За өнөөдөр юу бичих үү? Хэ хэ. Муу хүн идсэн ууснаа л гэдэг. Одоо яая гэхэв. Угаасаа идэхээс өөр сонин алга байна дөө гэж.
Явсан газрынхаа нүд хужирласан ганц нэг зураг оруулах гээд л. Хэт их сонголттой, хэт их дэлгүүртэй, хэт их амттантай, хэт хүнтэй газар ч бас л.
Гэхдээ жилдээ ганц нэг зүгээр тийм ээ? Ойрын 2 жил төв газар яваагүй болохоор сайхан л байсан.
Энэ удаад гэрлийн бүрхүүлний 2 зураг дарсныгаа оруулах санаатай.
Хүүе энэ төв газар чинь амьдрал буцалж байна шүү дээ. Юун өвчин, юун вирус. Төв буудлын ойролцоо ч зочид буудалд буусан. Хүн гэж пиг байсан. Ажилдаа яарсан, хичээдээ яарсан гэх мэт залуус.
Их дэлгүүрээр хэссэн эмээ өвөө, баячууд, ганган ганган туранхай хүүхнүүд. Их дэлгүүрээр нь нүдээ хужирлаж явахдаа өөрөөсөө ичлээ. Пөөнийсөн хар курткатай. Ядаж байхад хөвсгөр.
Залаад ирсэн бурханд минь хөрш эмээ өгөөд явсан. Биднийг сэрээгүй байхад шахам ирээд, хаалганы бариулаас зүүчихэж. Мэссэж үлдээгээд.
Зээ ёстой хөөрхөн зураг олоод оо. Бага насаа өнгөрөөсөн байрны минь зураг. Бага ангид орж, мэдээ орсон цагаас минь энэ байранд амьдарч байсан. Соц нийгэм ч байсан.
Олон сайхан дурсамж бий. Мөн олон сахилгагүй дурсамж ч бий. Жаахан дүүгээ дагуулаад 9 давхар барилгын чиртаакан дээр гардаг байлаа. Тухайн үед нэг дотны найзынх 9 давхарт, манайх бас 9 давхарт.
Доошоо буугаад дахин дээшээ гарахаасаа залхуураад, шууд чиртаакаараа орж гардаг байлаа. Үнэн танхай юу? Одоо охид минь дүүгээ тэгж авч гарвал би боож үхэх байх шүү.
Гол нь бид ээж аавыгаа ажилдаа явсан хойгуур бүтэхгүй, зэвүүн, сахилгагүй үйлдлээ хийдэг байж.
Энэ модон тоглоом. Тухайн үедээ бид модон тоглоом гэж нэрлэдэг байсан. Өдөржингөө л энд өнжинө. Байрныхаа хойно савлуур бүхий хөөрхөн жижигхэн тоглоомын талбай байсан. Саравчтай, хөгшид нарладаг байсан.
2 талд нь бас яг ижил байр бий. Энэ зурагны баруун гар талынх нь байрны хойно бас савлуур бүхий тоглоомын талбай бий. Урд талд нь жижигхэн хөөрхөн байшин байдаг байсан.
Жуковын нэрэмжит ч билүү номын сан. Би тэндээс ном унших гараагаа эхэлсэн. Номын сангийн өмнө Ленины музей байсан. Одоо юу болсон бэ? бүү мэд. Пионерт тэнд элсэж байсан.
Хэн нэгэн сурагч дурсгал болгож тасалгааны цэцэг бэлэглэх болоод. Би 2 гараа өргөж байгаад л ээжийнхээ тарьж ургуулсан нэг хөөрхөн тасалгааны ургамлыг авч явж байсан.
Ээж минь тухайн үедээ нэг их сайшаагаагүй санагддаг. Хэ хэ.
Бас тэр Лениний музейг тойрч их айл гэртэж тоглодог байсан. Гэрийнхээ сервантны хамаг өнгөтэй өөдтэй гэснийг авч гараад л. Бүтэн үлдэх нь ховор л доо. Хи хи.
Аминдаа баян айл болж харагдах гэж тэр байх даа.
Сүүлд нийгэм солигдоод, манайх нүүх болов. Бөөн уур, нүүхгүй гэж уйлж дуулж байснаа санадаг юм. Харин би сургуулиа солиогүй.
За нэг иймэрхүү бага насаараа нэг аялчихаад ирлээ. Нас явж буйгийн шинж ээ гэж...
Түр баяртай, бүгдэд нь амжилт хүсье.
За би бээр эндхийн конкурсны хүүхдийн талаарх төрсөн сэтгэгдлээ? бичээд яваад байгаа ухаантай даа.
Таарсан хүн болгон л хэцүү байна уу? сандарч байна уу? сэтгэл санаа тогтворгүй байна уу? гэж асууна. Тэр нь конкурсанд хүүхэд сойх гэдэг нь өөрөө ямар их ачаалалтай, нэр төрийн, хүч сорьсон зүйл болохыг бэлхэнээ хэлээд өгч байгаа хэрэг.
Ганц манай том зулзага ч биш, ер нь энд нийгмээрээ, улсаараа л бэлддэг юм байна. Бодлого, тогтолцоо нь үнэн айхтар.
Өчүүхэн би нь хамгийн ойроор, өөрт тохиолдолж буй зүйлээсээ л бичиж буй хэрэг.
Ажлын газрын хүүхнээс мэссэж ирж байна. "Үүдэнд нь жижигхээн талх орхисон байгаа шүү. Конкурсны зулзагынх нь хичээлд хань болог." гэсэн байсан.
Гараад авсан. Тавьчихаад өөрөө аль хэдийн явчихсан байсан. Чимээгүй, сүр бадруулалгүй, энгийн даруухнар дэмжиж буйн илрэл нь.
За энэ талх яагаад хичээл хийхэд нь хань болох вэ гэхээр?
Шөнө дөл болтол хичээлээ хийгээд суухад нь үе үе ам руугаа идэх юм хийж хивэхийг хань болох гээд байгаа юм. Ха ха.
Гэрийн ойролцоох жижигхэн хөөрхөн кафены газрын талх. Нэг ийм уут нь гэхэд л хөөрхөн үнэтэй. Дотроо инжир жимстэй. Гоё хатуу.
Эндхийн талхнууд зөөлхөн, хөвсгөр байх нь элбэг.
Том зулзага нэг уутыг ганцаараа иднэ гээд өрөө лүүгээ аваад орсон. Үлдсэн хоёрыг нь бусад 4 гишүүд эвтэй найрамдалтай хуваагаад идсэн. Хэ хэ.
