгөлгүй, гэрийн ажилд тусалсан зүйлийг нь үнэлээд яваа юм. Заримдаа ч амар л байна. Үглүүлэхгүй цэвэрлээд. Хэ хэ. 

Би угаасаа охин хүүхэд үүрнээсээ нисээд явахаараа тэртээ тэргүй гэрийн ажил, эзэгтэйн ажил, ээжийн ажил гээд ундарч өгөх тул гэртээ заавал тэг ингэ гэхгүйг хичээдэг. 

"Далайн хясаа сувдаа нуудаг шиг хайрла" гэдэг шүлгийн дагуу. Би ч багадаа айхтар ажилсаг байгаагүй ээ, гэсэн ч яаж ийгээд болгоод л байна. Хань ижил нь хааяадаа тусалчихдаг болохоор. хэ хэ. 

Охидыгоо хараад өөрийнхөө залуу насаа хааяа дурсана аа. Сүртэй тэмдэглэж байгаагүй ч хэрэндээ хөөрхөн зүрх энэ тэр болж байсан үе байна аа. Ккк. 

За хэсэгтээ баяр завсарлах уу? Мартын 8 гэж бий тийм ээ. Ирэх сард манайх 2 ч төрсөн өдөртэй. Нэг нь бүр бялуугаа 2 сарын эхээр захиалчихсан байвал яах уу? 

Нөгөөх нь бас эрт захиалахгүй бол тийм ээ? л гээд байна. Бэлэгнүүдийг нь сонгоно гэдэг том ажил. Март ч яахав, ёслоод л өндөрлөх байх. Би гэхдээ хоолоо захиалчихсан, хань ижилдээ. Хи хи. 

За түр баяртай. Бүгдэд нь энэ олон баяруудаа амжилттай даваарай гэж хүсье. 

Өвлийг өнөтэй давах гээд л

Ирж яваа цаг. Дулаараасай гээд л сууж байна. 

Гэснээс монгол хүн юм чинь, хасах 30 хэмийн газраас ирсэн юм чинь японд даардаггүй биз дээ? гэж асуугаад байдаг хүмүүст зориулж ийм зураг оллоо. 

Оллоо ч гэж дээ, нүүрномд явж байхаар нь хадгаллаа. Дараа ашиглана аа. Хэ хэ. 

Нүүрномдоо оруулсан чинь ганц нэг япон өвөө зөвлөгөө өгсөн байсан. Хүзүүндээ ороолттой явдаг гэх мэт. Ха ха. Мөн амьсгалж чадах юм уу? гэж асуусан байсан. Хи хи. 

Ер нь японы өвөл, гэр дотроо жаахан тухгүй. Зөвхөн байгаа өрөөгөө халаадаг учраас, бусад өрөө нь жиндүү хүйтэн. Гадаа гарч жорлон орох дайны юм болно оо. 

Сүүлийн үед вьетнамчууд энд ихээр ирж ажиллаж байгаа тул өвөлдөө бас даардаг байх. Тэгээд тэд нэг иймэрхүү зүйл сэтгээд оруулаад байх шиг харагддаг юм. 

Ижил өнцгөөс нь харна, заримдаа эд нарыг.  

Шинийн 2 болон 3-ны мэнд ээ

Өө би идсэн уусан зургаа оруулах гээд л. СБА шүү. Шинийн 2-нд бид хуушуур хийж идсэн. 

Шинийн 1-нд бид буузаа хамтдаа чимхээд жигнээд, идсэн. Үлдсэн мах гурилаар нь хуушуур хийсэн. Хөөрхөн жижигхэн, час хийсэн амттай хуушуур болсон. 

Бүсгүйчүүд олуулаа хоол хийх амар юм өө. Ам нь ч хөдөлнө, гар нь ч хөдөлнө. Хэ хэ. Дор нь л чимхээд, хайрчихна. 

Түүнээс ганцаараа хуушуур хийх байсан бол бас л төвөгшөөнө шүү дээ. Хэ хэ.

Шинийн 3-нд гэрээрээ амарсан тул, хань ижил ингэж шарсан. Бууз шарж идэх амттай тийм ээ. 