Бушуухан шиг конкурс дуусаасай гэж бодоостой...
Түр баяртай, бүгдэд нь амжилт хүсье.
За нэг их тайлагнаад байх онцгой үйл явдал болсонгүй ээ. Цаг агаар сайхан, хавар цаг айсуй. Эртээдхэн орсон цас хайлсан.
Зулзагууд гадаа гарч тоглосон. Бага нь орохгүй гэж уурлаж, уйлж, газар сууж уурлах гэх мэтээр аашилсан. Түүнийг нь хараад уурлах биш өхөөрдөх. Биднийг хараад дунд зулзага дүүдээ атаархаж энэ тэр. Хэ хэ.
Тоглоомын талбайд очиж шороогоор наадав. Чулуугаар зураг зурсан. Ээжийгээ зур гэж тушаагаад, авъяасгүй ээж байдалд орж энэ тэр. Ккк.
Гэртээ өнжсөнийх хөнжил гудсаа гаргаж хатаав. Энд нар л гарвал хүмүүс хөнжил гутсаа гаргаж хатаадаг. Чийгтэй орны нэг хэцүү нь чийг баманд элдэв өт хорхой үржих нь их.
Ажилтай үед өглөө гаргаж хатаах гэхээр өдөр нь тэнгэр муухайрах явдал хааяа гардаг тул тэр бүр гаргадаггүй. Өдөр харих гэхээр заримдаа бас амждаггүй гээд л шалтаг ихээ их.
Чийг бам гэдэг үг орж ирж байх чинь? Монгол хэлээ бас мартчихаагүй л бололтой. Хоршоо үг. Нэг зав гарвал тольдоно оо.
Нэг том ажил нь чемоданаа гаргаж ирсэн. Дотор нь хийсэн байсан хувцсаа түр гаргаж тавьлаа. Авч явна гэсэн ганц нэг зүйлсээ хийлээ. Ингээд Монгол явчихаад ирдэг бол тийм ээ? гэж ярилцав бид. Хо хо.
Өө бас нэг том ажил амжуулсан. Дэлгүүр хоршоо орж ээжийг эзгүйд манай хэд буцалсан цай шиг өнгөрөөхгүйгээр жаал хүнс, ойр зуурынх нь хэрэглээг бэлдсэн.
Хаашаа явах гээд л байна даа гэж бодож байна уу? Нууц мэдэв үү? Хи хи.
Ариун цэвэр, хувийн сахилга бат их сайн сахих санаатай жижиг савалгаатай гар ариутгагч 2-ыг авлаа. Баахан амны хаалт бэлдлээ. За тэгээд өмнө томилолтоор ийш тийшээ яваад сурсан хүн чинь юухан байхав.
Нээрээ тийм, бага зулзага энгэрээс зүүгдэхгүй тул жаал гоо сайхандая гэж бодоод маск энэ тэрээ цүнхэллээ. Би чинь бага зулзагаа унтуулдаг баатар болоод өөрөө түрүүлээд нам болохоор юун гоо сайхан...
За нэг иймэрхүү. Түр баяртай. Бүгдэд нь амжилт хүсье.
Том зулзага анх хэлд орж байхдаа гүзээлзгэнийг "гүзгээлзгэнэ" гэж хэлдэг байсан. Бид хааяа тэр үгээр нь өхөөрдөж хэднэ. Одоо ч конкурсны том маамаа болсон ч хааяа багынх нь энэ мэт сонин хэлдэг байсан үгийг нь хэлэхээр жуумалзаж харагддаг.
Дуртай байдаг байх. Ер нь хүүхдүүд өөрийнх нь паян зэргийг санаад ярихад дуртай тийм ээ?
Энэ нүсэр биш төсөр гэдэг үгийг энэ япончууд асар идэвхитэй гүйцэтгэдэг шиг санагддаг.
Энэ хөөрхөн жижигхэн цас арилгагч байна уу? Ажил минь байрладаг газрын өмч.
Сүүлийн үед ийм жижиг авсаархан төхөөрөмжийг байгууллагууд гадаанаа тавьсан харагддаг. Хэдэн жилийн өмнө харагддаггүй л байсан шиг санаад байна.
Том том улсын замаа болохоор томоо цас арилгагчаар арилгчихдаг. Өглөөд ажилдаа явахад л арилгачихсан байна шүү дээ. Сүрхий улс шүү эд.
Харин саяны цаснаар яг миний ажилдаа явдаг замыг арилгаж амжаагүй, энд тэс цас нь хөлдөж овойж товойгоод, хальтиргаа ихтэй. Ажилдаа явах гэж түгжрээд, хоцрох байх гэж утасдлаа.
Ажилдаа ирээд цагаа харсан чинь 10 минут л хоцорсон байсан. Хэ хэ. Монголд бол хоцрох биш, цагтаа л ирсэн байна уу? Хэтрүүлчихсэн үү, уучлаарай. Яах гэж эх орноо тэгж байдаг юм тийм ээ?
Уучлаарай, эх орон минь. Үүнийг уншаад, ганц нэг хүмүүс ч гэсэн үлгэр дуурайлал аваад ажилдаа хоцордоггүй болоосой гэж бодоод л, эдний авууштай талыг бичээд байдаг юм өө.
Түүнээс энд бас асуудал их шүү дээ. Бичихгүй л байгаа болохоос...
За өөр зүйлгүй дээ, түр баяртай. Бүгдэд нь амжилт хүсье.
Зочид буудалд амьдардаг, залаад ирсэн бурхан минь бас онгод нь бууж ирэхээрээ амттай хоол хийнэ ээ. Яаж зүгээр байхав.
Идэр-Одын нэг бичлэгийг үзсэн биз дээ? Цэцэг услачихаагүй байна гэж үглэж байгаа, хөөрхөн тийм ээ? Манайд ч тийм хотелд байгаа шиг байдаг нөхдүүд бий бий.
Эндээ л зулзага мулзага, мундаг зундаг, хөөрхөн мөөрхөн гээд нялцаганаад байдаг болохоос амьдрал дээр бас л ондоо шүү дээ.
Загнана, үглэнэ, манай удамд л байхгүй бла бла гээд л. Ккк.
За за оршил нэг иймэрхүү. Одоо өрнөл нь. Өрнөлөө шууд зургаар илэрхийлнэ.