Олон жилийн өмнө найз маань цагаан сараар гэрт нь очсон чинь шарж өгсөн нь одоо ч амтагддаг юм. Тийм болохоор хааяадаа шарж идмээр санагдана. 

Оройдоо виногоо халааж ууна аа. Яаж зүгээр байхав. Хамт уусан бүсгүйчүүд минь бас дуртай байсан шүү. 

За нэг иймэрхүү, өргөн дэлгэр шинэллээ. Түүнээс ч ажлын өдөр таарвал юун шинэлэх, бууз чимхэж, жигнэж идвэл их юм болдог юм. 

Түр баяртай, бүгдэд нь амжилт хүсье. 

Сар шинийн мэнд ээ

Сар шинийн мэнд ээ. Ямартай ч шинийн 8-ндаа орж ирж мэндчиллээ шүү. 

Гадаадад байгаа гэхээрээ л ёс мэдэхгүй, монголоо алдсан гэж бодуузай. Хэтрүүлэхгүй, туйлшрахгүй, боломжоороо тэмдэглэчихдэг юм. 

Мөр гаргахгүй. Ажилдаа, албандаа явцгаахдаа гэрээ нар зөв гараад л орой нь хариад ирдэг. 

Зээ, энэ тавгийн идээ минь хөөрхөн. Тэр цагаан үрлийг гийчид маань амттай байна гээд зөндөө идсэн. Зулзагууд минь бас хуурайлна аа, яаж зүгээр байхав. 

Шинийн 3-ныг хүлээлгүйгээр тэр оройдоо "боов"-ыг минь аваад идчихдэг. Хэ хэ. 

Миний гараа гаргаж хийсэн байцааны салат. Томчууд бол идсэн л дээ. Хөвгүүд нэг их сүртэй идэхгүй байсан. Мах, гурил их идэх юм чинь гээд би өөрөө сайн идсэн. 

Шинийн 2-нд ирсэн гийчид маань өөрсдөө хийж идсэн нийслэл салат. Хо хо. Гадуур зугаалж байсан бүсгүйчүүд ерөөсөө нийслэл салат хийж идэцгээе болоод, төмс, майонез, шилтэй өргөст хэмх авч хариад гялалзуулчихсан. 

Хань ижил "өө гоё" гэсэн. Ха ха. Учир нь, эхнэр нь хийж өгөхгүй байсан ч дотроо бол идмээр л байсан шиг байна лээ. Гэхдээ миний гарыг хараад зүгээр суух хүн биш  л дээ, угтаа. 

Хийе гэвэл хийчихнэ, надаасаа илүү. Гол нь гэрийн эзэгтэй хөдөлж дургүй бол онцгүй шд тийм ээ. Хи хи. 

За тэгээд амралтын өдрүүд таараад, нэлээд олуулаа золгохоор ирцгээгээд. Гэснээс нас ахиад, ирж золгодог дүү нар нэмэгдсээр...

Мөд удалгүй ууц тавина гээд явж байх вий дээ. Ха ха. 

Даалуудсан. Угтаа шагайгаа гаргаж ирж тоглох ёстой байсан байна лээ. Ил байснаар нь даалуудаад, 5 гар суугаад цай хураав. Ямар ч байсан өр ширэнд оролгүй өндөрлөв. Хи хи. 

Дуусгаж амжаагүй л дээ. Гэснээс би олон жилийн өмнө эмээтэйгээ даалууддаг, мастер байсан чинь энд ирснээсээ хойш тоглоогүй, мартсан байна лээ. Монгол руу аав руугаа утасдаж асуусан шд. Ккк. 

Айл хэсээд, амттан идсэн нь гэдэг зураг. Хэ хэ. Бусад гоё идээ будааны зураг дарсангүй ээ. Дээд талын нэрс нь их амттай байсан. 

За түр баяртай. Та бүгд ч "маш их тэгжийнаа" биз дээ. Хөөрхөн хүү, олон дахин үзсэн би. 

Миний нэр Улаан 3

Клубынхан маань номоо ярилцсан. Идэвхитэй уншигчид олон, уншиж амжаагүй ч мэдрэмж, мэдээллээ хуваалцдаг болжээ бид. 

Би ч ам мөчид уншиж дууссан. Эхний хэдэн бүлэг жаахан уйтай санагдсан ч, Хар, Шекюре хоёрын бие биелүүгээ тэмүүлэх тэмүүллийг унших явцад бусад дүрүүдийн бодрол, зүйрлэлүүд ч сонирхолтой болж ирнэ. 

Хайр дурлалын тухай ном биш ч үүнийг хоёр биен лүүгээ тэмүүлж буй хоёртой холбоод тухайн үеийн зураачдын тухай, уран зургийн соёлын тухай их урнаар өгүүлсэн ном байлаа. 

Гэснээс бусад гишүүд маань энэ Орхан Памукийн бусад зохиолуудыг ч олоод уншчихсан байх юм, би бүр мэл гайхсан.

Уншаад байгаа хэрнээ миний уншсан номын тоо тэдгээр уншигчдын дэргэд өчүүхэн. 

Номын сангаас зээлж уншихыг хичээнэ ээ. Гэхдээ үг хэллэг хэцүү, уран цэцэн зүйрлэл ихтэй номыг гадаад хэлээр уншина гэхээр миний бяд хүрэлцэхгүй байж магад.

Нөгөө талаар халшраад, хулгаад, тойрч гүйгээд байвал хэлний мэдлэг минь тэлэхгүй, хэдхэн үгийн дунд эргэлдээд, гацчихвал бас онцгүй юм, тийм ээ? Ерөөсөө зориглоод зээлж үзнэ ээ. 

Гэхдээ би номын сангаас зээлсэн 3 номоо дуусгаагүй, хугацааг нь хэтрүүлчихсэн. Удахгүй утасдах байх аа, яанам бэ? Тийшээ гүйх зав гардаггүй ээ. 

Учир нь би хагас бүтэн сайнд онлайн хичээлд суугаад, удахгүй дуусах юм л даа. 

"Зурна гэдэг нь хорвоо ертөнцийг бурхан хэрхэн хардаг болохыг дүрслэх гэсэн хувь зураачийн эрэл хайгуул..." 

"Би мод биш, модны утга учир байхыг хүснэ."

Дээрх 2 зүйрлэлийг нэгэн мэдрэмжтэй уншигч бичиж оруулсныг хуулчихлаа. 

Сүүлийн үед нүүрномд "Цас" гэх хөөрхөн хуудас нээгээд, түүндээ уншсан номныхоо тухай их "гоё"-оор бичээд, би уншсан байж ингэж мэдрээгүй шүү дээ, хаагуур нь өнгөрчихөв өө, ийм мөрт хаана уншлаа гэх мэтээр бодоод, уншиж дууссан номоо дахин сөхөх үү? Яах вэ? гэж бодтол, заримдаа бүр сөхөж хартал нь бичдэг бүсгүйн тэмдэглэл. 

Номонд хорхойтой хүмүүс орж уншдаг ч байж магад.

https://www.facebook.com/profile.php?id=100087548211243 шүү. Сонирхоорой. 

"Хүн байна гэдэг төөрөлдөнө гэсэн үг."

"Зураачийн сэтгэлийн гүнээс урган гарсан алдааг алдаа бус хэв маяг гэж ойлгох хэрэгтэй."

"Оюун ухааны хэдийнээ мэддэг зүйлийг нүд таньж нээхийг л гоо сайхан гэдэг юм."

Зээ, үүнийг нэгэн аварга уншигч санал болгож бичиж үлдээсэн. Их олон ном уншсан бүсгүй. Биширнэм. 

"Амьдрал гэх утга төгөлдөр аян замын төгсгөл хэн бүхэнд адилхан."

"Хэрвээ чи мөрөөддөггүй бол цаг хугацаа яахин өнгөрнө."

"Хүн аз жаргалыг зургаас бус амьдралаас эрж хайдаг билээ."