Нэг өдөр онлайн хичээлтэй гээд гэртээ үлдсэн юм. Тэгсэн өдөр утсаа харсан чинь ийм хоол хийлээ, ирж идэх үү? гэнэ ээ.
Хайр хүрээд л явчихсан. Зочид буудалд байгаа юм шиг, залаад ирсэн бурхан шиг гэж үглэдэгт минь уучлаарай гэж дотроо бодоостой. Гадагшаа ил гаргахгүй ээ. Эд чинь заримдаа бас хайр даахгүй, уур хүргэнэ шүү дээ. Ха ха.
Саналаа, нээрээ бас хайр даахгүй гэж хэлдэг юм байна.
Ингээд л хэлдэг ярьдаг, үглэдэг үгсээ эргээд бодохоор ээжийн минь хэлдэг байсан үгс, яах аргагүй. Үе үе бас л эвгүй хэлц хэлж загнадаг байсан. Гэхдээ тэрийг нь бол би хэлдэггүй.
Муухай, харгис, муу ёрын санагддаг.
Ингээд л би чинь хүүхдийн хүмүүжлийн тухай ном, нийтлэлээс дөлөөд байгаа. Миний үглэхдээ хэлдэг үгс зэвүүн, би л ганцаараа хэлдэг байх гэсэн чинь ихэнх ээжүүд бас хэлдэг гэдгийг Идэрээгийн бичлэгнээс олж мэдээд жаахан тайвширсан.
Ханьтай л юм байна гэж. Хи хи.
Гэхдээ зулзагууд минь зуун хувь ойлгодог эсэх нь бас л эргэлзээтэй. Эдгээр үгсээ япон хэл рүү уран төгс орчуулж хэлбэл харин ой тоонд нь бууж магад л юм. Ккк.
Ямартай ч нэг өдөр конкурсны зулзага минь хайр хүргээд л авлаа. Уяхан ээж нь дорхноо уярч энэ тэр. Гэхдээ нэг их удаан үргэлжлэхгүй ээ, энэ уянгалалт. Оройдоо л бууж гарна. Ээ дээ энэ ээжүүд үү?
Бүгдэд нь амжилт. Түр баяртай.
Дахиад л цас орсон шүү. Миний ажил нэмэгдээд л. Ямар ажил гэдгийг нь журмын олон уншигчид минь мэддэг болсон тийм ээ?
Дунд зулзага сургууль нь ойрхон тул өөрөө явна. Том зулзага хүргүүлнэ. Сургуулийн сүүлчийн хичээлтэй өдөр гэсэн байх шүү. Тэгээд л гурван сарын 1-нд төгсөлтийн баяраа хийнэ.
Наана нь конкурс гэсэн том даваа нь байна. Гаднаа нэг их үзүүлэхгүй ч дотроо санаа зовсгээд л сууна даа би ч...
Би цасны зураг оруулах гэж орж ирсэн юм аа уг нь.
Орой ирэхээр чинь лүндэн буулгана даа. Чиний л зулзагуудыг хүргэж өгдөг дөг, бла бла. Ха ха.
Гэснээс зулзагууд минь амжилт гаргаад л, хөөрхөн дээрээ тавиастай байвал миний зулзагууд, уур хүргээд байвал хань ижлийн зулзагууд болчихдог шд, манайд. Та нар бас тэгдэг үү. Ха ха ха.
Нэг шөнийн дотор ингэж орсон байна. Овоо л ажил боллоо, арилгах гэж. Замд тааралдсан машинууд дунд инээдтэй машин их байсан. Үсээ бинтүү засна гэдэг шиг л дээд оройныхоо цасыг буулгаагүй нь их инээдтэй харагддаг. Хэ хэ.
Моднууд их хөөрхөн зайрмаг шиг болчихдог. Гэснээс би зайрмаг идээгүй удаж байна өө. Бага зулзагаас бусад гишүүд идэхээр идье гэж бодогдохгүй, амар. Одоо чоконоос л гарчихмаар байдаг...
Бага зулзагат болохоор эгч нар нь аа баабаа халуун ногоотой гээд хэлчихдэг. Өнөөх нь халуун ногоотой гэсээр л яваад өгнө. Нэхэж барихгүй, хараад өрөвдөөд, хайр хүрээд байдаг юм.
Гэхдээ яахав, хайчаар тоглуулаагүй аав ээж минь гэж дуу байдаг даа. Хайр нь дотроо хал нь гаднаа шөө миний...
Цас бичиж явснаа хайр энэ тэр болоод л. Сүмбэн цагаан хуруунууд минь ёстой нэг хадуурч товшлоо доо тийм ээ.
Түр баяртай. Бүгдэд нь амжилт хүсье...
Нохойн дуу ойртоод, бид их томоотой байх гэж хичээж байгаа. Томоотой байна гэдэг нь аль болох чимээ шуугиан багатай, уйлаан майлаан багатай, зурагт үзэлгүй, хөгжим сонсолгүй, монгол руу утсаар ярилгүй гэх мэт.
Мөн гэртээ элдэв зочид урилгүй байх. Гэснээс монгол хүүхдүүдийн маань хоёр нь шинийн нэгэнд ирж амжаагүй юм. Мужаас гадагшаа тэмцээнд, ярилцлаганд явсан тул.
Очиж золгомоор байна гэсэн. Шууд ир гээд хэлчихэж чадалгүй, эргээд холбоо барья гэсэн байгаа. Бууз маань дууссаныг ч хэлэх үү? Хэдийг чимхэж хөлдөөмөөр байдаг.
Бага зулзагын багштай уулзсан. Ганцаарчилсан уулзалт. Сүүлийн нэг жил элдэв арга хэмжээнүүд цуцлагдаад, тэр бүр зулзагынхаа цэцэрлэг дээрх байдлыг нүдээр, амьдаар нь харж баясаж чадахгүй л байна.
Багштай нь элдэв л зүйл ярилцлаа. Сүүлдээ ч монгол япон хүмүүсийн онцлог, сул тал, сайн тал болоод явчихсан. Хэ хэ.
Ямартай ч бага зулзага минь дажгүй дассан, одоо бие дааж жорлон орох дасгал хийж байгаа гэсэн. Эхэндээ уйлаад явдаггүй байсан бол одоо явах нь явна, гэхдээ шээдэггүй гэсэн. Хи хи.
Бид ч бас гэртээ нэг их хүчлээгүй. Уг нь живхнээс нь гаргачихвал эдийн засагт ч нэмэртэй л дээ. Цаг нь болоогүй байхад хүүхдээ нэг их хүчлээд яахав гэж бодоод. Дээрээс нь гурав дахь зулзага болохоор зөнгөөр нь өсгөчих санаатай.
Түүнээс элдэв мэдээлэл, нийтлэл уншаад байхаар миний өсгөж буй аргын дийлэнх хувь нь буруу ч юм шиг санагдаад, сүүлдээ тиймэрхүү нийтлэлээс зугтаадаг болж байна. Хэ хэ.
Энэ 4 сараас анги дэвшинэ. Хэрэгтэй гэсэн зүйлсийг нь бичсэн цаас өгсөн. Мөн хувийн малгайтай болно. Хэрэв ах эгчийнх нь гэж байдаг бол ирж үзүүлээд болох уу гэж асуугаарай гэсэн.
Нээрээ нэг малгай бий, түүнийгээ хайх юм байна шүү. Мартаад яваа юм байна. Ойрд мартана гэдэг үгтэй их найз болоод, үе үе түүндээ уураа гаргана аа, яаж зүгээр байхав. Муу нөлөө үзүүлдэг найзаас салчихмаар л байдаг...
Өөр чинь юу билээ? За за бичих зүйл дуусчих шиг боллоо. Түр баяртай. Бүгдэд нь амжилт хүсье.
Хүүе блогоо мартах шахсан байна шүү дээ. Хэ хэ. Яагаад мартах шахав аа? Энэ чинь одоо. Болж байна уу даа?
Ойрын хоёр өдрийн үйл явдлаа эргэн санах гэж үзэх үү? Гэхдээ нөхөөд оруулчихаж болдог юм билээ. Биш ээ, сар өдрийнхөө тохиргоог зохицуулчихаж болдог юм билээ. Хо хо.
Хайрын баяраар дунд зулзагатайгаа хамт зааланд өнжсөн. Бага сургуулийн 6 дугаар ангийн хүүхдүүдээ гаргаж өгдөг арга хэмжээ. Ээж аавуудтайгаа хамт нөхөрсөг тэмцээн зохионо.
Дасгалжуулагч нартайгаа өрсөлдөж тоглоно.
Тэмцээн дуусахаар урьдчилан бэлдсэн урлагийн номероо үзүүлнэ. Эрэгтэй эмэгтэй багууд хамтдаа нэг өдөр зохионо.
Нэг жаахан шар хөдөлгөсөн арга хэмжээ нь 2-ын зайнаас бөмбөг шидэж оруулах. Би гоолондоо сайн л байсан, залуудаа. Тэгсэн нэг ч оруулаагүй. Арга ч үгүй байх даа, ойрын хэдэн арван жил шидээгүй юм чинь. Хэ хэ.
Тэгсэн нэг ээж 2 жил дарааллан түрүүлж байгаа юм байна. Ирэх жил түрүүлнэ ээ, наана нь бөмбөг шидэж, бэлтгэл хангаж байгаад. Харин хань ижил 2-т орсон.
Өнгөрдөг жил би ажил таараад оролцоогүй. Бага зулзага аавыгаа тоглохоор гарахаар л бөөн чарлаан болоод, олон ээжүүд хоббитойг нь гайхсан байх гээд л хань ижил хөхрөөд байсан.
Энэ жил томорчихсон, тэрүүгээр нэг гүйж харайгаад, нэг зүгээр суухгүй. Хүмүүсийн хайрыг татаад л...
Хэдийгээр коронатай ч яаж ийгээд сургууль цэцэрлэг нь хичээллээд, спорт урлагаа орхилгүй вакцинтайгаа золгочихлоо.
Энэ долоо хоногоос вакцинжуулалт эхлэнэ. Мундаг уу? Гэтэл манайх бүтэн 2 жил гаран гэртээ бүгж байна. Ирээдүй болсон хүүхэл багачууд, нийгмээс тасраад их л хэцүү байгаа байх даа? Яалтай...
За түр баяртай. Бүгдэд нь амжил хүсье.
Бидэнд бол шинийн гурван. Японд гэгээн хайрын баяр. Гэхдээ энэ япончууд нэг тийм гэгээн цагаан, романтик хайр дурлалын тал дээр маруухан улс шиг санагдаад байдаг.
Хариуцлага л ярьсан, ухаантай хүмүүс... Хэ хэ.
Нийгмийн амьтныхаа нэг хувь хүний хувиар бие биедээ чоко бэлэглэх нь их. Хань ижлийн ажлын газрынхан чоко шидэлцэхээ больсон. Их амар санагдаад.
Тэгсэн хорооны зүгээс бага ангийн сурагчдад зориулсан чоко хийх арга хэмжээ зохиосон. Дунд зулзага түрүү жил бүртгэлээс хоцорссон тул энэ жил их эрт утасдаадахлаа гэсэн чинь ам мөчид л амжсан.
Арга хэмжээндээ оролцоод ирсэн. Энэ зураг дээрх чоког хийж ирсэн.
Ойрд орж гарахгүй байгаа тул элдэв хямдралтай таарахгүй л байна. Хөөрхөн хөөрхөн бичгийн хэрэгсэлтэй таарвал ч...
Цаасан уутан дотор энэ хоёр хайрцаг. Энэ хайрцагнуудыг цаанаас нь тараасан байх. Бүх зүйл нь 110 иен байдаг дэлгүүрээс авчихдаг. За тэр дэлгүүр бол ид шидтэй шүү дээ. Бүх л зүйл байна. Буяныг нь их л хүртдэг дээ. Хэ хэ.
Хайрцган доторх амттан. Хайлуулж байгаад, сүүн крем энэ тэр холиод. Хэвэнд цутгаад, чимэглэсэн байдал. Чимэглэлээ бас өөрсдөө хийнэ. Материал нь цаанаас. Гэхдээ 200 иен хурааж авсан.
Бага зулзагаас бусад нь амтархан идсэн. Бага зулзагадаа бид иймэрхүү зүйл идэхдээ "баба халуун ногоотой, болохгүй" гээд хэлчихдэг. Ха ха.
Одоохондоо чоко, зайрмаг өгч, ундаа өгч эхлээгүй. Тэгсэн монголд хамаатны дүү маамаа зайрмагийг ёстой идэж өгч байна аа. Өө л дөө, яасан эрт өгч эхэлсэн юм бэ? л гэлээ.
Нэг иймэрхүү. Амралтын өдөр таарсан ч сүйд болж баярлаж барьсангүй ээ. Дор бүрнээ жаахан завгүй. Энэ талаарх тайлангаа бичихийг бодно оо.