"Аугаа зураач хосгүй бүтээлээрээ биднийг зөвхөн гайхан бишрүүлэхээс гадна эцсийн дүндээ бидий ой тогтоомжийн зураглалыг өөрчилж дөнгөдөг."   

"Сахиусан тэнгэрүүд лугаа өөрсдөө өөрсдийгөө ихэд бодон ертөнцийн төвд өөрсдийгөө тахин шүтэж байна." 

"Сохор мэт байгсдад сохорт үзүүлэхээс илүү хүндэтгэл үзүүл."

"Насны намар гадаа ирэхэд эл хорвоод мөнхрөн үлдэх нь сонин биш болдог." 

Миний тэмдэглэж авсан нь энэ гурав. 

Клубынхаа охидын ярианаас хөөрхөн хөөрхөн мэдээлэл авдаг. Жишээ нь турк эрчүүд үнэн царайлаг, үнэн сэкси, аяга шаазан зэргийн хээ угалз үнэхээр гоёмсог, хивсийг үнэн тансаг урладаг...

Очиж үзмээр санагдсан. Жаргалтай мөнгөө нэмээд, зулзагууд томроод, цаг зав ихтэй болохоороо очиж үзэх газрын жагсаалтандаа нэмлээ.

За тэгээд энэхүү номд гардаг олон сайхан гар бичмэлүүд, хаадын тухай ном судар устаж үгүй болоогүй бол бидний өвөг дээдсийн тухай асар үнэтэй баримтууд ч ихээр агуулах байсан байх даа гэж бодон бодон номоо хураая даа. 

Уг нь аллагатай, алуурчинг хайсан, уран зургийн тухай тансаг ном юмсан. 

Түр баяртай, цагаан сардаа сайхан, түүртэлгүй бэлдээрэй, би ч хичээнэ ээ. Хи хи. 

1 сард орсон цас 2

Дахин ганц хоёр зураг эндээ үлдээх санаатай. Дулаарайсаа л гэж бодон сууна даа. Хүйтэнд халуун юм уугаад л, жорлон гүйх гэж бас л. Хи хи.

Ажилд явах замд байдаг айлын гэр. Гадаах мод нь ийм гоёмсог. Нэлээд мөнгөлөг айл байх өө. Үгүй ээ, маш ажилсаг айл байх өө. Хэдийд ч харсан ийм гоёмсогоороо.

Цас орсон ч улам романтик. Өөрийн эрхгүй утас луугаа гар яваад, зураг дарсан.

Зулзагын албаны гадаа. Гадаах зогсоолынхоо цасаа цэвэрлэчихсэн байгаа нь.

Өнгөрдөг зун монгол явж эмээ өвөөдээ эрхлэхдээ, нэг ийм шүхэртэй ирсэн. Хэврэг санагдсан ч нэг юм байгаад байна шүү дээ. Үүндээ их дуртай, үе үе киног нь үзээд байдаг болохоор тэр байх.

Цас маань хайлсан ч хүйтэн л байна, бууз ажиллагаа бас бодогдоод байх юм. 500 ч хүрэхгүй бууз хийх ингэж түүртэж байхад монгол дахь хүмүүс маш аз жаргалтайгаар буузаа хийсэн гэж ярихаар нь өөрийгөө яагаад ингэж түүртээд байна, үзүүлэх үү, харуулах уу? ч гэж бодох шиг. Ха ха. 

Түр баяртай, бүгдэд нь амжилт хүсье.

Миний нэр Улаан 2

Энэ зузаан номоо уншаад л явна. Дуусах гээд л дуншаад байна. Дуусахгүй удаад байгаагийн шалтгаан нь гэртээ ном унших заваар ховор байна л даа. 

Цайныхаа цагийн 30 минутыг л уншлагандаа ашиглаж байна. Тэгэхээр чинь маш багаар л ахина гэсэн үг. Дээрээс нь уг зохиол өөрөө нэлээд анхаарлаа төвлөрүүлж уншихгүй бол юу билээ? гэж бодоод, уншиж буй бүлгийнхээ гарчгийг эргэж сөхөх хэрэг гарна. 