Түр баяртай. Бүгдэд нь амжилт хүсье.
Шинийн хоёрны мэнд ээ.
Хань ижил ажилдаа. Конкурсны зулзага сургууль руугаа. Төгсөх нь дөхсөн тул хэсэг найзуудын хамт хичээлээ давтаад, өдөр нь сургуулийнхаа арын уулын хормойд үдийн хоолоо хамтдаа идэх юм гэсэн.
Нийслэл салат хачир болгоод аваад явсан. Бууз аваад яв гэсэн чинь "Өө болих минь, махны үнэр танар гэж аймар, тэрүүгээр нэг үнэртээд унана" гэсэн. Хи хи. Мах барагтаа иддэггүй япончуудад махны үнэр их хурц байдаг шиг байна лээ.
Бид мах чанахаар хавиар нэг үнэртдэг юм билээ. Гадаа л үнэр нь ханхийгээд байдаг. Хэ хэ.
Бага зулзага бид хоёр аажуухан сэрээд, шинийн нэгнийхээ бууз, бэрээс энэ тэрээс хамж идээд л, нялуураад л. Номоо уншаад л, мөөмөө бариад л, ккк.
Бага байхад шинийн гурван дөрөвнөөс илүү гарсан жигнэсэн буузныхаа махыг нь түүж идээд л, хатсан гурилыг нь хаядаг санаанд ороод. Хи хи. Хайран бууз тийм ээ? Тэгтэл нь илүү ихийг жигнээд, хаяж байдаг, бас л цамаан байж ээ.
Одоо бол тааруулаад жигнэнэ, тэгэхгүй бол хайран хөдөлмөр, мөнгө биз дээ?
Дунд зулзага, шинийн нэгэнд бууз жигнэхтэй давхцаад, чоко хайлуулж байна гэж ажил удаад. Хайлуулсан чокогоо зүрхэнд хэлбэрт хэвэнд цутгаад, хөлдөөсөн.
Өнөөдөр тэрийгээ савлаж бариад аваад явсан. Ойрхон цэцэрлэгт уулзаад, солилцох юм гэсэн. Журмын нөхдийн баталгаа болгож хэсэг найзууд хоорондоо солилцох юм дагуудаа.
Боож савлахыг нь би харж амжаагүй, унтамхай хүн чинь. Сэрээгээрэй гэж хэлсэн байсан тул сэрээсэн. Годгос гэж босоод л, дуртай зүйлээ болохоор үглүүлж бариулалгүй хийчихэж байгаа юм. Ээ дээ энэ хүүхдүүд үү?
Найзуудаасаа авсныгаа газар дээр нь идсэн гээд хоосон ирсээн. Хи хи. Ээж зураг хөрөг авч блогтоо оруулах гээд байхад. Гэхдээ хоосонгүй, өөрийнх нь хайлуулснаас, гэрийнхэндээ гэж үлдээсэн нь энэ шүү.
Үхэр жил гарлаа гэж. Мөрөө гаргацгаасан уу? Хань ижил хийморийн овоо гарсан. Би яахав бага зулзагаа хүргэж өгсөн болохоор тэгээд мөрөө гаргасан гэсэн үг. Хүүхдийн өхөөрдөм хөөрхөн, гэнэн цагаахан, баяр хөөртэй дуу хуур хангинасан газар тул энэ жилдээ ч сайхан байх биз ээ.
Охид сургууль руугаа явцгаасан. Тэгэхээр мэдээж эрдэм номтой нөхөрлөсөн жил байна гэдэгт итгэл төгс байна өө.
За тэгээд ажлын өдөр тул оройд оо л бужигналаа. Монгол хүүхдүүд ирж золгоод бууз жигнүүлж идсэн. Нийслэл салат, байцааны салат хийсэн. Нэг зүйл мэдэж авсан нь хүүхдүүд байцааны салат нэг их иддэггүй юм байна.
Нийслэл салатыг сайн идсэн. Бэрээс бас нэг их дуртай биш юм байна. Ирэх жил дээрх бага иддэг зүйлсийнхээ хэмжээг багасгана аа.
Эхний хэсэг хүүхдүүд эрт ирсэн, туслалцаад хөөрхөн. Эгчээ юу хийх үү? гэж асууж гүйгээд, би чинь уймраа эмээ шиг л сандарч гүйгээд. Ха ха. Олуулаа инээж хөөрөөд шинэлсэн сайхан байлаа.
Хоёр дахь хэсэг нь нэлээд орой ирээд, хам хум буузаа жигнүүлж идээд л харьцгаасан.
Эндээс төгсөөд явсан хүүхдүүд бичих нь бичээд, ярих нь яриад мэнд мэдсэн.
Журмын олон нөхөд сайхан шинэлсэн биз дээ? Үхэр жилдээ эрүүл энх, хүссэн бүхэн нь биелэх болтугай. Мөн энэ баба өвчин үтэр түргэн дарагдах болтугай.
Түр баяртай.
Өнөөдөр битүүн, энд нийтийн амралтын өдөр таарлаа. Сайхан байна өө. Долоо хоногийн дунд ингээд ганц өдөр амрах бас сайхан тийм ээ? Олон хоног дарааллан амрахаар эсрэгээрээ ядраад байдаг болохоор явцын дундах нэг ийм амралт аятайхан санагдаад байдаг болжээ.
Хэдийгээр битүүн ч нэг их онцын зүйл байсангүй. Цагаалга болгож бэрээсээ хийсэн. Нэмэлт сахар хийлгүй, усан үзмийнхаа чихэрлэг амтаар л амталчихсан. Тэгсэн хань ижил би жирийн л багадаа иддэг байснаар нь идмээр байна гэж уур хүргээд.
Тэгэхээр нь бас үглээд авсан. Биднийг багад элдэв амттан ховор, элсэн чихэр л байдаг байлаа. Тэр үед бол энэ нэмэлт сахарын хэрэглээг бие маань яаж ийгээд зохицуулчихдаг байсан. Харин орчин үед амттан ихдээд, сахарын илүүдэлд ороод, бла бла гэж үглээд. Би дийлсэн. Ха ха.
Чийгтэй оронд хатаах гэж нэлээд ажиллагаа болох байх гэж бодоод хийж үзье гэж бодохгүй байгаа. Ингээд бодохоор би үнэн залхуу юм аа, тийм ээ. Нэг хэсэг өрөм загсаах гэж их үзсэн дээ. Уг нь боломжийн амттай, гэм нь ажиллагаа их орно. Дээрээс нь хуруу зузаан гарахгүй, атгахан хэмжээтэй гардаг тул бас л залхуураад хийе гэж бодохгүй л байна. Ха ха.
Мөн буузаа жигнээд, бага зэрэг байцааны салат хийсэн. Байцааны салат их амар тийм ээ? Өмнө нь хийж идэж байхгүй, заавал ажиллагаа ихтэй нийслэл салат хийдэг байсныгаа гайхаад байгаа.
Гэхдээ шинийн нэгэнд нийслэл салат хийнэ. Хааяа л нэг юм чинь гэж бодоод. Гэрийнхэн ч дуртай, монгол хүүхдүүд ч дуртай. Хүний газар хүүхэд л баярлуулж буян үйлдэе дээ. Ямар гандан орж чадах биш.
За журмын олон ушигчид минь сайхан битүүлээрэй. Түр баяртай.
Хүүе цаана чинь маш ажилсаг, сэтгэлтэй, зүтгэлтэй ээжүүд их байна шүү. Нүүр ном шагайхаас сүүлдээ айж, ичиж, зовж энэ тэр.
Яасан гэхээр? Онгоц байхгүй, ачаа бараа ирэхгүй гээд дээр бичсэн мундаг ээжүүд ул боовоо, сүлжмэлээ өөрсдөө хийгээд байна. Тэр зургуудыг нь хараад хийж чадахгүй, хийе гэж бодохгүй болохоороо л нүүр ном шагайхаасаа айгаад байна л даа.
Би наана нь хэдхэн буук чимхэж хөлдөөх гэж л үгээ хэлж байхад. Ичсэн нэрэндээ хэдэн бууз чимхэж хөлдөөсөн л дөө. Түүнийгээ битүүндээ жигнэх үү? Шинийн нэгэндээ жигнэх үү? гээд л ярилцаад байж байна. Хэ хэ.
Гол нь энд буузаа хөлдөөнө гэдэг чинь алаан болоод байна. Монгол шиг гадаанаа хөлдөөгөөд, түүнийг нь багачууд манаад л гэдэг зүйл байхгүй. Хулганы нүх шиг жижиг хөлдөөгчөө л ашиглана.
Тэгэхээр хөлдөөгчинд байсан мах шүүсээ яах уу? гээд л асуудал бас ундрах юм байна шүү дээ. Ай хоорвоо...
Уран илтгэгч болохоор шийдээд, өнөөх чинь. Ийм ном эхэлчихлээ. Ха ха.
Тоглосон юм аа. Ахлах сургуулийн хүүхэд өгсөн 4 номны нэг нь. Нимгэнээс нь эхэлж уншиж буй царай нь.
Хэрэгжүүлээд явчихбал ч одоо л ёстой үзүүлээд өгөхөөр болж байна аа тийм ээ? Миний энэ сүүлд уншсан хэдэн номыг харахад л.
Ганц нэг зүйлийг нь санаж явна аа. Зүгээр уншчихгүй бас алдаа олж энэ тэр, их эд ээ. Хи хи.
Аан тийм, их жижгээр шивсэн байсан, үсэгнүүд нь.
За тэгээд IT чиглэлийн элдэв үг хэллэг ихтэй байсан. Америк улсын, америк хүний жишээг ихээр авч тайлбарласан байсан тул англи хэлгүй надад жаахан бууж өгөхгүй л байсан.
Япон хүнээр жишээ авсан бол харин толгой дохиод л уншад суух байсан байх.
Нэг их илтгэл тавиад байдаггүй ч хааяа эх орныхоо тухай танилцуулахдаа гаргаж ирж сөхөж харж байгаад хэрэгжүүлж болохоор зүйл байвал хэрэгжүүлнэ ээ.
Одоогоор бас уншаад дуусчихаагүй тул сэтгэгдэл ч бүрэн гүйцэд бичих боломжгүй байна. Жаахан л цаг зав гарвал л барьж авах санаатай ч боломж ховор л байна шүү.
Сая амралтаар хамаг цагаа бууз чимхэж хөлдөөхөд зарцууллаа. Тэгээд л бодлоо. Манайхан хамаг цагаа идэхэд зарцуулаад, сурахад, уншихад, хөгжихөд их бага цаг зарцуулдаг юм байна гэж.
Ингээд биччихвэл ч алуулах байх даа? Хаа очиж энд орж ирэх хүмүүс тоотой нь сайхан.
Ээж аав, эх орноосоо хол монгол хүүхдүүдэд бага ч болов монгол амт амсуулж буйн болох юм даа тийм ээ? Эх орны минь ирээдүй шүү дээ...
За дараа номоо уншиж дуусгаад, бичихээр зүйл байвал бичнэ ээ. Нэг бол өөртөө л үлдээгээд, би л өөрөө хөгжигнө өө. Ха ха. Сурсан мэдсэнээ бусдад түгээх чинь нэг буян гэсэн шөө, чимээгүй л өөрийгөө болгоод, өөрөө л болж байвал болоо гэж бодоод явдаг хүмүүс минь ээ.
Бусдад гэрэл түгээ. Хо хо.
Түр баяртай. Бүгдэд нь амжиль хүсье.
Хөршийн холбоо минь ирээд ээ. Хайр хүрээд л явчихсан. Хэ хэ. Хонх дараад л би дэгдэж гүйгээд л.
Энэ бол байнга ямар нэгэн амттан бариад гүйдэг алтан хөрш минь.
Энэ хүүхдүүдэд зориулсан нь. Элдэв орцных нь хэмжээ нь бага юм даг уу даа. Бага зулзагаас бусад нь надад тэд, чамд тэд гэж булаацалдах нь холгүй, амаа олохгүй л идлээ.
2 сард төрсөн өдөр байхгүй, бялуу иддэггүй юм. Тэгсэн хөрш эмээгийнхээ буянаар сайхан гэрийн бялуу идчихлээ шүү санамсаргүй байж байгаад.
Гэснээс энэ хайрын сарын чоко хийх арга хэмжээнд нь дунд зулзага бүртгүүлсэн. Өнгөрдөг жил хоцорчихсон бид хоёр. Энэ жил анаж байгаад утасдсан чинь хүн бүрдэхэд хоёрхон хүн л дутуу байна гэж авдаг юм даа.