Турк улсын эртний байр байдал, хүмүүсийнх нь ааш араншиг, урлаг соёлыг нь номоор дамжуулж өчүүхэн ч гэсэн мэдэж авч л байна. Мянга сонсохоор нэг удаа үз гэдэгчлэн, нэг очоод үзчих юмсан тийм ээ? 

Бидний өвөг дээдсүүд ч тэдний урлаг соёлд ихээхэн нөлөөлсөн бололтой. Монгол бэхийн сав гэж нэлээд гарна. 

Мөн тэд европын зураачдын нөлөөнд автахаас үнэнхүү айдаг, эмээдэг байсан бололтой. Мэдээж европын зураачдын зурах арга барилыг дуурайдаг зураачид ч байж. 

Нэг сонин зүйрлэл олж уншсанаа бичих үү? Эр хүний өнөөхийг "эр хулс" гэж зүйрлэдэг юм байна. Ха ха. 

Эмэгтэйн умайг "бэхийн сав" хэмээн зүйрлэсэн байсан. 

Үзэсгэлэнт бүсгүй, эрэлхэг залуугийн хайр дурлал гарна. Тэр хоёрын бие бие лүүгээ тэмүүлж буй хэсэгт хэд хэдэн удаа энэ зүйрлэлийг уншсан. Би бүр шар өнгөөр тодруулсан. Хи хи. 

Иччихлээ. Ооё. 

Тэгээд л манай монголчууд юу гэдэг билээ гэж аяндаа бодсон. Шодой л гэж орж ирсэн. Өөр ямар нэгэн юмтай зүйрлэдэгийг нь уншиж байсан санаад байх юм. Санаанд орж ирдэггүй ээ. Ха ха.

За тэгээд гоё гоё ишлэлүүд гарна. Залуухан халуухан байхдаа тусгай дэвтэрт бичиж авдаг байж. Одоо ч шууд номон дээрээ тэмдэглэчихнэ. 

"Намайг төрөхөөс өмнө эхлэл үгүй цаг байсан, намайг үхсэн ч төгсгөл хязгааргүй цаг үргэлжилнэ."

"Эхлэл төгсгөлгүй түнэр харанхуйн дундах зурвасхан гэрэд байж, амьдрал минь." 

"Тэнгүй ачаа тэмээ малын зовлон, тэнцвэргүй амраг хоёр биеийн зовлон."

"Эхлээд хар, дараа нь үзсэн харснаа хуваалцаж, өөр хоорондоо шүүн хэлэлц гэж бурхан хэл яриа хайрласан."

"Атаархал бол амьдралын хамгийн сухал сэтгэл хөдлөл."

"Өөрийгөө орчлонгийн төв мэт санах нь нүгэл."

Гэх мэтээр тодруулжээ. Мөн сонин содон үгтэй их таарна. Дараа цаг зав гарвал хайж үзнэ ээ. 

Мөн тухайн үеийн зураачид урландаа, зурагтаа үнэнчээр зүтгээд насныхаа бөгсөнд "сохордог нь түгээмэл байж. Үүнийгээ их нэр төрийн зүйл гэж итгэдэг байж. 

Мөн зураачдын мэдрмэж гэж үнэхээр агуу юм өө. Зурж чаддагүй хүний атаархал ч бас л агуу шүү дээ. Хи хи. 

За дахин үргэлжлүүлж магад. Нобелийн шагналт гэсэндээ бас л уран цэцэн зүйрлэл их юм. Түүнийг нь бас эх хэлээрээ мэдэртэл нь орчуулсан орчуулга ч аугаа байлаа. Унших ёстой зохиол шүү.

Түр баяртай. Бүгдэд нь амжилт хүсье.

1 сард орсон цас

1 сарын сүүлээр 2 өдөр айхтар цас орсон. Энэ жил харьцангуй дулаахан байна гэж ярилцаад, цаг агаарын мэдээгээр. Ашгүй цас орохгүй нь гэж бодож байсан юм. 

Тэгсэн ойрд ороогүй цас нэвсийтэл малгайллаа. 