Энэ япончууд бас хэнхэг юм аа гэж гайхав. Ккк. Ямартай ч зулзага минь бөөн баяр байгаа. Ээждээ хамгийн амттай чоко хийж ирнэ гэсэн. Мэдээж эндээ зураг хөргийг нь оруулна аа.
Бүх уншигчдадаа амжилт хүсье. Түр баяртай.
Цагаан будааны бөмбөлөгт дуртай юу? Би дургүй. Харин охид дуртай. Ээж, дургүй болохоор хүмүүс бидэнд өгөхгүй байна гэж авсан. Хэ хэ.
Энэ тухай нь ажлынхаа нэг хүүхэнд санамсаргүй ярьсан чинь ээжээрээ хийлгээд өгнө болоод.
Тэгэхээр нь дэлгүүрээс худалдаж авч өгдөг ч юм билүү гэж бодож байсныгаа шууд цуцалсан би. Сэмээрхэн, дотроо л охиддоо авч өгье дөө гэж бодож байсан юм.
Гурван янзын бөмбөлөг өгсөн. Цагаан, элдэв хольцгүй нь түрүүлж дууссан. Яг идэхдээ цуу энэ тэр гээд бас амталж идвэл илүү амттай.
Ногоон нь агь хольсон гэсэн. Дараагаар нь дууссан. Бор өнгөтэй нь Японы морин хүрэн ( Aesculus turbinata ) гэдэг ургамал? хольсон гэсэн. Мод байдаг шиг байна лээ.
Энэ бор өнгөтэй нь хамгийн сүүлд дууссан. Хань ижил л идсэн. Охид таалаагүй. Хэ хэ.
Энэ ажлын маань хүүхний гэр нь манайтай ойр. Тэгэхээр хөрш гэсэн үг. Хэ хэ. Хөршийн холбоондоо орууллаа. Ирэх жил дахин авна шүү л гэлээ. Гэснээс ирэх жил конкурсныхаа зулзагат шуудан явуулж байх ажилтай болно.
Бүгдэд нь амжилт хүсье. Түр баяртай.
3 бүсгүй гэртээ нэг өдөр өнжихдөө ийм зүйл хийсэн байдаг юм.
Ээж нь үнэтэй цайтай гоёоноосоо том зулзагатаа өвлүүлээд. Хэ хэ.
Энэ гэхдээ зөвхөн жижигхэн хэсэг нь. Унждаг, урт, том өв хөрөнгө минь ороогүй байна. Хэ хэ.
Энэ ээж залуудаа бас ганган хүнд гархи нэмэр гээчээр сонин сонин зүйл их цуглуулдаг байжээ.
Одоо бол барагтаа зүүхгүй. Ядаж байхад амны хаалттай үед бүр ч төвөг юм. Оосор нь ээмгэнд хүрээд, аягүй л бол алга болгох магадлалтай тул ээмэг зүүсэнгүй жил болж байна.
Бага зулзага надад өгөхгүй юм байх даа гэж горьдоостой. Эгч нь гэхдээ бас ганц нэг өвөө илүүчлээд байсан.
Би ч "Миний охин өөрөө эд хогшилоо гамтай эдэлдэг, хайрладаг болохоор нь л өгнө дөө" гэсэн. Учир нь одоохондоо жаахан хайш яайш байгаад өө.
Ээж аминдаа минималист болох эхлэлээ тавьж эхэлж байгаа нь энэ. Хэрэглэхгүй, зүүдэггүй гээн зйүлсээ ийш нь тийш нь болгож. Энэ жил бүр хувцас ч аваагүй. Дэлгүүр орох завдал ч болохгүй байна дөө.
Гялс хүнсээр л шагайдаг болоод удаж байна. Нэг бодлын их амар юм гээч. Хямдрал гэсэн бичиг ч харагдахгүй болохоор, шунал ч хөдлөхгүй. Хи хи. Байгаа зүйлсээ угааж хатаагаад өмсөөд болдог л юм байна хүн гэдэг чинь.
Бүгдэд нь амжилт хүсье. Элдэв хэрэглээгээ багасгаарай. Түр баяртай.
Үе үе цагаан лууван танилуудаасаа авна аа. Хааяа л худалдаж авдаг.
Хөршээс эхлээд танилууд минь өгөхдээ, ганцыг биш хоёр гурваар нь өгдөг болохоор заримдаа зөөллөөд муутгачих гээд байдаг талтай.
Тэгээд юүтүбээс хайж дарж үзлээ.
Энэ зурагны цагаан лууван нь жижиг хэмжээтэй, ногоондуу өнгөтэй. Болгож идэхээсээ илүү түүхийгээр нь идэхэд тохиромжтой. Бага зэрэг давс цацаад л болсон. Амт гэвэл цагаан луувангийн амт тэг чигээрээ л байсан. Элдэв цуу гэх мэт амтлагчаар амтлаагүй болохоор арга ч үгүй тийм ээ? Хэ хэ.
Энэ болохоор том урт цагаан лууванг цуугаар амталсан байдал. Цуу, амтат архи? гэж орчуулах уу сайн мэдэхгүй байна. Японоор мирин гэдэг. Энэ 2-ыг ижил хэмжээтэй жижиг тогоонд хийж буцалгасан. Бага зэрэг элсэн чихэр хийсэн.
Мөн улаан чинжүү багахааныг цацаж өгсөн. Буцалсных нь дараагаар ингэж хэрчсэн түүхий цагаан лууван дээрээ хийж өгөөд хөрөхөөр нь хөргөгчинд нэг хонуулсан.
Энэ зураг болохоор дөнгөж цуугаа хийсний дараах. Маргааш нь гаргаж ирсэн чинь цагаан луувангийн өөрийнх нь шүүс нэмэгдээд, цагаан лууван маань далд орсон байсан.
Томчууд бол амтархан идэж байгаа. Хоёр бага зулзага л иддэггүй. Дунд зулзага нэг гонзгойг л амссан. Бага зулзагадаа бол өгөхгүй, иймэрхүү хурц амттай зүйл.
Үе үе ингэж онгод орно оо.
За бүгдэд нь амжилт хүсээд түр баяртай.
Энэ хоёр лааз зэрэг дуусаад. Тэгээд лаазаа цэвэрлэх зуураа гэнэт шороо хийж байгаад чирта тоглодог ч юм билүү гэж санаад. Хэ хэ.
Нивеа тосыг байнга хэрэглэдэг бид. Нэг нэвтрүүлгээр энэ тос нь их үнэтэй ямар ч билээ тостой найрлага нь бараг ижил байсан гэж гарсан гэсэн. Том зулзага үзсэн гэсэн.