Манай өөдөөс харсан хэдэн айлууд. Машинууд нь хөөрхөн харагдаж байгаа биз? За тэгээд ажил албандаа явахдаа энэ машин дээрх цасаа гөвнө гэдэг том ажил шүү дээ. 

Бөөн ажил, гутал хувцас нороод. Зутарна зутарна. Хоёрхон хоног орсон тулдаа амьдрал хэвийн өрнөж байна. Өвөлжнгөө цастай газрын хүмүүсийг биширнэм. Багадаа эх орондоо би яаж болдог байсан байна аа тийм ээ? 

Сормуус минь цантаад, дэрвийгээд цагаанаар будчихсан юм шиг байдагт нь дуртай байлаа. 

Миний машин дээрх цас. Эрчүүдийн нэг тийм үсний засалт байдаг даа.Плак засалт гэж хэлдэг билүү? Яг тэрэн шиг л. Би энд цасаа унагаах гэж байна гээд жаахан оролдчихсон, нуруу хүрдэггүй ээ. Намхан хүн чинь. 

Энэ өдөр том машинаа унаж таараад өө. Гайхуулсан уу? Хи хи. Өдөр тутамдаа өөртөө таарсан жижиг тэрэг унадаг л даа. Энэ өдөр сондгой дугаар явж болдоггүй өдөр гэж худлаа залахгүй юу? 

Нээрээ үе үе энэ тэгш сондгойгийн шийдвэрийг бодож бухимдана шүү дээ. Хаа байсан эндээс бухимдаад байдгийн учир нь ойлгомжтой. Тэндээс нэг ном аваад энд хүргээд өг гэж гуйх гэхээр өнөөх л түгжрэл, өнөөх л тэгш сондгүй дугаар. 

Үнэн тэнэг. 

Тэгэхэд энд эх орны минь хувьд бараг гамшгийн хэмжээнд гэж хэлэгдэхээр их цас орсон ч түгжрэхгүй, би л гэрээс гарах цагаа тохируулчихад л ажил дээрээ яг цагтаа бэлэн гозойж байгаа л байхгүй юу? 

Мөлхөөд байгаа шүү дээ, аминдаа. 

Цасаа буулгаж, дархан цолоо мандуулчихаад орж ирсэн нь. Гутлынхаа цасыг гөвчихсөн л дөө. 

Цас нь усархаг тул нэг иймэрхүү түрийтэй гутал их өмсөнө. Сүүлийн үед цасны түрийтэй гоё гуталнууд зарагдаж байна лээ. Худалдаж авах гэснээ, өмнөх энэ мэт гуталнуудаа тултал нь өмсөөд, муудахаар нь л болно доо гэж бодоод, гуталны тасгаар нүдээ аниад л өнгөрч байна. 

Гэгээрсэн байгаа биз дээ? Нэг шинэ зүйл худалдаж авахад байгаль орчноо төдий хэмжээгээр сүйтгэж байдаг гэж уншиж байлаа. Хамгийн наад зах нь миний өөрийн эдийн засагт ч хэмнэлттэй юм даа. 

Аль хэдийн хайлсан л даа. Энэ удаад бид цасан өвгөн энэ тэр хийж тоглоогүй ээ. Сонирхол буурсан. Хи хи. 

Удахгүй дулаарна гэхээс сэтгэл өег байна өө. 

Буузаа чимхэж л байна, бага багаар. 

Түр баяртай, бүгдэд нь амжилт хүсье.

Согтоодог

Өнгөрдөг зун би нэг согтож билээ. Ха ха. 

Дүүгийндээ дайлуулаад цайлуулаад. Хатуу юм ууж чадах биш, ойрд солонгос их явдаг болсон улс чинь намайгаа, солонгос архар дайоав. 

Ингэж дайланхдаа "Сэнгүр" шар айрагтай холиод, тэгснээ нэг нарийхан төмрөөр дон хийлгээж цохиод байх шиг байсан. Би чинь шинэлэг юманд дуртай хүн чинь их л сонирхоод амттай байна гээд уугаад байсан юм. Сүүлдээ согтоод, унтаад өгсөн. 

Маргааш өглөө нь шартсан. Дахин шинэлэг юманд хууртахгүй юм шүү. Амсахын хувьд амсана аа амсана. 

Энэ шүү дээ, тэр согтоодог этгээд. Солонгос савангийн дууриуд дээр гардаг даа, эмэгтэй нь согтоод л эр нь үүрээд л. Хэрэв гадуур уугаад согтсон бол дүү маань үүрэх байсан болов уу? Ха ха. 

Дийлэхгүй л дээ, намайгаа. 

Үүнийг саяхан солонгос явж ирсэн бүсгүйгээс бэлгэнд авсан юм. Баярлалаа. 

Гэснээс энэ жилийн нэгэн том зорилт бол жингээ дор хаяж 5 кг хасах. Одоогийн байдлаар нэг ч грамм хасаагүй. 

Аргагүй шүү дээ, иймэрхүү зүйл уугаад байхаар.Хэ хэ. 

Та нар минь ч гэсэн идэж уухаа тохируулаарай даа. Нэг нэмчихбэл ч хасах гэж бас л...

За түр баяртай. Бүгдэд нь амжилт хүсье.

Багийн хурал

Хорооных биш багийн хурал болов. Хань ижилтэйгээ чи яв, би яв гэж зөрсөөр байгаад би дийлээд, хань ижил явав. 

Сайндаа ч биш ээ, манайд зочин ирэх байсан тул гэрээ цэвэрлэх гэх мэт ажил байсан юм. Бага зулзагаар хальт шатныхаа тоосыг арчуулав. Хөөрхөн арчаад байдаг шүү. Байсхийгээд л гүйж ирээд алчуур базаад өг гэнэ. Хэ хэ. 

Дунд зулзага угаасаа олдохоосоо өнгөрсөн. Дугуйлан, хичээл, даалгавар гээд. Гэрийн ажил хийх нь эрс багассан. Эрх биш өрөөгөө цэвэрлэж харагддаг. Би ч тэртэй тэргүй цэвэрлэх нь гарцаагүй тул гэртээ эрх дураараа байг л гэж боддог болсон. 

Өө тийм, би гарын мөнгө гэж өгдөггүй тул, жорлон цэвэрлэх, угаасан хувцас тээж өгчихөөд хөлс нэхдэг болсон. Ха ха. Аав нь жаахан дургүй, үүнд. Гэрийнхнийхээ төлөө хийсэн зүйлдээ хөлс нэхээд гээд. 

Ээж болохоор энэ тухай ном уншчихсан болохоор, гэрийн ажилд туслахад мөнгө өгдгийг нэг их үгүйсгэхгүй л байна. Туршилт явагдаж байна. Хо хо. 

Хань ижил нэлээд удаж удаж ирэхдээ нэг ийм томоо савтай бэнто буюу хоол барьсаар ирсэн. Болоогүй ээ бас, хэдэн ширхэг шар айрагтай. 1 сарын сүүлийн бүтэн сайнд зохиогдсон. 

Энэ жилийнхээ үйл ажиллагаа, хогоо хэрхэн хаях, элдэв арга хэмжээнд залуус идэвхитэй оролцох хэрэгтэй байна гэх мэт зүйл ярилцсан гэсэн. 

Бид ч зулзага ч бас гэж том боллоо, өглөөдөө эртхэн босоод гарч оролцож байя даа гэж ярилцав. Би чинь бага зулзагаараа далимдуулаад, өглөөдөө их хойрго болсон шүү дээ. 

Энэ жилээс жаахан эртэч болчих санаатай, хрэгжүүлж амжаагүй байтал 1 сар нь дуусчихлаа. Жавхлан юм аа...

Доторх нь нэг иймэрхүү. Түүхий загастай. Ер нь бол далайн гаралтай бүтээгдэхүүн, ногоо ихтэй. Амт нь нэлээд чихэрлэг талдаа. Томчууд бид л идсэн. Бага зулзага бол идэхгүй байна лээ. 

Тэр доор харагдаж буй 2 шаргал юм байна аа даа. Дотор нь будаатай, би дуртай биш. Охин дуртай, хоёуланг нь идчихнэ лээ. 