Үнэ ч харьцангуй гайгүй. Хааяа бас монгол руу бэлгэнд явуулна аа. Дуртай эсэхийг мэдэхгүй л дээ.
Хол ойрын сайхан хөршүүдтэй хүн шүү дээ, манайх гэдэг айл. Буяныг нь их л хүртдэг дээ.
Хүний газар, яаж байна ийж байна, зулзагууд нь дажгүй биз дээ? гэж асуух чинь бас их урам өгдөг юм билээ.
Хичээх болно оо, холбоо барьсанд баярласан талархсанаа илэрхийлж бөхөлзөнө өө, эдний заншлаар. Утсаар ярьж барьж толгойгоо тонгойлгоод байдаг болчихдог, энд удсан хүмүүс. Би ч бас тийм болсон шиг байгаа юм. Ккк.
Үүнийг төгөлдөр хуурын багш бэлэглээд. Англиар pomelo. Японоор бүнтан. Монголоор мэдэхгүй. Хэ хэ. Латин нэр гэх үү? шинжлэх ухааны нэршил нь citrus maxima.
Зузаан хальстай, багахаан жимстэй. С витаминаар баялаг. Конкурсны зулзагтаа идүүлж дархлааг нь дэмжээрэй гэсэн. Хо хо.
Маргааш болтол баяртай. Бүгдэд нь амжилт хүсье.
Хагас бүтэн сайнд амрахаараа ядарчихаад байдаг шүү би ч. Энэ хагас бүтэн сайн харьцангуй тайван өнгөрлөө.
Тайван гэдэг нь хурга ишгээ энд тэнд тараагаад буцаагаад хураах ажил бага байлаа. Дунд зузага сагсандаа өөрөө алхаад явсан. Орой тарахад нь очиж авсан. Өөрийг нь алхуулчихгүй, энэ япончууд бас их сүртэй.
Харьж явах замдаа янз бүрийн зүйл тохиолдвол бла бла гээд заавал очиж авна. Бүр амжихааргүй бол хэн нэгэн ээжийг гуйна. Хааяа нэг гуйдаг л даа. Байнга гуйх бас хэцүү. Ар өврөөр жиг жуг гээд байдаг юм билээ.
Эд чинь бас хүн муулахдаа гаргуун улс шүү дээ. Би ч нийлж муулахгүй л дээ. Сонсоод л, аан энэ үед ингэж хэлдэг байх нь, ийм хэллэг байс байдаг байх нь гэж япон хэлний хичээл хийдэг. Ха ха.
Дараа өөрөө хүн муулахдаа ашиглах гэж тэр шүү дээ. Зэвүүн байна уу? Хо хо.
Тийм болохоор очилгүй, хүнд гар царайлбал бас ингээд муулдаг байх гэж бодогдоод. Муу санаална аа. Хамгийн гол нь тэр гэж ярихгүй, шууд улсаар нь нэрлээд муулна шүү дээ.
Учир нь бидний нэр хэлэхэд хэцүү, цээжлэх ч үгүй эд нар. Тэгэхээр чинь одоо монгол хүмүүс л гэж ярина биз дээ, цнцнрн минь. Хи хи.
Зулзагуудын минь нэр хаа очиж хэлэхэд амар болохоор цээжилсэн байдаг. Ээж аавын нэр хоёр үгнээс бүтсэн, хэл хугалчих гэсэн байдаг болохоор эд нар шууд тэрний ээж ээ, тэрний аав аа л гээд байдаг.
Нэг бодлын бүдүүлэг, нэг бодлын хэл ус сурах авъяас үнэн байхгүй гэж өрөвдөөд л. Ккк. Нэрний тал дээр уужуу тайван монгол хүнийхээ занг гаргаад, нэг их ач холбогдол өгөхгүй.
Харин зулзагуудынхаа нэр дээр их ач холбогдол өгч, засч залруулна. Тэгэхгүй бол хүүхдүүд их эмзэг байдаг юм билээ. Нэг таньдаг хятад хүний хүүхэд нэрийг нь шоолсон хүүхэдтэй "байлдаад", цаад хүүхэд нь шүдээ гэмтээгээд, ээж аав нь бөөн зарга болоод гэж сонсож байлаа...
Том зулзага гэр зуур. Хагас сайнд нь их сургуульдаа бүртгүүлсэн. Бас их ажил болдог юм билээ. Эхлээд цахимаар бүртгүүлнэ. Бүртгэлийн төлбөрөө тушаана. Тэгж байж цаасан дээрх материалаа бөглөж шуудандана.
Бүртгэлийн төлбөр улсын их сургууль, хувийн их сургууль гээд ялгаатай. Улсын сургуульд конкурсдах тул 20000 иенд багтсан. Шалгалтын дараагаар оноогоо мэдэхийн тулд бас төлбөр төлдөг билээ. Тэнцсэн, ...-гүй гэж ганцхан үгээр биш, оноотой нь мэдэхийн тулд шүү дээ.
Тэр нь дээрх 20000 иенд багтсан байгаа. Би ч өө мэдэж авсан нь дээр, өөрийнхөө төвшинг бас давхар мэдэхэд гэж бодоод, нэмж төлбөр тушаасан. Хүн ч тэгээд үр хүүхдийнхээ төлөө ч мөнгө хайрладаггүй юм билээ.
Тэгэхээр одооноос 300 иен ч байсан цааш нь хадгал гэж хэлье дээ, ээжүүд минь. Би ч өөрийн тансаглалд мөнгө зардаггүй, хуримтуулж ирснийх, ойр зуурын зүйлд нь төлбөрийн чадвартай л байна. Хо хо...
Бага зулзага гэж даам гарсан нэг нөхөр байна аа. Бүх зүйлийг өмчлөөд, ээжийг хүртэл өмчлөөд. Хамаг тоглоомоо дэлгэж хөл гишгэх газаргүй шахам болгоод. Энд тэнд асгаж цутгаад.
Хань ижил яахав байдгаараа л туслаад, хоолоо хийгээд л. Амралтын өдрөөр гал тогоогоо барина аа. Нээрээ ангийн олзтой. Идэшээ бэлдчихлээ. Хи хи. Цагаан сараар буузтайгаа. Ирэх хагас бүтэн сайнд бууз хийж хөлдөөхгүй бол...
За маргааш болтол баяртай. Бүгдэд нь амжилт хүсье ээ.