Яг халуунаараа амттай ч тэнпүра гээч хоол. Хөрчихөөрөө онцгүй. Гэхдээ эд хөрсөн хоол идэхдээ нэг их санаа зовохгүй ээ. Сонин, халуун орон болохоор тэр байх.

Энэ дээр нь харагдаж байгаа амттанг алтан хөрш хийсэн. Тэнд цугласан хүмүүст тараасан. Илүү гарсныг нь бидэндээ өгөөд явуулж. Алтан хөрш маань энэ жил багийн даргаар сонгогдсон юм. 

Нэлээд шулуухан, бага зэрэг босс зантай тул бусад бага зэрэг айдас хүйдэстэй байгаа байх гэж таамаглаад. Адаглаад л хог хаях өдөр хогоо аятайхан хүн шиг хаяна гэсэн үг. Хэ хэ. 

Энэ багийн үйл ажиллагаанд огт оролцдоггүй хүн гарууд бий. Ийм хүмүүсийн ихэнх нь ганц бие, ажил ихтэй нэлээд орой тардаг, нэг бол эрүүл мэндийн асуудалтай гэх мэт хүмүүс байдаг. 

Мөнгө төлдөггүй хүмүүс ч бий. Угтаа амьдарч байгаа бол мөнгөө төлөөд явбал гэж боддог юм. Тэр хавийн аюулгүй байдал, цэвэр цэмцгэр байдлыг иргэдийн оролцоотойгоор хангаж байдгийг мэдэхийн дээдээр л мэддэг баймаар, эд нар. 

Энэ жил бид ямар нэгэн үүрэгт албанд томилогдоогүй. 2 жилийн дараагаар ямар ч билээ албанд томилогдох ээлжтэй юм билээ. Хичээнэ дээ. 

Түр баяртай. Удахгүй цагаан ногоон сар ч боллоо доо. Амралтын өдөр таарна, зочид гийчид ихтэй байх нигуртай...

Бүгдэд нь амжилт хүсье.

1 сарын өнгө

Угтаа 1 сард зурсан зурагнууд.  сарын өнгө ногоон байлаа. Гадаа хүйтэн цастай байсан болохоор, даараад ногоон өнгийг санагалзсан юм болов уу? Хи хи. 

Өинөх зурагнуудыг бодвол илт сайжирсан байгаа биз дээ? 

Нэг харахад луу ч юм шиг. Нэг харад үнэг ч юм шиг. Хи хи. Төөрдөг зам гэсэн. Яаж ч яваад төөрөх юм бүү мэд. Хүүхдийн төсөөлөл гэж бас л хөөрхөн шүү. Юу ч гэж зохиогоод хэлчихээр. Эгдүүтэй. 

За энэ бол хөл гартай. Айхтар том монхор хамартай. Хүн гэхэд мөн ч юм шиг, биш ч юм шиг. Үс бол үнэн ганган. 

Хортой, хүчтэй этгээд гэсэн шүү. Хүн байж байгаад, ийм дүрстэй болсон гэсэн. 

Харваас ойлгомжтой. Үлэг гүрвэл. Одоохондоо үлэг гурвэлдээ дуртай хэвээрээ. Хажуугаар нь буу сэлэм дайрч орж ирнэ. Ха ха. 

Гэхдээ энэ зурагны тайлбар аймшгийн. Хортой тариагаар тариулаад хөл гар нь нэмэгдчихсэн гэсэн. Ий ий. Үзсэн киноных нь нөлөөлөл. 

Вилл Смитийн тоглосон нэг кино. Баахан робот гараад байдаг. Би тиймэрхүү кинонд сонирхолгүй юм болохоор нэр усыг нь хэлж мэддэггүй ээ. 

Энэ өнгийн палмастерууд нь удахгүй дуусах байх даа. Хамгийн аятайхан нь дууссан өнгийнхөө ганцхан ширхэгээр нь захиалж болдог. 

Зулзагуудынх нь уран бүтээлд амжилт хүсье. Түр баяртай.